الموضوع: نويت اشترى ان شاء الله موبايل Alcatel One Touch Scribe HD وعايز رأيكم

المشاركة الأصلية كتبت بواسطة no comment

ايوه ... بعدك على طول :)

وبالمناسبة اهم عيوبه حتى الآن هى الكاميرا ... 8 ميجا هاى ديفنشن بس ملهومشى لازمة مقارنتاً بالنوت والجراند

باقى الخواص ممتازة حتى الآن مقارنتاً بسعره ... وجارى اكتشاف مميزات عن المعتاد

الف مبروك وان شاء الله يعجبك زى معجبنى

والكاميرا مش وحشة وكويسة والفرق بسيط عن الجراند والنوت
والفرق البسيط دة يعوضة سعرة وامكانياته العالية
والكاميرا مش هتسمتع بيها فى الجراند لرداءة الشاشة
وعلى فكرة الموبايل علية برنامح اوفيس حلو جدا وبيقرا وبيكتب ملفات وورد

وحضرتك جبته منين وسعره كان قد اية
ولقيت لية جراب وسكرين بروتكتور
ويا ترى تقريرى كان عامل مساعد فى الشراء ......... بس اذا الموبايل معجبكش بلاش تدعى عليا هههههههههههههههههههه

المشاركة الأصلية كتبت بواسطة no comment

[color=]الله يبارك فيك
الكاميرا فى النوت أفضل طبعاً سواء صور عادية او فيديو ... لكن لما نقلت فيديو مصور للكمبيوتر عندى لاقيت الفيديو كويس وخصوصاً ان الشاشة بتاعتى 22 بوصة hd وكان طبعاً مالى الشاشة بجودة معقولة
جربت عليه الأدوب ريدر وكان سريع ... لسة ما جربتش الاوفس
جبته من محل كان عارضه فى موبى أيجي ولاقيته قريب من احمد عصمت فى عين شمس بـ 2650
هو معاه زى ما انت عارف الجراب والقلم ... المحل ركبلى السكرين بروتكتور بتاع الـ s4 بس صغير حاجة بسيطة لحد ما ينزله اكسسوارات
اما بالنسبة لتقريرك ... فياريتنى ما قريته :)
اقولك على سر ... كنت امبارح هتصل بالمحل واروح ارجعه واجيب النوت 2 بسبب الكاميرا والبطارية اللى شكيت انها مش هتستحمل معايا استخدام بسبب استهلاك الشبكتين والاستخدام العادى
بس الحمد لله كملت يوم بدون نت فقلت كويس فربنا يستر لما استخدم النت كتير علشان ما ادعيش عليك :)
ده كان رد تفصيلى على كلامك :) ... ورمضان كريم[/color]

ليه بتقول ياريت ما قريت تقريرى
وبالنسه لموضوع البطاريه المفروض تهتم بالشحن والتفريغ الصحيح يعنى متشحنش البطاريه الا لما تنقص عن 20% علشان تحصل على اعلى اداء للبطاريه

هقول لحضرتك حاجة النوتة كويس طبعا ومش هنكر.. ... بس هو بكام والالكاتيل بكامل والفروق اد ايه
النوتة مش بخطين وعلى فكرة كاميرته وعن تجربه عليها كلام بردة هى والاس3 بس هما الاتنين احسن بفارق بسيط عن كاميرا الالكاتيل
كمان النوت اتقل كتير من الالكاتيل وتحس بالنوت فى جيبك وانت شايله على عكس الالكاتيل
وقبل مشترى الالكاتيل قلبت فى النت حتى على موبايلات لسامسونج مستقبلية بمواصفات قريبه للاكاتيل فلم اجد
انا ولله الحمد والله عز وجل شاهد على غير نادم مطلقا على شراء الالكاتيل ومقتنع به تماما وانه صفقه ممتازة
استمتع يا صديقى باختيارك ولا تندم ولا تتردد
وحضرتك يمكن متعرفنيش بس انا واعوذ بالله من كلمة انا لا اشترى شئ الا بعد فحص وتمحيص وبحث شديد للحصول على افضل خدمة مقابل الثمن المدفوع