الموضوع: مولد الكهرباء الجديد اتحرق .. طلب مساعدة من مهندسين الكهرباء

المشاركة الأصلية كتبت بواسطة whatzup

انا روحت لفيت الدينامو والموبينة.. وقالي انو هايركب حاجة اسمها مثبت تيار..
المهم جيت اجرب عندي لقيت الكهرباء اللي طالعة مش 220 تقريبا 210 او 205
اية الحل ؟؟؟؟ انا حاسس ان المروحة بتلف اضعف والاضاءة اقل... ياتري دة شيء مؤقت ولا مش هتتظبط....
وياتري دة ممكن يحرق اجهزة عندي؟؟؟؟

الاجهزة الكهربائية بتشتغل على مدى من 180 الى 240 فولت ,,, متقلقش مش هتتحرق لكن هتلاحظ فعلا ان الاجهزة بقت اضعف او اقوى على حسب خرج المولد .
المفروض ان في المولد بكرة او يد للتحكم في الفولت الخارج منه , لو مفيش كلم الكهربائي اللي لف الدينامو و خليه يرفعلك الفولت الى 210 ..
اساله لانه هوه اللي شاف المولد و اشتغل فيه فهيكون عارف امكانياته بالتفصيل..

المشاركة الأصلية كتبت بواسطة whatzup

شكرا يا باشا علي الرد.......وكنت عايز اعرف اية اطول فترة ممكن اشغل فيها الدينامو؟؟؟ واية افضل نوع زيت ممكن نستخدمة ؟؟؟؟

المفروض ان فيه مؤشر للحرارة و طول ما الجهاز حرارته كويسة شغله زي ما انت عايز بس حاول انك تحطه في مكان فيه تيار هواء زي رف على سور البلكونة مثلا او جنينة البيت ..
نوعية الزيت هتلاقيها مكتوبة على الجهاز , و في الغالب يستخدم زيت عربيات عادي و اسال برضه محل الزيت اللي هتشتري منه , انا كنت بجيب زيت موتور موبيل دلفاك بتاع العربيات الربع نقل بس ده كام مولد 60 كيلو .
كمان خلي بالك ان الزيت بيتغير كل عدد ساعات معين موجود في الكتالوج او مكتوب على الجهاز ..