الموضوع فى تزايد
عندنا فى اسكندريه الصفوف على بنزين 80 وسولار بالعبيط
طوابير هابله هابله يعنى لو معدى من جنب بنزينه فيها سولار او 80 انصحك ما تعديش احسن هتتظبط
الموضوع فى تزايد
عندنا فى اسكندريه الصفوف على بنزين 80 وسولار بالعبيط
طوابير هابله هابله يعنى لو معدى من جنب بنزينه فيها سولار او 80 انصحك ما تعديش احسن هتتظبط
اقترح علي الاداره فتح قسم جديد خاص بالبنزين لان الموضوع هيطول واهو كمان يكون تأريخ وتسجيل للاحداث دي
ثانيا ما اظنش ان ازمه البنزين تعتبر شئ فكاهي او مضحك خصوصا لو شغلك معتمد كليا علي السياره
يعني انا لما اكون شغال ورادي بليل هخلص شغلي الساعه 8 الصبح واقف علي طابور بنزين لبليل وانام امتا ؟
للاسف المرور والترخيص اكل معظم اجازتي كان نفسي اقف في طابور البنزين عشان الصحبه الجامده اللي الواحد بيلاقيها هناك
الناس كلها بتتصاحب وتتكلم وكانهم جيران او اصدقاء سبحان الله
البنزينه المحترمه بترحم الناس من الزحمه والوقت
الله يكرمك يا باشا بس احنا عايزين اي مواقف كوميدية حصلت
لا عادي انا طول اليوم و في الاخر رجعت بيتنا اركنها لأ و اتخبطت و لقيت واحد راكن مكاني ههههههههه
لا يا باشا ده بنزين بس من الحنفية عالطول هههههههههههههههه هم دول اللي شوفتهم في البنزينات انهاردة كارو و نص نقل و داخلين يعبوا جراكن متقدرتش تعدها من كترها
هههههههههههههههههههه بصراحة انت تغلبت عليا في الموقف ده لكن انا تغلبت عليكم جميعا واحد دخل في الشنطة ضيعهالي و اللي راكن مكاني و رجعت ع الاحتياطي :10D5C8w1107:
طب كويس انهم عملوا كده احسن من اللي شوفتهم انهاردة بيعبولهم و اللي يتكلم يتضرب
يخربيت الفهلوة و استغلال ظروف الناس يعني انا خليت واحد يدخل و قولت مجتش من عربية و ده يديهاله بـ10 ج طب الواحد عرف لو حب يطلع بمصلحة هيعمل ايه ههههههههههههههه
حاجة من الاتنين ياما المؤشر بيشتغلك ياما العداد بيستعبط D:
عايزين مواقف كوميدية مش حالة البنزينات :)
محدش قال ان ازمة البنزين شئ فكاهي او مضحك لكن الموضوع واضح المواقف الكوميدية اللي واجهتك بسبب ازمة البنزين
الله يكون فى عونكم جميعا الحمد لله انا بقضيها مواصلات وربنا يستر متقفش هيا التانية
البنزينات عندنا الطوابير اقل حاجة ممكت تعدى 10 ساعات وصفين بنزينة وطنية هيا الوحيدة اللى فيها نظام شوية ومفيش جراكن انما الباقى حدث ولا حرج على المهازل اللى بتحصل وضرب النار والمعارك اللى بتحصل فيها
وبفكر فعلا فى عجلة وشايف انه حل معقول فى بورسعيد
بس فى القاهرة الله يكون فى عونكم بجد
ويعدى الايام الجاية على خير
ال وانا الي رايح اشتري عربيه 2000 سي سي كده الحق ابدل واجيب حاجه قدرة اتنين حمار وفول تبن وبرسيم واهو الواحد يحس بجو البلد
رايح احط بنزين النهارده
المهم واقف في الطابور ساعه فاتزنقت فعايز اروح الحمام
فقولت للي ورايا معلش هقفل العربيه و اروح تخش الحمام في اقرب قهوه
لقيته بيقولي و ليه يا عم و راح مديني ازازه فاضيه
قلتله انت عامل حسابك ولا ايه
قالي اه و معايا ترمس شاي و سندوتشات كمان
و في الاخر ممونتش و مروح و العربيه علي اخر شرطه و هروح بكره مشاوير الشغل كلها مواصلات
مفيش مواقف كوميدية للاسف مواقف محزنة من خناقات و مشاحنات و عربيات بتريح على بعضها و اصحابها بينزلوا يتخانقوا و عربيات قافلة طريق سريع بسبب طوابير البنزين هى دى الكوميديا السوداء اللى حصلت معايا
واحد صاحبي راح البنزينة قال للراجل اللي هناك عندك بنزين ؟؟؟؟ قالوا لأ ... و هو عنده جوه