اسئلة متنوعة عن الفيكترا بي2

**MaaM** · 27-06-2013 05:53 PM

السلام عليكم
بما ان العربية مركونة بسبب البنزين وبعد 8 ساعات انتظار في بنزينة المطار والبنزين خلص على حظي
فعندي شوية اسئلة

ديه فيشة طالع من مروحة الرديادتير ومربوط جانبها كتاوت ملفوف عليها شريط لحام ، دا طبيعي ؟

خزنة زيت الباكم لاقيتها عليها رشح زيت مع ان الماستر ناشف وكويس ، هل بسبب ان الزيت معدي علامة الماكس ؟

على ما اظن ان ده الكوبلن وعليه رشح زيت ؟ ياتري سببه ايه ؟

هي ديه خراطيم التكييف ؟ وتقريبا كدا العزل اتقطع مش صح باردوا ؟

المنطقة المتحوطة بالدايرة الحمراء كان عليها رشح زيت بس تقريبا نشف ومكانش موجود اصلا لما اشتريت العربية ، انا شوفتها من 5 ايام ودلوقتي مش باينة اوي ، هي من جنب الموتور كدا وفوق الفتيس على ماظن

فكيت بوجيه من الأربعة ، لاقيت القلاوظ اسود وعليه زيت لكن السن اللي فوق ابيض وناشف ؟ يارب يكون حاجة بسيطة

للعلم: لسا معلمتش اي صيانة للعربية عدا زيت موتور وتيل امامي فقط ، وانا عارف اني مقصر بس ما باليد حيلة
- اسف جدا لو كان فيه اسئلة مكررة ، وماتزعلش يا عاشور :)

**ashourashour** · 27-06-2013 06:15 PM

ازيك يا باشا ازعل اه بس انت براحتك طبعا وبعدين انت تعبت في رفع الصور دي كلها :) (ميبقاش قلبك اسود كدا :) )

وماشاء الله العربيه شكلها نضيفه ... ربنا يباركلك فيها

بص ياسيدي دا مش كوبلن دي كاوتشه علبه الدركيون شوف زيت الباور ناقص ولا اه ؟

بوجه عام في حاله الزيوت المرشحه يفضل غسل الموتور ولاجزاء اللي عليها زيت عشان بعد كدا يبان مصدر التسريب

البوجيه الشمعه ناشفه و لونها فاتح .. ما شاء الله الموتور حالته كويسه و الحريق مظبوط الزيت اللي عالسن دا بيجي من برا ... لو مش مدايقق نفضله خالص

زيت الفرامل جيب منديل خليه يمص شويه زيت عشان متبقاش عالزور كدا (خلي بالك زيت الباكم بياكل الدهان) و اتأكد ان الغطا سليم

**فادى محمد** · 27-06-2013 06:54 PM

الله ينور يا عاشور باشا..
1- الفيشه دي كماليات لو حبيت تركب فوجات في الاكصدام لان عربيتك 1600 مابتنزلش بفوجات
2-انقص مستوي الزيت لعلامه الماكس ونظف تحته وتابعه...لو لا قدر الله لقيته بينقص يبقي الماستر بيسرب ورا للسيرفو لانه مسيل ع السيرفو وتتاكد من ده لو لقيت بدال الفرامل طري او لين معاك في الفرمله..بس في حاجه غريبه عندك!! السيرفو ده ماركه (لوكاس) بينزل في الاودي والاوبل اوميجا ..الفيكترا بينزل فيها ماركه(ديلفي) سواء في مصر او بره!!
3-ده كاوتش المزيكا للاسكاترا . لو زيت الباور بينقص معاك زي عاشور باشا ماقال يبقي تيش الاسكاترا يتغير
4-مواسير التكييف حلوه كده وده عزلها الاصلي
5-الزيت ده من اويل سيل الاسبراتير ,بسيطه ..راجع مواضيع الورشه في كيفيه تغييره
6- اهم حاجه سن البوجيه طالما ابيض مايهمكش