هااااام جدااا بخصوص الزيت :: عربيتك فيات أو نصر 128 او نوفا 128

**Abo-Yousef** · 25-06-2013 04:56 PM

السلام عليكم ورحمة الله وبركاته

كنت عند احد الاصدقاء وكان معه سياره نصر نوفا 128 موديل 2008 وكنت بهزر معاه بقوله معاك بقى الكتالوج بتعها لاقيته بيقولى اه طبعا استغربت المهم

جابهولى وبشوف و بقلب فى الكتالوج لاقيت منوهين عن تغير الزيت وبينصحوا بزيت التعاون الأزرق sg اوزيت التعاون sf

المهم روحت البنزينة من يومين وبسال عليه لاقيت علبة التعاون الازرق الغامق sg عامله 84 ج ( 1500 كيلو )

وعلبة التعاون الازرق الفاتح sf عامله 58 ج ( 1000 كيلو )
بسأله أغير ايه
قلى يا استاذ لو عربيتك بتاكل زيت خد التعاون sf
ولو موتورها مظبوط مش بياكل زيت خد التعاون sg ثمنها 84 ج

بالفعل جربت التعاون sg علبه 4 ك حطيت للعربيه 3ونصف وأتبقى نصف كيلو مخليه للغيار اللى جاى وسألت صحبى عليه قلى انا مبغيرش إلا هو المهم غيرته وأتصدمت بالفارق رهيبببببب العربيه ماشاء الله سحب محترم جداااااا وصوت مكنه معتدل
( منقول للإفادة )

**ابو لؤى** · 25-06-2013 05:59 PM

سمسم باشا ازايك ديما موضوعاتك انت واشرف باشا لازم الواحد يستفاد منها ربنا يجازيكم خير
سؤال بقى انا بحط التعاون الاحمر الاحادى الدرجه وبينزل على 1000 ايه الفرق بينه وبين الازرق بقى ؟

**Abo-Yousef** · 25-06-2013 06:18 PM

بصراحة يابو حميد مش عارف والله الفرق ايه بس انا برضو جربت الاحمر ومجربتش لسه الازرق ده بس اللى فهمته ان ال 128 حلو ليها زيت التعاون بالنسبة للسعر وكخامة زيت هوا ممكن يفرق فى اللزوجة او زى ما الراجل بتاع البنزينه بيقول الموتور لو بياكل زيت خد الرخيص ولو مش بياكل وتمام خد الغالى والفرق ببين الغالى والرخيص لزوجة الزيت ومرونته عالماتور وبيدى اداء احسن طبعاً زى كأنك خارج من البيت من غير فطار بتبقى واقع من الجوع غير لما تبقى خارج وانت واكل وشبعان فى كلا الحالتين هتمشى بس فى فرق لما تمشى وانت تعبان او تمشى وانت مستريح

وده كتالوج ال 128 بالعربى كمان لقيته عالنت بالصدفه وفى اخر صفحتين هتلاقى بيان عن الزيوت اللى بينصح بيها استعمالها كمان واى خدمة ياكبير
نورت ياباشا

____________ ________ 128 ____________.pdf

**ابو لؤى** · 25-06-2013 06:27 PM

طب افرض نازل من البيت مش جعان ؟؟ مشكور ياكبير هههههههههه لومعاك طبق كشرى مابحبش الكشرى

**ashraf_sms** · 25-06-2013 06:36 PM

هههههههههههههههههههه ينفع اخد معلقة كشري يا احمد
تسلم ايدك ياسامح والله زيت التعاون وشيل احسن نوعين زيت للعربية عشان اللزوجة بتاعتهم عالية وتقيل انما الزيوت التانية خفيفة وانت عارف حاجة زمان علي ابوه وعايزة حاجة تسد معاها انما مواتير دلوقتي فافي اي حاجة تسد معاها وتسلم ياكبير

**Abo-Yousef** · 25-06-2013 07:06 PM

طب لو انت خدت معلقة كشرى حد هيحس ... اكيد لما انت تاخد المعلقة انا اكل بإية .. ههههههههههه

نورت يابو مالك انت وابوحميد

**ashraf_sms** · 26-06-2013 06:41 PM

وينور عليك ياسموح ياكبير

الموضوع: هااااام جدااا بخصوص الزيت :: عربيتك فيات أو نصر 128 او نوفا 128

LinkBack

أدوات الموضوع

عرض

هااااام جدااا بخصوص الزيت :: عربيتك فيات أو نصر 128 او نوفا 128 - انشر الموضوع فى :

-

-

-

-

-

-

المواضيع المتشابهه

بخصوص اللوتس التجمع الخامس هااااام

فيات 128 نوفا

فيات 128 نوفا

استفسار هااااام بخصوص الشكمان

فيات نوفا 128

الكلمات الدلالية لهذا الموضوع

المفضلات

المفضلات

ضوابط المشاركة