السعر أقل من أقرب منافسيها ما يزيد عن 10.000 جنيه وبكماليات أعلى
وده كافي لتحقيق الانتشار في ظل أوضاع أقتصاديه صعبه يلعب فيها العامل المادي دور كبير
عرض للطباعة
انا لما غيرتهم المرة التانية كانت برضه علي حساب نيسان وكمان فعلو الانذار علي حسابهم
يا جماعه ايه اخبار المشكله
لماذا توقف النقاش فجأءة
هل تم الاصلاح ؟
هل اختفى العيب ؟
طب اللي اشترى جديد هل مازال العيب بيظهر ؟؟
انا بفكر في السيارة و بعد ما قولت اتوكل على الله لاقيت الموضوع ده في السيرش
انتوا رأيكم ايه اصرف نظر ؟؟ و لا ايه
عاوز اطمن ؟؟
سلام عليكم ....
طيب يا جماعة انا ان شاء الله هشترى الشهر القادم نيسان صنى 2014 ...وهجيبها قسط ياعنى الحكاية بيظه اصلا فا ياريت تقوليلى موضوع العيوب ده ايه ظروفه واخرتها ايه والموضوع عام ولا حصل فى حالات قليلة .....شكرا
أنا معايا نيو صني سوبر صالون 2014 إستلمتها يوم 10-10-2013 عامل بيها 2600 كم والحمد لله العربية ممتازة وبلا عيوب بالعكس حاسس إنها ممتازة وفخمة بسبب وسعها والفرش الأسود الجميل والأوبشنز الممتازة بس الفرق كبييييييييييييييييييييير بين الإي إكس والسوبر صالون وربنا يوفقك
استكمالا للنقاش
انا امبارح كنت بعمل صيانة ال 15 الف كيلو انا اصلا في جسر السويس يعني اقربلي اروح مودرن موتورز الهايكستب بس هو اصلا مركز مش كويس عن تجربة في صيانة ال 1000و50000و10000 المهم اني كنت اشتكيت لنيسان من صوت تزيق من الامام مع الفرامل علي السرعات البطيئة طبعا مكنش سوت ال اي بي اس لاني عارفه ولا صوت صفارة التيل لاني مغير تيل وطنابير مرتين المهم في صيانة ال 15000 عند اتو ايجبت ابو رواش عملوا الصيانة في تص ساعة يعني انا كنت هناك الساعة 45 10 وسلمت العربية علي 30 11 والصيانة خلصت 12
طيب المشاكل اللي بشتكي منها امتي المهندس قالي علي الساعة 5 ومن 12 ل 5 قاعد مستني وبعدين واحد جرب معايا العربية حوالي 10 دقائق قولتله المشكلة بتبدا تقريبا بعد حوالي من ربع ل تلت ساعة قالي معلش عشان ضيق الوقت وكده يعني والمرة الجاية ان شاء الله نجرب اكتر طبعا انا كنت خلاص شوية وهيجيلي الضغط من الناس اللي معندوهمش اي دم وشوية كلام وشد وجذب
وخلاص طبعا مشكلة التيل الازلية برضه موجوده مع انهم عملوا صنفرة ونضافة
خلاصة الكلام بتوع نيسان ناس مش محترمين بالمرة وفي واقعة حصلت معايا في نص اليوم حكيها في رد قادم ان شاء الله
بردو يا جماعة خلينا منحكمش على كل الناس أنا بروح أعمل صيانة في توكيل إسكندرية الهندسية للسيارات ع الطريق الصحراوي والناس هناك ممتازين وذوق جدا في التعامل وسرعة عالية جدا في الصيانة وكمان أنا بدخل الورشة أقف جنب عربيتي وشوف إيه إللي بيتم
السلام عليكم
التيل والطنابير اللي غيرتهم علي 12 الف بدا يعمل مشكلة الصفارة مع الفرملة علي الهادي تالت
(المشكلة الابدية) العربية عاملة دلوقتي 16 الف وجاري العمل علي تغيير التيل والطنابير للمرة التالتة ان شاء الله
انا فعليا بفكر ابيع العريبة بعد لما تتصلح ان شاء الله المرة دي
النسيان صني الجديدة طالعة من المصنع في ٦ أكتوبر ٤٠٪ منتج مصري وهندي وفرامل بايظة علشان اللي يحس بيها متاخر يغيرها علي حسابه + التنك ٤١ لتر والعوامة بايظة والباب لازم يترزع علشان يقفل والصاج خفيف والفيبر اسفل الزجاج الامامي خفيف ثمينة ٢١٥ جنيه دخل منه حيوان قارض دمر عربيتي والضمان رفض اصلاحها ورولمان بلي العجل هندي هيبوظ وراء بعضه ولا يضيع حق وراءه مطالب لازم نتحد في شكوي جماعية لازم علشان نسترد أموالنا المنهوبة من عديمي الضمير الخطوات ١- شكوي لحماية المستهلك من المالك الأصلي ٩٦ شارع احمد عرابي المهندسين القاهرة معها ما يثبت من أوراق بالعيوب التي ظهرت بالسيارة مع كتابة سرعة تحويل الشكوي للجنة لفحص السيارة وتحويل شركة نيسان موتور ايجبت الي النيابة المختصة ٢- ستنعقد لجنة لأخذ أقوالك ثم تشكل لجنة من هندسة عين شمس١٪من قيمة السيارة تدفعها ثم تستردها بعد الفحص٣- يتم استرداد ثمن السيارة بالكامل ،،،،،،،ثم تذهب الي وزارة التموين ٩٩ش القصر العيني القاهرة الدور الثاني مكتب مفتشي الغش التجاري وتقدم شكوي تعمل لهم بيها قضية ،،،،،ثم وزارة الصناعة والتجارة الداخلية بجوار جامع عمر مكرم بميدان التحرير ،،،،،،تم ادارة الرقابة علي الصناعة بالحي السادس مدينة نصر امام رامو ،،، ثم نشير شكاوينا علي النت،،،،،ثم نطلع في الاعلام،،،،،،ثم نقدم شكوى جماعية للنائب العام ويتولي القضيه أشهر محامي وطني مصري أنتم جميعا عارفينة طبعا وبكده هتبقي عبره لأي مصنع عندما يجمع سيارة في مصر ان يسثعمل خامات تليق بالمصري،،،اللهم انصرنا علي القوم الظالمين
كلام حضرتك مزبوط أرجوكم أسرعوا بتقديم الشكاوي بحماية المستهلك ٩٦ ش احمد عرابي المهندسين لآني سبقتك ممن شهر وفي طريقي لأخذ حقي بإذن الله علي فكرة الجهاز رجع الفلوس بالكامل لكثير من العملاء ومندوب مصنع نيسان زبون دائم هناك تقريبا كل تلاتاء