الموضوع: قطع غيار وصيانة ستروين Ax - موضوع مميز

المشاركة الأصلية كتبت بواسطة moh_akrab

شكرا علي الموضوع الجميل ده ممكن اسألك انت بتتعامل مع مين فيهم او مين احسن واحد فيهم

الشكر لله يافندم
انا جددت العربيه بالكامل موتور وعفشه عند عم فرج اول كارت
هو شغله ممتاز بس اسعاره اغلى منهم كلهم مش عارف ليه سواء فى قطع الغيار او المصنعيه
اشتغلت مع اسامة خطاب فى حاجات صغيره شغله ممتاز بس ماقدرش احكم عليه من خلال الشغل البسيط اللى عملته
حاليا باشترى قطع غيار من حجاج بصراحه عنده كل حاجه وبيدخلك المخزن تنقى اللى انت عايزه وانسان ذوق وخلوق واسعاره معقوله ولا غاليه ولا رخيصه وبركب عند ميكانيكى وعفشجى معرفه بيشتغل فى اى عربيه بس اللى بيقف قصاده فى عربيتى هى قطع الغيار فأنا باجيبهاله من حجاج وهو بيتعامل :)

المشاركة الأصلية كتبت بواسطة megoghanem

لو سمحت انا محتاج أصلح كبالن لسيارتي ax فمين في دول الأفضل، وكمان عايز أشتري اوكرة خارجية شمال ومراية وممكن مكنة زجاج أو مساحات، مين اللي عنده، الرجاء الرد للأهمية، وشكرا جزيلا لك

اسف على التأخير فى الرد
تصليح الكبالن ما انصحش بيه لان الماده اللى بيملوا بيها الفراغات بتبوظ وبتفك بسرعه ويبقى ولا كأنك عملت حاجه
انصحك بكبالن استيراد الجوز ب 350 جنيه وتروح عند واحد محترم (فى واحد فى عين شمس اسمه ابراهيم ممتاز بصراحه وصنايعى شاطر وفاهم) هايغيرلك الجلد بتاعهم ويشحمهم ويركبهم
والكبالن وكل اللى انت عايزه هاتلاقيه عند حجاج وهو هاوصلك بابراهيم بتاع الكبالن لأن ورشته جنبه على طول
بخصوص مكن الزجاج انصحك بأى مكن استيراد يابانى وبلاش بتاع الستروين واللى ممكن تجيبهم من عنده ويركبهملك اسمه عصام بتاع الابواب وبرضه حجاج هايوصلك بيه
كلم حجاج وقوله انك من طرف على اللى معاه الستروين ال ax البيضاء وهو هايقوم معاك بالواجب وزياده ان شاء الله :)