الموضوع: نصيحة لو فليشيتك بتسخن مع السفر!!

المشاركة الأصلية كتبت بواسطة aw2100

انا كنت حاطط توتال البرتقالى من حوالى 4 شهور وكانت مظبطة الدنيا معايا على الرادياتير الأصلى بتاع العربية بس من شهر كده ابتديت احس بالحرارة بتعلى لما بامشى فوق ال 100 مع ان المفروض العكس كل ماتزود السرعة تدفق الهواء على الرادياتير بيزيد فيبرد اكتر والموضوع زاد قوى الأسبوع اللى فات والحرارة كانت بتوصل بعد ال 100 بشوية والمروحة شغالة 10/10 والقربة بتتنفخ قوى فركبت غطاء ايطالى علشان لقيت الغطاء الأصلى بتاعها مكسور وبعد ماركبت الغطاء لقيت المية بتخرج حوالين الغطاء ومعنى كده الضغط عالى قوى فبينفس من الغطاء الجديد و ان الغطاء القديم كان بايظ وكان ممكن القربة او الخراطيم تنفجر وده اللى خلانى اغير الرادياتير وبجرب حاليا بمية عادية والحمد لله مافيش تسريب ولاضغط من الغطاء وبكرة حاروح اشترى جركن مية توتال من البنزينة اللى قدام فتح الله جاردنيا فى الأسكندرية وربنا يستر والاقى احسن انتم بتقولوا ان مافيش منها دلوقتى لاحول ولا قوة الا بالله كل مالاقى حاجة للعربية كويسة تختفى اية الحوسة دى ؟؟؟؟؟

فعلاً حوسة, زي مياه تبريد شل كانت ممتازة جداً, شل وقفت أستيرادها من سنتين, عرفت الكلام دا لما كلمت شيل ماركيتنج بعد لما لفيت علي بنزينات شل كتير من مصر لأسكندرية عشان الأقي مفيش,

فيه أختيارات تانية ممكن تبقي كويسة زي بريستون, ولاقيت كمان Acdelco أمريكي الأتنين متهيألي هيبقو ممتازين, وتركيز 50%

بس أنا قلت أشوف منك هل توتال كانت كويسة ولا لأ, لأني بفضل أحط الحاجة الأوروبي عن الأمريكي.
وكدا مش هيبان ولا نعرف إذا كان المشكلة من المية لما أنت جربتها ولا من الرادياتير إلا لما تجربها تاني علي الرادياتير الجديد.