حد يعرف ايه المسمار دا؟؟ (صورة)

**TheCar** · 27-08-2008 11:10 AM

شكرا أ/ ممدوح ....
انا بتهمني جدا ردودك على المواضيع

المشاركة الأصلية كتبت بواسطة MMamdouh

شكل المسمار دة كدة مش بتاع عربيتك اساسا

MMamdouh

قصدك كان على المطب وانا دست عليه؟؟

صعب اوي لأني سمعت صوته بعد هبدة العربية في المطب
عموما هي ممكن تحصل بس بنسبه ضعيفة اوي

انت بقى اللي هاتدلني على ميكانيكي كويس اروح له وياريت في مدينة نصر او قريب منها

**MOHAMED ABD EL SHAFY** · 27-08-2008 11:10 AM

لو بتاع العربية ممكن يكون بتاع ربط كمبروسور التكييف بالقاعدة وليها مسمارين ودا احدهم
افتح الكبوش وشوف مسامير الدينامو والتكيييييييييف

**abou_ruqi** · 27-08-2008 11:19 AM

سوال رفيع يا باشمهندس

هو المطب كان اسلفت وآلا من الحديد المهبب الجديد ده ؟؟؟

اصل المسمار ده شبه مسامير المطبات اللي بتمسكها في الآرض

**TheCar** · 27-08-2008 11:25 AM

المشاركة الأصلية كتبت بواسطة ruqi

سوال رفيع يا باشمهندس

هو المطب كان اسلفت وآلا من الحديد المهبب الجديد ده ؟؟؟

اصل المسمار ده شبه مسامير المطبات اللي بتمسكها في الآرض

مطب اسفلت بس محترم

**aid904** · 27-08-2008 11:49 AM

هقولك حاجه بس متضحكش
هو أكيد المسمار دة مش بتاع عربيتك لان نفس المسمار دة بيربط وش السلندر في الموتور بس مش عارف يصموله ولا لا وطبعا أكيد المطب مفكش وش السلندر بتاع عربيتك يبقي المسمار دة مش بتاع عربيتك والله أعلم

**TheCar** · 27-08-2008 12:12 PM

انت بتسبعد ان المطب يفك وش السلندر؟
طب معلش سؤال جاهل شوية ومتضحكش انت
هو لو وش السلندر اتفك ممكن العربية تمشي؟

**ahmed_su** · 27-08-2008 12:28 PM

اولا فيه احتمال كبير انه يكون المسمار مش تبع عربيتك اصلا

والصامولة اللى فيه دى كانت محطوطة لاستخدمها كوردة فيه مكانكية كتيرة بيعملو الحركة دى :cuss:

ومن طوله اللى انا شايفه مقارنة بشريط الكاسيت انه فى بعض السيارات النصف نقل يستخدم فى ربط المارش او ربط صندوق السيارة فى الشاسيه

وبما انك خدت مطب مميز فواضح جدا انه مصيدة للعديد من السيارات فممكن يكون بتاع احد الضحايا الاخرين .... ربنا يستر

**TheCar** · 27-08-2008 02:08 PM

والله يا جماعة انا مش قادر افسر الموقف
ممكن يكون فعلا المسمار مرمي من الاول وانا دست عليه؟ لأن سمعت صوت معدني بيقع على الأرض بعد الخبطة الجامدة !!
بس مازلت شاكك برضه انه مايكونش تبع العربية
هو انا عديت على بتاع زوايا دلوقتي بص على المسمار وقالي صعب اوي يكون بتاع العربية..
دا لو بتاعها ووقع منها المفروض تكون العربية نصين دلوقتي
وبعدها عديت على ميكانيكي .. اول ماشافه قالي دا بتاع قضيب قطر ولا ايه؟ :)
وبص بصة سريعة على العربية من تحت ..
بس برضه مازلت قلقان..
ربنا يستر
وانا شاكر لكل من ساهم بالرد..

**TheCar** · 27-08-2008 02:14 PM

المشاركة الأصلية كتبت بواسطة bee

حاجه تانيه اي مسمار بالطول ده ومربوط كمان بصموله مستحييييييييييل يتفك بصمولته لو اتفك اصلا
تحياتي ومتقلقش

هي الصامولة كانت راكبه فيه من الاول يعني زي ما الأخ الكريم تفضل وقال انها مستعملة كأنها وردة
والميكانيكي قالي مسمار الدينامو بيبقى اصغر من كدا بكتير
...
أرجو المعذرة يا جماعة لحسن حد يفتكرها اشتغالة ولا حاجة

هو موقف غريب شوية..
لعله خير..

-

الموضوع: حد يعرف ايه المسمار دا؟؟ (صورة)

LinkBack

أدوات الموضوع

عرض

-

-

المواضيع المتشابهه

شوف الشكمان بتاع هوندتك من العلبة الى المسمار

وكان هذا هو المسمار الأخير الذي يدق في نعش الزراعي

المسمار اتقطم و انا بافك الفردة

صورة جهاز غريب فى عربية تيدا ... حد يعرف ايه ده؟!

ايه الحل يا دكاترة في موضوع المسمار

الكلمات الدلالية لهذا الموضوع

المفضلات

المفضلات

ضوابط المشاركة