يعنى اللى ربنا يرزقه بعد جوع يبقى محدث نعمة لا يستحق مثلا؟ ، بصراحة دة اللى انا فهمته من جملتك ، لو فيه سوء تفاهم ياريت توضح أكتر.
أختلف معاك ، شوف يا أخى عبد الله بن أبى بن سلول رأس المنافقين وهو عائد مع المسلمين فى أحد الغزوات راجعين المدينة ، فقال عبد الله بن أبى لأحد أصحابه يصف الرسول عليه الصلاة والسلام "سمن كلبك يأكلك والله لأن عدنا الى المدينة ليخرجن الأعز منها الأذل" ، سب واضح وصريح للرسول عليه الصلاة والسلام ، حتى إن عمر رضى الله عنه قال " دعنى أقطع عنقه يا رسول الله " ، فكيف كان رد فعل الرسول عليه الصلاة والسلام؟ ، قال " ترفق به يا عمر وأحسن اليه لطالما هو معنا ، أخشى أن يقول الناس إن محمد يقتل أصحابه " ، شوف كيف تصرف الرسول بحكمة ، وطبعا ً لا خلاف بين سب الذات الإلهية وسب الرسول عليه الصلاة والسلام فكلاهما كفر صريح.
كلا الطرفين أخطأ سواء الشاب اللى اتخطبت سيارته او البنت ، كان المفروض يغزى الشر ويسيبها مش جالس يسبها ويشتم فيها ومستنى مثلا واحدة ماسكة له سيلف ديفنس تسكت ومتردش عليه ، كان لازم يتوقع من البداية إن الآنسة مستواها بيئة ويلم الموضوع قبل ما يهزأ نفسه ، أما بالنسبة لسب الخالق سبحانه وتعالى ، فلا تنسى إنه سب نتيجة ضغط وممكن الكلمة فلتت من لسانها من غير قصد يعنى هى هتسب الخالق ليه يعنى؟ ، اللى فى نيته سب الله عز وجل عن قصد وتعمد أمثال الملحدين بيكتبوا أشعار وسب صريح جدا ، لكن مينفعش نبنى حكم لمجرد زلة لسان! ، ويكفى إن عقابها جاء بفضحها أمام آلاف ومئات من الناس وانتشر الخبر بسرعة البرق فى الصحف والانترنت ، يعنى من الآخر فضيحة بجلاجل.
وربنا يهديها :cowboy: