أخر سعر صرف الدولار

**walidzakzok** · 10-06-2014 02:39 PM

المشاركة الأصلية كتبت بواسطة mmkhattab

أولا شكرا على زوقك و إحترامك لردي اللي مبني على طبيعة عملى اللي تقريبا مبفهمش غير فيها

ثانيا : انا قولت بناءا على معطيات السوق الحالى بمعني إن كلامي ممكن ميحصلش لو حصل تغير في التنبؤات زي إدارة بلد غير واعي و سياسات الدولة الغير متوقعة من عوام الناس

مهو للاسف اصحاب شركات الصرافة اللي معظمهم بصمجية هما اللي سايقين سوق العملة بقالهم فترة طويلة ودول مش متخصصين بس فارضين نفسهم

الموضوع فى النهاية عرض وطلب مستحيل يبقى فيه وفرة فى الدولار ويحصل سوق موازية

**dr_click** · 10-06-2014 08:34 PM

اولا اتمني كل خير لبلدي مصر علشان الغلابة فيها كتير و هما اللي بيتبهدلوا
ثانيا اي تحليل منطقي مبني علي معطيات اقتصاديه مش هينفع الايام دي علشان المحرك الرئسي هو سياسي
فالتوقع المعقول هو الاستقرار علي المستوي الحالي علي المدي القصير يعني سنه لسنتين
علي المدي المتوسط هيبقي هبوط تدريجي
علي المدي البعيد هبوط عنيف مالم يتم السيطرة علي الزيائة الزهيبة في السكان اللي هتبلع اي جهود تنمية هتحصل.

**abdelaziz-waleed** · 11-06-2014 01:30 AM

لسة بايع حالا ب 7.30 من حلمية الزيتون 10000 دولار

**ahmedwagdy03** · 11-06-2014 03:21 PM

المشاركة الأصلية كتبت بواسطة mmtronic

سيناريو 2004 / 2005 حنشوفه تانى :)

اكيد طبعا حيطلع الى حيقول

بس احنا الاحطياطى بتاعنا كان ساعتها 30 مليار !

على العموم بكرة مفيش اقرب منه

تقصد سيناريو 2003 عندما قفز الدولار من 3.64 إلى 7 فى نهاية العام نتيجة التعويم .

مبارك ثم طنطاوى ثم مرسى و حتى عدلى منصور حاولوا جميعا الهروب من هذا السيناريو بالقروض و لكن هذا السيناريو قادم لا محالة و لابد أن يأتى إذا كان السيسى يريد البناء أما لو كان يريد فترة حكم هادئة 4 أو 8 سنوات فلن نرى هذا السيناريو خلالها و لكن سنرى الأسوأ منه بعدها .

لا أمل للإصلاح الإقتصادى و التنمية إلا أن يكون الجنية بقيمته الحقيقية بدون دعم حكومى ( يقتصر فقط على واردات الحكومة الأساسية ) عندها فقط نقول أن مصر أخرجت رأسها من التراب و بدأت تنظر لمشاكلها

**mohamed_selim** · 11-06-2014 05:29 PM

النهارده ب 735

**Anaslbda** · 14-06-2014 04:08 PM

7.38

**mk3** · 14-06-2014 06:39 PM

الدولار على تانى !!
واضح ان الازمه الاقتصاديه اقوى من اى تدبير

**mustafavet** · 15-06-2014 01:41 AM

المشاركة الأصلية كتبت بواسطة mk3

الدولار على تانى !!
واضح ان الازمه الاقتصاديه اقوى من اى تدبير

بقي بكام

**ahmed1981** · 15-06-2014 07:22 AM

متابع

**أحمد كمال** · 15-06-2014 09:09 AM

المشاركة الأصلية كتبت بواسطة mk3

الدولار على تانى !!
واضح ان الازمه الاقتصاديه اقوى من اى تدبير

قصدك أقوى من أي "مسكنات"

ده اللي باحاول افهمه للناس و الله

1- مفيش اي بني ادم (بدون خوض في السياسة) سوبر مان هيقدر يحل ازمة العملة و الاقتصاد بعصاية سحرية بين عشية و ضحاها

2- كل اللي بيحصل هو مسكنات ........ لو رجلك مكسورة و خدت مورفين حتى مش بانادول ....... الوجع لازم كمان شوية و هيرجع تاني ....... ممكن لمدة كام ساعة بعد المسكن تبقى مبسوط و متكيف و مش موجوع ........ بس الوجع راجع راجع لحد ما تصلح الكسر

الموضوع: أخر سعر صرف الدولار

LinkBack

أدوات الموضوع

عرض

-

-

-

-

-

المواضيع المتشابهه

ازمة الدولار

سوق الجمعه ......حيث الدولار ب 75 قرش :)

سعر الدولار و سعر اللانسر

الدولار .... رايح على فين ؟؟

الكلمات الدلالية لهذا الموضوع

المفضلات

المفضلات

ضوابط المشاركة