الموضوع: اسئلة متنوعة عن الفيكترا بي2

النهاردة روحت لـ محمود أوبل وعملت عنده
- تغيير اويل سايل اسبراتير
- تركيب عوامة بنزين
- تقوية شحن الدينامو
- تغير بوجيهات

الاويل سايل اتغير زي ما فادي شرح بالظبط بالاضافة ان الصنايعي حط سليكون خفيف على حرف الجوان
ولاقينا ان طرف مكسور من الشاكوش
يعني الشاكوش ليه اتنين طرف بيتثبتوا بيه واحد منهم مكسور ، (هو الصنايعي لازقها بأمير وقالي عادي مش يجرى حاجة طالما المسمار الاولاني ماسكه كويس )

بالنسبة للدينامو هاتكلم عنه في موضوعه للافادة
شحن الدينامو ضعيف

العوامة لما بفول بتطلع على الستين عادي لكن لما بيقل البنزين ويوصل لـ 20 لتر ، المؤشر حالف ماينزل تاني
ولسا العوامة تحت التجربة لحين نقص البنزين لـ 20 لتر

الأسعار
- اويل سايل اسبراتير ( vector retiz الماني) بـ 80 جنيه من الأصدقاء
- طقم بوجيهات GM ، اتنين شمعة بـ 130 جنيه من الأصدقاء
- 2 لتر شل 90/80 زيت فتيس لون العلبة أحمر ، اللتر بـ 25 جنيه (لسا مغيرتش الزيت) من الأصدقاء
- سير كاتينة جيتس بـ 80 جنيه من الأصدقاء ( لسا مغيرتهوش عشان الميكانيكي قالي غير بلية الكاتينة بالمرة )
- عوامة بنزين بـ 80 جنيه من اسلام عبدالشافي
- ضفيرة مارش بـ 150 جنيه من اسلام عبدالشافي
- مفتاح مرايات حالته نضيفة جدا بـ 150 جنيه من اسلام عبدالشافي

مصنعية 120 جنيه (وانا مستغليها الصراحة بس تقريبا محمود حراق شوية)

هو كان المفروض اغير طقم السيرفيس بالمرة طالما نزلت الحرفيين بس انا نفسي مسدودة اليومين دول من اللي بيحصل من البلد

حاجة تانية ، الأسعار حاسس انها زادت شوية يعني مفتاح المرايات ده كنت جايبه للاسترا وهو هو نفس المفتاح بتاع الفيكترا وجبته بـ 120 جنيه من 8 او 10 شهور
عوامة البنزين على حد علمي 50 او 60 بالكتير

المشاركة الأصلية كتبت بواسطة maam

العوامة لما بفول بتطلع على الستين عادي لكن لما بيقل البنزين ويوصل لـ 20 لتر ، المؤشر حالف ماينزل تاني
ولسا العوامة تحت التجربة لحين نقص البنزين لـ 20 لتر

انتم عارفين اني غيرت العوامة بواحدة استيراد
من اول امبارح والعلامة راكنة عند 20 باردوا ! ، اعمل ايه بقى في الموضوع ده