أخر سعر صرف الدولار

**abdelaziz-waleed** · 01-09-2015 10:17 PM

المشاركة الأصلية كتبت بواسطة gade2

ايه اللى جاب حب البلد فى الموضوع ... يخرب بيت السياسه اللى عملت فينا كده
انا اقصد ان فى اهتمام كبير بالدولار م اننا بنتعامل بالجنيه فأكيد فى حاجه انا مش فهمها ....حقيقي

معلش يا باش مهندس اعذرني على سوء الفهم. بس كان ممكن حضرتك توضح من البداية لتجنب سوء فهم قصد حضرتك.
هتلاقي معظم اللي موجودين في الموضوع اما بيستوردوا او بيجيلهم دخل من الخارج بالدولار سواء تحويلات او مرتبات او ممكن ناس بتسافر وبتحتاج دولارات وفيه ناس بتكون مثلا بتشتري حاجت من برة او مأجرة سيرفرات او مواقع استضافة برة مصر وبتدفع الاشتراك بالدولار غير المتعاملين في الفوركس وغيره ناس كتير جدا بتحتاج دولارات في مجالات كتير وناس بيجيلها دولارات من مجالات كتير بتحتاج تغير.
وانا اسف على سوء فهمي ماتزعلشي مني.

**abdelaziz-waleed** · 01-09-2015 10:32 PM

بيعت انهاردة للصرافة ب 8.00 جنيه مقفولة. غيرت 6300 دولار

**مُصْطٓفٓى** · 01-09-2015 11:26 PM

المشاركة الأصلية كتبت بواسطة abdelaziz-waleed

معلش يا باش مهندس اعذرني على سوء الفهم. بس كان ممكن حضرتك توضح من البداية لتجنب سوء فهم قصد حضرتك.
هتلاقي معظم اللي موجودين في الموضوع اما بيستوردوا او بيجيلهم دخل من الخارج بالدولار سواء تحويلات او مرتبات او ممكن ناس بتسافر وبتحتاج دولارات وفيه ناس بتكون مثلا بتشتري حاجت من برة او مأجرة سيرفرات او مواقع استضافة برة مصر وبتدفع الاشتراك بالدولار غير المتعاملين في الفوركس وغيره ناس كتير جدا بتحتاج دولارات في مجالات كتير وناس بيجيلها دولارات من مجالات كتير بتحتاج تغير.
وانا اسف على سوء فهمي ماتزعلشي مني.

الموضوع تعدى ذلك بكثير
اللي معاه مبلغ بالجنيه بيكون متأكد ان قيمته بتقل كل يوم
واللي يقدر يشتريه من سنة بالمبلغ اللي معاه مش حيقدر يشتريه النهارده
ولذلك ستجد الكثير بيحتفظ بفلوسه على هيئة دولارات

اللي بيسلف حد فلوس ومش عايز يكون ربا
بيدهمله دولارات وبيشترط عليه يرجعهم دولارات بنفس العدد
لان الجنيه كل يوم سعره بيقل امام العملات الاجنبية كلها
مش الدولار هو اللي بيزيد

**Bassem Youssef** · 01-09-2015 11:44 PM

السعر الرسمي للدولار 7.83 جنيه

الدولار ابو 8 جنيه ده

سوق سوداء و لا صرافه ؟؟؟

**ahmedwagdy03** · 02-09-2015 09:57 AM

المشاركة الأصلية كتبت بواسطة باسم يوسف

السعر الرسمي للدولار 7.83 جنيه

الدولار ابو 8 جنيه ده

سوق سوداء و لا صرافه ؟؟؟

ماتفرقش السوق السودة هى الصرافة و الصرافة هى السوق السودة .

كان زمان مافيش صرافة منتشرة (شركة أو إتنين ) و تجار العملة كانوا يقفوا قدام البنوك يغيروا عادى من الناس و يجروا لو البوليس كبس عليهم و كانوا دايما يحذروا من النصب بتاعهم و لازم تعد الفلوس كويس لإنهم كانوا بيدسوا ورق ربع جنية وسط الرزمة. دى كانت السوق السودة إنما خلاص الكلام ده بطل

كلمة سوق سودة خلاص موضة قديمة من أيام الثمانينات . إسمها دلوقتى السوق الموازية (الصرافة ) بعد العيال بتوع البنوك فتحوا صرافات دلوقتى .

الخلاصة : السعر الحقيقى للدولار تلاقيه فى السوق الموازية مش البنك

**abdelaziz-waleed** · 04-09-2015 08:14 PM

فعلا السوق السوداء هي هي السوق الموازية وهي هي الصرافة.
اللي ممكن يكون اعلى من الصرافة حاجة بسيطة التجار والمستوردين ودول ممكن ياخدوا اعلى من الصرافة قرش او قرشين

**hossam_elwani** · 06-09-2015 03:49 AM

يعنى شراء من السوق الموازيه حاليا 8.05 ؟

**Khaled Online** · 07-09-2015 11:03 PM

استفسار بخصوص اليورو
امتى بيكون سعره غالي؟ عشان محتاج يورور كمان شهرين فأشتري دلوقتي وأخليه --النهاردة سعره رسمي 8.74 -- ولا أستنى أشتريه وقتها؟

**4fun14** · 08-09-2015 10:28 AM

المشاركة الأصلية كتبت بواسطة khaled online

استفسار بخصوص اليورو
امتى بيكون سعره غالي؟ عشان محتاج يورور كمان شهرين فأشتري دلوقتي وأخليه --النهاردة سعره رسمي 8.74 -- ولا أستنى أشتريه وقتها؟

ده زمن الدولار وفقط..كل العملات والسلع بتنزل الا هو..
استنى اليورو واشتريه وقتها..لو ناصح اوى باه,اشترى دولار دلوقت وبدله بيورو وقت ما تحتاجه :)

**Khaled Online** · 08-09-2015 05:19 PM

المشاركة الأصلية كتبت بواسطة 4fun14

ده زمن الدولار وفقط..كل العملات والسلع بتنزل الا هو..
استنى اليورو واشتريه وقتها..لو ناصح اوى باه,اشترى دولار دلوقت وبدله بيورو وقت ما تحتاجه :)

متشكر لردك ونصيحتك :) بس الصرافة مجربهم قبل كده وهما أنصح مننا. هيقولك حوّل الدولار لمصري ومن مصري ليورو. ولاد اللذين طالعين واكلين نازلين واكلين. . بس برده نصيحة تتحط في الاعتبار

الموضوع: أخر سعر صرف الدولار

LinkBack

أدوات الموضوع

عرض

-

-

-

-

-

المواضيع المتشابهه

ازمة الدولار

سوق الجمعه ......حيث الدولار ب 75 قرش :)

سعر الدولار و سعر اللانسر

الدولار .... رايح على فين ؟؟

الكلمات الدلالية لهذا الموضوع

المفضلات

المفضلات

ضوابط المشاركة