أخر سعر صرف الدولار

**Sherifmt** · 28-01-2015 11:56 PM

كان الصبح 7.80 وبايع في وسط البلد من ساعه واحده ب7.77

**عبدالحكيم** · 29-01-2015 10:30 AM

يا شباب.. البنك المركزي رفع سعر صرف الدولار رسمياً في البنوك اليوم الخميس مرة أخرى وأصبح 7.56 (اضغط هنا للاطلاع على الأسعار من موقع البنك الأهلي)

ومع نزول السعر في مكاتب الصرافة إلى 7.77 اليوم صباحاً واضح إن السوق يتجه إلى التصحيح والاستقرار على سعر موحد قريباً

كويس إني حولت أول إمبارح على 7.84!!

**أبو آسر** · 29-01-2015 03:13 PM

المشاركة الأصلية كتبت بواسطة عبدالحكيم

يا شباب.. البنك المركزي رفع سعر صرف الدولار رسمياً في البنوك اليوم الخميس مرة أخرى وأصبح 7.56 (اضغط هنا للاطلاع على الأسعار من موقع البنك الأهلي)

ومع نزول السعر في مكاتب الصرافة إلى 7.77 اليوم صباحاً واضح إن السوق يتجه إلى التصحيح والاستقرار على سعر موحد قريباً

كويس إني حولت أول إمبارح على 7.84!!

كل دي مهدئات مفعولها مؤقت زي كل مرة وهيرجع يرفع تاني في السوق السوداء للأسف لما مفعول المهدئات يزول
مع العلم إن السعر الرسمي وصل ٧٫٥٩ بيع وشراء

**م. حاتم السباعي** · 29-01-2015 05:04 PM

الدولار اصبح رسميا يعادل 7.59

و بدلا من ان يعترف المشاركون بالتعليقات ان هذه كارثة حقيقية و ان هذا ان دل فأنما يدل علي انخفاض حاد في قيمة ( العملة الرسمية للبلد و هو الجنيه ) نجدهم بكل اسف يتحدثون عن موضوع جانبي و هو السوق السوداء للدولار

و بنفس المنطق هب ان الدولة حاولت ان تقضي علي السوق السوداء للعيش البلدي اللي بيتباع رسمي في الفرن ب خمسة قروش و بيتباع متهرب من الفرن علي الرصيف ب 25 قرش فهل بنفس المنطق علي الدولة ان ترفع سعره في الفرن الي 20 قرش

الدولار يقترب من ال 8 جنيهات رسميا يا سادة و لا عزاء للاسعار التي سترتفع بجنون خلال الفترة القادمة

**ahmed1981** · 29-01-2015 07:39 PM

المشاركة الأصلية كتبت بواسطة mk3

كل بلاد العالم اللى عايزه تنهض وتستحوذ بتنزل سعر عملتها رسمى واقرب مثال الصين ومشاكل امريكا معاها بسبب انخفاض العملة الصينيه مما يشجع الصين على التجارة والتصنيع والتصدير وغزو جميع البلاد تجاريا...على الجانب الاخر بلدك لا فيها صناعه ولا تصدير وحتى شوية الموبليا الدمياطى اللى كنا فىحانيين بهم جميع مستلزمات انتاجهم من قماش ومسامير وغراء وووو مستورده ومن مين من الصين !!

مظبوط
الصين كانت بتضرب غيرها بتخفيض عملتها عشان إقتصادها مبني على التصدير

مصر بتستورد كل حاجه من الألف إلى الياء
حتى الفول
فكل نزول في عملتها هو ضرب لإقتصادها

ـ

**م. حاتم السباعي** · 29-01-2015 08:12 PM

المشاركة الأصلية كتبت بواسطة mk3

كل بلاد العالم اللى عايزه تنهض وتستحوذ بتنزل سعر عملتها رسمى واقرب مثال الصين ومشاكل امريكا معاها بسبب انخفاض العملة الصينيه مما يشجع الصين على التجارة والتصنيع والتصدير وغزو جميع البلاد تجاريا...على الجانب الاخر بلدك لا فيها صناعه ولا تصدير وحتى شوية الموبليا الدمياطى اللى كنا فىحانيين بهم جميع مستلزمات انتاجهم من قماش ومسامير وغراء وووو مستورده ومن مين من الصين !!

كل الاحترام و التقدير لمشاركة حضرتك

ولكني اختلف تماما مع حضرتك في المقارنة

و طبعا لن اخرج عن السياق العام للموضوع

تحياتي لحضرتك و تمنياتي لاقتصاد بلدي بالنهوض و التعافي

**dongol123** · 30-01-2015 01:36 AM

في اعتقادي ان الأسعار مش هتزيد لارتفاع سعر الدولار في البنك لان البنك أساسا ما كانش بيوفر دولار للمستوردين (الا للسلع الاساسية) ودي حجمها ضئيل جدا بحجم الاستيراد في البلد.
اي مستورد أساسا كان بيتجه للسوق السودا لتدبير احتياجة من الدولار وبالتالي الأسعار كانت بتعتمد علي سعر السوق السودا اللي هي كانت اعلي من سعر البنك حاليا بعد الزيادة.
يعني المنطق بيقول ان الأسعار اما هتثبت او هتقل نتيجة لان سعر البنك حاليا اقل من سعر السوق السودا قبل إجراءات البنك المركزي (وده طبعا بافتراض الامانه في التجار وانهم مش هيستغلوا الفرصة لتحقيق مكسب اكبر).