198 سعر هوندا سيفيك 2013 بيز لاين بزيادة 6 الاف جنيه !!

**ahmedwagdy03** · 06-06-2013 02:57 PM

المشاركة الأصلية كتبت بواسطة amgomaa

النهارده كنت فى التوكيل فى التجمع الخامس قلت اتسلى وانا بعمل الصيانه و اتفرج على السيفيك 2013 المهم كان الرد 198000 البيز لاين قلتله هى مش كانت ب 192000 كان الرد زادت النهارده بس والاستلام بعد شهر طبعا محاولتش اسئل الهاى لاين بكام لو حد فاهم حاجه يفهمنى؟؟ ليه

الهاى لاين 215 ألف

**Land_Cruiser** · 06-06-2013 03:04 PM

عادي جدا .. ما الالنترا و السيراتو و الفلوانس وصلوا للرقم ده يبقي عادي جدا ان السيفيك يبقي ده سعرها و اعتقد انها كانت ممكن تبقي أغلي من كده كمان بس لو كان شكلها احسن من الشكل الحالي

**S O P H O S** · 25-06-2013 12:14 AM

ده شئ طبيعي حاليا بصراحة

**hossamalsadik** · 26-06-2013 11:53 PM

المشاركة الأصلية كتبت بواسطة SAMEH_FOUAD

يعنى هو فية عربية فى بلدنا تستاهل تمنها

الألمانى يباشا الألمانى

**SAMEH_FOUAD** · 27-06-2013 02:04 AM

المشاركة الأصلية كتبت بواسطة hossamalsadik

الألمانى يباشا الألمانى

ماشى معاك الالمانى محترم وكل حاجة

بس مواتير ضعيفة و استهلاك عالى من البنزين , تكييف ضعيف , صيانة غالية , مشاكل فى سخونية المحرك لانة غير مصمم للاجواء اللى فيها درجة الحرارة بتوصل لاكتر من 35 درجة

**SAMEH_FOUAD** · 27-06-2013 11:10 AM

المشاركة الأصلية كتبت بواسطة Falcon.Crest

حضرتك متأكد من الكلام ده اصل انا معي عربيه اوروبي مش بعاني خالص من كده الحمد لله

شوف ياباشا لو اتكلمنا بشىء من التفصيل عن كل نقطة انا قولتها

1- ماتور ضعيف : ودة بسبب وزن السيارة الاكبر من قوة المحرك , لان طبعا السيارات دية نازلة مخصوص للاسواق بتاعتنا عشان يقللوا تكلفة السيارة وكمان الضريبة

2- استهلاك عالى من البنزين : طبيعى ياباشا وزن العربية تقيل + محتاج منك ضغط اكتر يعنى تنقل على rpm اعلى عشان تقدر تحس بال torque بتاع المحرك وتجرى زى مانت عايز + ان كل محركات الاوروبى لازم بنزين 95 عشان تاخد منها افضل اداء

3 - تكييف ضعيف مقارنة باليابانى والكورى والصينى , يعنى اركب كدة اى عربية يابانى او كورى وفرق قوة التكييف شوفة قد اية

4- صيانة غالية : طبعا لما فتيس ال dsg يبقى تمنة 50 الف جنية ويبوظ بعد 30 الف كيلو وناس بعد 10000 الاف كيلو , يبقى اية , لما تجيب كوبلن العربية للجنب الواحد ب3000 جنية يبقى اية
طبعا فية حاجات سعرها زى الاسعار العادية بس فية حاجات اسعارها ناااااااار

5- سخونية المحرك : شوف انا مش هقولك كمية السيارات اللى بشوفها المانى على الطريق فاتحة الكابوت فى وسط الشارع بسبب السخونية وخصوصا وانت مشغل التكييف , ودية حصلت قدامى كتييييييييييييييييييييييي ييييييييير وسيارات والله موديل 2011-2012
وكل الناس عارفة كدة مش انا بس

- حضرتك ماقبلكش مشكلة من دول الحمد لله وربنا يباركلك فى عربيتك وماتشوفتش اى مشكلة من اى نوع

بس كل دة لا يعيب تماما الالمانى , ياباشا دول رقم 1 فى صناعة السيارات دة كفاية قوى

بس اى عربية لازم يبقى فيها مشاكل لانها كمان خصوصا مش مناسبة للاجواء ذات الحرارة المرتفعة