انهي افضل عربيه في دول bmw3,5 vs civic

**assassin101** · 13-07-2013 01:29 AM

المشاركة الأصلية كتبت بواسطة assassin101

انا كان معايا بي ام e36 كانت زي الفل بس عملت بيها حادثه وبعتها ومعايا اوكتافيا a5 2008 بس انا بسافر كتير وبدور علي الراحه وغير كده دايما بحب اشد علي الطريق شديد مع سيفك بالاوكتافيا من بعد ال١٦٠ بهدلتني بصراحه
المشكله ان لا البي ام ولا اكتوفيا مريحين في السفر خصوصا الاوكتافيا فعشان كده بفكر في اليباني ناعمه واعطالها اقل وغير كده ١٣٠ حصان ودي اكتر حاجه مخلياني مايل ليها
فيريت لو حد عنده سيفيك ٢٠٠٩ يدينا خلفيه عنها

**assassin101** · 13-07-2013 01:32 AM

وياسلام بقي لو حد ادامه سيفيك ٢٠٠٩ 1800cc يبقي خدمني خدمه العمر

**eleanor** · 14-07-2013 05:12 AM

مين قال ان البى ام مش مريحه فى السفر الكلام ده مش صح طبعا ولو البى ام مش مريح فى السفر يبقى ايه المريح
طبعا مع كل احترام وتقدير واعتزاز لصاحب المقوله

**2CODE** · 16-07-2013 06:39 AM

لأ هو انا عايز اقول لك حاجة يا فندم انت كده متحيز للسيفك لعدة اسباب

اول شئ قارنت الهوندا بالـBMW وده عار على الصناعة الالمانية انها تتقارن بهوندا وكمان روحت عن رقم 1 عند BMW

ثاني شئ وده الاهم ان الـBMW مش مريحه في السفر - فعلاً زي ما الاخوه قالوا لك العربية اللي ركبتها فيها مشكلة - يعني هم اول ناس اخترعوا الفقاعات الهوائية اللي بتتغير في الكراسي كل 60 ثانية علشان تعمل حركة للعمود الفقري كأنه ماساج للجسم غير الكراسي الجلد الفاخر المصنوع يدوياً

مش عارف بصراحة اقول لحضرتك ايه - بس شكلها طالبه معاك جداً سيفيك وعلشان كده ياريتك مكنت قارنتها مع BMW نهائي

الـBMW لو هتتقارن متنزلش عن الشركتين Audi و Mercedes غير كده هيتمسح بكرامة اي عربية شوارعك يا مصر ههههههههههههههههههه

ومبرووووووووووووووك عليك العربية مقدماً

**assassin101** · 17-07-2013 03:15 AM

ههههه يجماعه اولا انا بتكلم في موضوع الراحه عن bmw e36 العربيه كانت عندي وبتكلم عن تجربه وكانت موديل ٩٢ اما بالنسبه للاوكتافيا فالاستاذ المحترم اكيد مليون الميه مجربهاش هي فعلا متعبه جدا بس كوسائل امان وترفيه زي الفل وعملت بيها حاثه بردو العربيه ما شاء الله حديد انا بتكلم عن السيفيك عشان ناعمه وغير كده ثباتها مفهوش كلام موضوع انها واطيه دي بالنسبالي مش مشكله فانا بتكلم عن المجربه مش بقول كده وخلاص ....

بس المشكله في ناس كتير مش مقدره قوه السيفيك

**TOOLA** · 18-07-2013 06:53 PM

معلش ممكن توضحلنا كلمة متعبة ديه يعنى ايه بضبط؟؟؟

و للعلم انا سقت البورا و الاوكتافيا a4 و الباسات القديم و الاوكتافيا A5 و الجيتا و ال e46 و ال e90 و سيفيك قديم و جديد و كورولا قديم و جديد ده غير الكورى باختلاف موديلاتو و كرايسلر 300 c موتور الهيمى. حضرتك من الممكن جدا يبقى عندك عيب فى العربية يحسسك بعدم الراحة عموما و عشان كده سالتك تقصد ايه بعدم الراحة.

**assassin101** · 19-07-2013 03:27 AM

بمعني ان العفشه بتاعت الاوكتافيا ناشفه جدا واكيد حضرتك حسيت بيها في المطبات بالذات لو حضرتك ركبت السيفيك الجديده يريت تدينا خلفيه عن العربيه وملاحظاتك عليها

**TOOLA** · 19-07-2013 05:07 PM

بصراحة محستهاش ناشفة اوى كده لانى كنت بمتلك بورا اساسا، و ديه انشف من الاوكتافيا عشان العفشة عندى كانت على دنجل.

السيفيك سقت عربيتين و ال2 منبهرتش بيهم، عجبنى نعومة الماتور صحيح بس معجبنيش ضعف عزل العربية عن المحيط الخارجى و العافشة مش بالنعومة الحضرتك متخيلها، السيفيك الاولانية كانت 2007 و ماشية 90000 ك و حالة عامة جيدة جدا، و التانية 2010 و ماشية 60000 ك و حالتها تمام بردو، نصيحة جرب تقودها قبل ماتشتريها العربية فعلن بتحك جامد هتستمتع كسحب و ثبات، بس مع الحياه اليومية لازم تعيد التفكير او تقودها على الاقل.
العجبتنى كعافشة و عزل الكورولا 2008 بس الفتيس بتاعها خنيق جدا الثبات عموما نص و نص و مطمأن الى حد كبير لغاية 160 ل 180، بعد كده محتاجة تركيز.

**TOOLA** · 19-07-2013 05:09 PM

اعتذر مش عارف اكتب بذمة عشان حاليا بكتب من علة النوت، مش نافع استخدم اللاب.

-

الموضوع: انهي افضل عربيه في دول bmw3,5 vs civic

LinkBack

أدوات الموضوع

عرض

-

-

-

-

المواضيع المتشابهه

رأيكم انهي افضل..مازدا3 ولا جين2

عايز اغير الكاوتشات --- وناوي علي بريدج ستون انهي نوع فيهم افضل

مطلوب راي الخبراء سريعا : بالنسبة للبي ام الفئة الخامسة 2001 انهي افضل 520 ام 525

هتشتري انهي عربيه من دول ؟ و ليه بكل حياديه ؟ شارك برأيك

فلتر عربيه civic 2008

الكلمات الدلالية لهذا الموضوع

المفضلات

المفضلات

ضوابط المشاركة