اية الاخبار دلوقت عربية تستاهل حد يشتريها ؟
عرض للطباعة
اية الاخبار دلوقت عربية تستاهل حد يشتريها ؟
ولا تفكر يا ريس تحط فيها جنيه
انا حصل معايا بالضبط نفس اللي حصل مع الاستاذ حنفي ، في صيانة ال 5000 عملوا صنفرة ومجرد ما خرجت بيها نفس الصوت موجود ، في صيانة ال 10,000 قولت للمهندس ان المرة اللي فاتت عملتوا صنفرة ومفيش نتيجة ، قالي هنبص عليها تاني وبعد ما استلمت العربية ركب معايا مهندس صيانة وجربناها فعلا مفيش صوت وتاني يوم الصوت ظهر .
انا خدت بالي من حاجة معرفش ايه اهميتها ، ان لما العربية تبقى باردة واول ما امشي بيها كيلو مثلا كده الفرامل بتبقى تمام ومفيش صوت ولا حاجة ، وبعد كده الصوت بيبدا يظهر ، مش عارف ايه الموضوع ده .
بس هو عموما الموضوع مستفز جدا ، ولازمله حل . حد وصل لحاجة ؟
انا عملت صيانه ال10 الاف والمهندس قالي ان التيل اللي قدام هيمشيني 3000 كيلو ولازم يتغير وان التيل اللي هيركب كمان هيقعد بردو 13000 الف بردو التيل الامامي فقط ب 515 جنيه انا قولت كمان 3ا لاف واغيره
اعمل ايه يا جماعه انا قرفت من الموضوع ده وكرهت العربيات دي اول عربيه اركبها وتطلع كده يعني طبيعي ان التيل يتغير 15 الف !!!
ولو هشتكى في حمايه المستهلك اشتكى ازاي؟
السلام عليكم انا اسف اتأخرت عليكم فى الرد لكن انا تعمدت عشان اجرب العربية بعد تغيير الطنابير الامامية والتيل فى اتو ايجيبت بعد شكوتى لحماية المستهلك والتغيير كان وقتها العداد 6515 كيلو وهو دلوقتى 8000 كيلو يعنى تقريبا 1485 كيلو صوت الصفارة مش موجود زى الاول لكن ممكن يتسمع فى بعض الاحيان وانا على سرعه لكن مس زى الاول خالص وانا سألت المهندس فى التوكيل على الخامة بتاع الطنابير هل هى نفس القديمة قال ان شركة نيسان غيرت المصنع للطنابير والطلبية الجديدة من خامه تانية ومش هاتلاقى فيها مشاكل ودا فى العربيات اللى غيرت الطنابير من شهر او شهرين لكن اللى قبل كدا غيروا بنفس النوع وبصراحه انا كنت بروح السبع لكن صيانة ال 10000 إن شاء الله هاروح اتو ايجيبت بصراحه فى فرق كبير وعلى فكرة الطنابير مش موجودة فى التوكيل خالص لكن انا عشان اشتكيت كانت موجودة بإسمى فى التوكيل واللى عاوز يشتكى فى حماية المستهلك اتصل على الخط الساخن 19588 وبلغ عن شكوتك وهايعطوك رقم للشكوى ويطلبوا منك تبعت اوراق بالفاكس زى الرخصة وصورة الضمان وتكتب عليهم رقم الشكوى والفكس بتاعهم رقم 33030170
الطنابير موجوده فى اوتو ايجيبت هى والتيل وهما غيروهم من نفسهم يوم 19/9/213 لما اشتكيت من التيل والفاتوره كان مكتوب فيها 980 جنيه تقريبا وطبعا مدفعتش حاجه من المبلغ ده
انا غيرت تيل وطنابير في اتوايجبت ودي تاني مرة اغيرهم العربية عاملة حوالي 12000 كم
انا سألت المهندس مشكلة الصفارة دي هترجع تاني قالي انت عايز الصراحة اه هترجع يعني دي مجرد تسكين لحد ما تخلص الضمان بتاعك وبعدين هيبقي علي حسابنا
ياجماعة العربية مع اصحابى ومافيش شكوى منها والحمد لله .. وانا استلمتها من كام يوم ولغاية الآن جميلة جدا ( تحت الأختبار )
اقتباس:
نالت السيارة «صني» من إنتاج شركة تصنيع اليابانية نيسان لقب أفضل سيارة صغيرة للعام 2012، في تصنيف مجلة «ويلز» المتخصصة في هذا القطاع في الشرق الأوسط.
وحققت السيارة، بحسب بيانات نيسان نمواً في مبيعاتها للأشهر التسعة الأولى من العام الماضي بلغ 50 % مقارنة بالفترة نفسها من 2011، إذ بيع 18 ألف وحدة في المنطقة.
انا مجبتش الصني بسبب الموضوع ده
بس اللي مستغرب له ان العربيه منتشره بطريقه هستيريه و صعب عربيه تنتشر كده وهي معيوبه
وانا ماشي لازم تشوف عربيتين مش صني وواحده صني ...ليه بقي الانتشار ده رغم المشاكل