أنا والريو 2013 و السفر لمسافة 1300 كم متواصل و تقييم العربية بعد المعركة

**adorehearts** · 03-08-2013 01:57 PM

المشاركة الأصلية كتبت بواسطة mohab555

العربيه السيدان الاوتوماتك فى منها 3 فئات :
الفئه الاولى ب 125 الف
الفئه الثانية 135 الف
الفئه الثالثه 148 الف

طب والهاتش باك عاملة كام ؟

**Mohab555** · 03-08-2013 10:44 PM

المشاركة الأصلية كتبت بواسطة adorehearts

طب والهاتش باك عاملة كام ؟

الهاتشباك اغلى الفين فى كل فئه ...

**Mohab555** · 04-08-2013 05:52 AM

المشاركة الأصلية كتبت بواسطة adorehearts

معلش انا تعبتك معايا , شكل حضرتك بتفهم فى العربيات وكدة دلوقتى انا محتار بين hyundai accent rb و kia rio الاتنين سيدان والاتنين تقريبا نفس السعر
وعايز اتكل على الله واجيب واحدة فيهم رأيك ايه ؟
مع العلم انى سمعت ان موتور الكيا السيدان 1400 وموتور الأكسنت 1600

لا يا باشا انت تأمر مفيش تعب ولا حاجة
بص الموضوع يعتمد على حسب احتياجاتك ... يعنى لو عاوز عربيه حلوه و فيها وسائل امان كتير و فيها اوبشنز كتير و خامات الداخلية للتبلوه و العربيه ككل ممتازة و توكيل محترم يبقى الريو بشهاده الكل .... لو عاوز موتور قوى بس مش اكتر يبقى الاكسنت ... و فعلا الريو 1400 بس 109 حصان يعنى اقوى من عربيات كتير زى الصنى الجديده و الانسر البوما ... و الاكسنت 1600 ....حضرتك روح اى معرض محترم و اركب العربيتين و شوف انت نفسيا هترتاح لاى واحده لان الموضوع ده بيفرق جامد و اى سؤال تانى تحت امرك ..

**coc** · 28-08-2013 05:16 AM

والنبي يا مهاب قلي هي خفيفة ولا حلوة في الجري عشان عايز اجيب 2014 وصحابي خوفوني وقالو خفيفة اوي وبتتقلب في الغرز الضيقة واستشهدو بواحد نعرفة عربيته وربنا يكفينا كلنا الشر بقت علبة سردين قلي العربي لما بتعدي ال120 بتبقى ثابته ؟ ولا ايه

**Mohab555** · 28-08-2013 11:08 PM

المشاركة الأصلية كتبت بواسطة coc

والنبي يا مهاب قلي هي خفيفة ولا حلوة في الجري عشان عايز اجيب 2014 وصحابي خوفوني وقالو خفيفة اوي وبتتقلب في الغرز الضيقة واستشهدو بواحد نعرفة عربيته وربنا يكفينا كلنا الشر بقت علبة سردين قلي العربي لما بتعدي ال120 بتبقى ثابته ؟ ولا ايه

بص يا باشا العربيه ممتازة لحد 160-180 واى عربيه فى العالم بتتقلب لو الواحد اتغاشم معاها ... و متنساش كل عربيه وليها امكانيات يعنى الى البى ام 320 تعملوا مش زى الى الريو تعملوا ... وحاول تجرب العربيه و تركبها على الحقيقه علشان تكون مرتاح اكتر