العربية مبتنطقش خالص

**jojojojo** · 28-06-2013 05:29 PM

حصل عندي نفس الحوار ده بس نتيجه اني ركنت العربيه 4 ايام ومدورتهاش عشان ازمه البنزين وجيت ادورها لقيت فعلا المبات اللي في تابلوه نورها بينخفض ومش بدور وبسمع ساعات صوت طقطقه جاي من ناحيه البطاريه بس انا عندي الازاز الكهربا والكاسيت شغلين عادي وع فكره العربيه عامله 11 الف كيلو بس يعني بجد حرام لو جابت بطاريه بعد المده ديه بس وربنا يستر روحت لكهربائي اقلي بطاريه عايزه تتغير ناوي اروح التوكيل اشوف هيقولوا ايه وربنا يستر ولو حضرتك عايز تدورها ممكن تدورها بوصله وبطاريه تانيه هدور معاك وهي سخنه وبطلتها هددور تاني بس اول متركن العربيه وتبرد مش بدور تاني وان شاء الله المشكله تتحل

**walaaeldeen** · 28-06-2013 05:31 PM

السلام عليكم
ممكن يكون في عيب في الضفيره مهربه كهرباء (ملمسه ارضي )ادي لتفريغ البطاريه
او ان البطاريه باظت
والله المستعان

**tarekMANDOUH** · 28-06-2013 06:40 PM

يا جماعة انا روحت لكهربائي جاب وصلة وبطارية ووصلنا للعربية ووصلنا الوصلات والعربية دارت الحمد لله ورحت ريحلو على المحل والمفاجئة البطارية مش جافة وكشفنا عليها وطلع ربع ضارب وغيرتها والحمد لله العربية دارت
وشكرا على اهتمامكو وردودكو

**Ahmed Amin** · 28-06-2013 06:43 PM

المشاركة الأصلية كتبت بواسطة tarekmandouh

يا جماعة انا روحت لكهربائي جاب وصلة وبطارية ووصلنا للعربية ووصلنا الوصلات والعربية دارت الحمد لله ورحت ريحلو على المحل والمفاجئة البطارية مش جافة وكشفنا عليها وطلع ربع ضارب وغيرتها والحمد لله العربية دارت
وشكرا على اهتمامكو وردودكو

مبروك علي حل المشكلة, وأديك عرفت أعراضها عشان لو حصلت بعد كدا أنك تبص علي البطارية علي طول أول حاجة حتي لو كانت شغالة زي الفل اليوم اللي قبلها,,

بس أزاي الصني موديل 2012 بتنزل ببطارية سايلة .؟!!
ولا حضرتك بس اللي عربيتك فيها بطارية سايله !!
عشان كل العربيات الجديدة بتنزل ببطارية جافة, برجاء توضيح الجزئية دي,

**Ahmed Amin** · 28-06-2013 07:25 PM

المشاركة الأصلية كتبت بواسطة tarekmandouh

هي الشكل القديم ونازلة فيها كدا وهي كلورايد

شكراً يا باشا علي المعلومة,
وغيرتها ببطارية جافة ولا سايلة ؟

**Ahmed Amin** · 28-06-2013 09:15 PM

المشاركة الأصلية كتبت بواسطة tarekmandouh

غيرتها ببطارية جافة كوري نوع جديد اسمها ( دونجا ) 55 امبير وضمان سنة خد القديمة واداني دي ودفعت 400 جنية
مش عارف اضحك عليا في السعر ولا لأ
بس الحمد لله

لا كدا مظبوط مضحكش عليك ولا حاجة,,
هيا البطاريات الجديدة كلها ف رينچ ٤٥٠, ولو سيبتله القديمة بيخصم ٥٠ جنية. كله ماشي بالنظام دا.
وأنا مغير بطاريتي بنفس النظام دا, أول مرة غيرت البطارية احتفظت بالقديمة علي أساس اني ممكن اعمل بيها اي حاجة تحتاج كهربا في الجراج وطبعاً دفعت ٤٥٠ ومستفدتش بالقديمة حاجة واتركنت لما باظت خالص من غير إستخدام,
تاني مرة لما باظت اللي بعدها والغربية وقفت وعملت صوت الطقطقة غيرتها وبدلتها بالقديمة وخصم ٥٠ جنية ودفعت ٤٠٠ بس.

فأنت كدا وكدا القديمة مكنتش هتستفاد بيها حاجة بعد كدا, ومش هتنفع للعربية.
حافظ بس علي الضمان في درج العربية, ويكون سجل لك فيه وقت الشراء..
ومبروك علي البطارية الجديدة.