انا عايز من ده حد يفديني :)

**sherif moneer** · 26-06-2013 05:55 AM

لو سمحتو المنظف ده جايلي من بره من الكويت تحديدا وعايز اعرف موجود منه هنا او حاجه زي ولا لأ
وده ماشاء الله رهيب ف تنضيف الصدا والحاجات دي

**hagagatc** · 26-06-2013 06:03 AM

بس مكتوب عليه كربوراتير يبقي كربون كلينر مش صدي بينضف الكربون الي بيقي موجود في غرفه الحريق والبوابه والايدل
في حجات زيه زي الجنك او ابرو وفي انواع كتبير امريكيه وصيني وتيواني بس انا جربت الجنك حلو والابرو جميل امريكي

**sherif moneer** · 26-06-2013 06:19 AM

انا مجربتوش ف تنضيف حساسات وكده
بس مثلا كان عندي مروحه وماتورها قفش
حطيت من ده جوا الماتور نزل بلاوي والمروحه بقت زي الفل تاتي

**Ahmed Amin** · 26-06-2013 07:08 AM

المشاركة الأصلية كتبت بواسطة sherif moneer

انا مجربتوش ف تنضيف حساسات وكده
بس مثلا كان عندي مروحه وماتورها قفش
حطيت من ده جوا الماتور نزل بلاوي والمروحه بقت زي الفل تاتي

بص يا أستاذ شريف كدا أنت بتتكلم في موال تاني,
ال wd-40 مزيل للصدأ وبيتغلغل لتزيت الحاجات القافشة زي المسامير والصواميل اللي مش بتبقي راضية تتفك,,
وبيتفاعل مع البلاستيك وبياكل الكاوتش لو أترش عليه.

المروحة اللي بتتكلم عنها دي لو في البيت مينفعش معها منظف الصدأ اللي أنت كنت بتسأل عليه في الأساس عشان تجيب منه,
في إسبراي مخصص لللإلكترونيات وبيبقي جاف مش زيتي زي ال WD-40.

التجربة بتاعتك نفعت المرة دي عشان منظف الكاربيرتاير دا مش سائل زيتي زي ال wd-40 ومش بيستني في الكاربيراتير عشان بيتبخر وبينشف بسرعة, علي عكس ال wd-40 دا إسبراي زيتي هيفضل مكانه وبيسيب أثر ويلم كمان تراب لو متنشفش..

وبالنسبة لسؤالك تاني لو فكرت تشتري منظف صدأ ورشيته علي المروحة ممكن تشتغل زي ما حصل معاك بمنظف الكربرياتير وتبقي زي الفل زي مانت حسيت, بس دا هيبقي علي حساب عمرها.

**Ahmed Amin** · 26-06-2013 06:45 AM

المشاركة الأصلية كتبت بواسطة sherif moneer

وعايز اعرف موجود منه هنا او حاجه زي ولا لأ
وده ماشاء الله رهيب ف تنضيف الصدا والحاجات دي

فعلاً زي ما قال أستاذ حجاج دا المفروض منظف للكربياتير ومكتوبة عليه,
لو عايز حاجة منظفة للصدأ هنا هيا wd-40
وهوا معمول عشان تنظيف الصدأ, مش زي الاسبراي اللي في الصورة.