الموضوع: تقييم لل a5 بد السفر للاسكندريه رايح جاى

العربيه موديل 2009
1- رحله الذهاب
العربيه طبعا كانت محمله كتير و الشنطه ماشاء الله واسعه وخدت حاجات كتيير اوووى
و كنا خمسه فى العربيه
انا قلت العربيه محمله كتيير و احنا خمسه فا العربيه هتمشى بالعافيه
لاقيت العربيه ماشيه زى ما تكون فاضيه و شديت بيها على الصحرواى مع عربيه فورد فوكس 2008 طلع منى على 100 جبته انا على 160
المهم العربيه ماتاثرتش خالص بالوزن و لا حتى حكت فى اى مطب و الحمد لله وصلنا

المهم يا سيدى وصلنا و قعدنا هنااك فتره حلوه الحمد لله و لسه راجع النهارده الحمد لله
المهم بقى و احنا هناك خدت انا العربيه و رحت احدى القرى كان فيها طريق مشكله كله سباقات
المهم روحت و انا ماشاشى لاقيت قدامى mini cober 1.6 turbo 175 hp
المهم قلت اجرب مش هخسر حاجه
روحت جنبه و فتحت الشباك و شورتله قالى يلا بينا المهم كنا احنا الاتنين على سرعه 20
قمت دايس بنزين على الاخر جبت من 20 لحد 80 انا الاول اول ما جبت 80 قمت طافى الكاسيت بتاعى عشان متوقع اللى هيحصل طفيت الكاسيت و سمعت صوت المينى كوبر انا جبت ال80 سمعت صوت طياره جايه من جنبى بس بحد 80 كنت انا الاول بعد 80 جابنى طبعا معاه موتور تيربو

بعديها بشويه زى ما اكون حصلى حاجه فى دماغى لاقيت قدامى ميرسيدس c 280 2009
قلت يلا مش مشكله مش هخسر حاجه بردو قمت رايح جنبه قاعد يقولى 3 و انا مش فاهم يعنى ايه 3 قلتله شد و خلاص المهم انا جبت ال 60 من هنا و لاقيت صارووخ ابيض جى من جنبى و اختفى
المهم وقفنا بقولوا عمال تقولى 3 يعنى ايه 3 قالى 3000 cc
قلتله انا حبيت اهظر معاك شويه
بعديها بقى لاقيت واحد معاه افيو جى جنبى و بيسمعنى صوت الموتور بتاعه قلتله تعالة يا حلوو
قمت جايب sport mode
شدينا مع بعض من الثبات طبعا طلع هو الاول و بعدين جيت انا جنبه زى القطر و هو اختفى ورايا
2- رحله العوده طبعا العربيه كانت اخف انا حسبها من الشاليه لحد البيت 213 كيلو متر

و خمسه فى العربيه و التكييف شغال طلعنا 8 الصبح و صلنا البيت 9.30
طول الطريق على الصحراوى على سرعه 160 و طبعا ثبات ممتاز و كان فى غرز على 140 انا معرفس ازاى خدناها و ملف على 150 و العربيه ولا كانها ماشيه حطينا 20 لتر بنزين مشيت بيهم 213 كيلو متر و التكييف شغال
و كده من الاخر العربيه انا حبتها جدا جدا جدا و عربيه ممتازه و الله و العيوب اللى فيها انا الحمد لحد دلوقتى مش لااقى عييب و العربيه عامله 11000 كيلوو
و اسف طلوت عليكو