سم الله الرحمن الرحيم
هنتكلم شوية عن النيسان صنى 2013
اولا عملت صيانة 1000 وكانت العربية تمام وبعد كدة عملت صيانه 5000 وبدات المشاكل تزهر فى العربية منها تيل الفرامل ودة مشكله عند كل الناس اللى معاها نيسان
المهم بلغت على المشكله فى التوكيل اللى فى السويس وعملو اللازم صنفرو التيل ودة الحل العبقرى وبعد مطلعت من التوكيل بعدها بحوالى 24 ساعة رجع الصوت تانى
المهم مشيت بالعربية كدة لفترة 10000 كيلو ورحت اعمل الصيانة راحو الله يبارك فيهم غيرو المستر بتاع الفرامل قلولى ان الفرامل عند فيه مشكلة واتضحلى انا المستر
معيوب اصلا فى سنة صنع العربية المهم بلغت على الصوت تانى عملو نفس اللى عملوا صنفرة ومحدش يقولى انت رضيت ليه بالصنفرة من الاساس لان محدش قلى على
حل تانى فى التوكيل المهم الطنابير راحت بالسلامه وغيرت طنابير على حسابى ومعاها التيل المهم عندى دلوقتى مشكله فى المساعدين الامامى الجوز ضربوا زيت رحت
التوكيل وقولت مش هسيب حقى بعد كدة المهم قلوليلى هنرد عليك وبعد اسبوع قلوليلى تعالى علشان نغير المساعد الامامى ودة اسمها عربيه جديد وانا كل شويه
فى التوكيل وضياع للوقت والفلوس المهم اللى بيفكر يشترى العربية دة يفكر مليون مرة قبل الخطوة الزفت دة انا اسف ان قرفت منها انا حاسس انى اشريت الترمواى
اخوكم محمد حباشى