الموضوع: العربية مبتنطقش خالص

المشاركة الأصلية كتبت بواسطة tarekmandouh

انا معايا صني 2012 عملا 14000 امبارح راجع بيها من الشغل عادس جدا النهاردة بعد الصلا جي ادورها مش عيزا تدور خالص ومبتنطقش نهائي حتى السنتر مش شغال ولما تيجي تدور تسمع صوت طقطقة بس حتى الزجاج مش عايز ينزل .

للعلم انا كنت مغير ضفيرة الكهربا من اسبوع في الضمان
انا مش عارف دي مشكلة الضفيرة ولا مشكلة بطارية ولا اية
ياريت لو حد عندو فكرة عن الموضوع دا يفيدني

دايماً لما تسمع صوت طقطقة مع الكونتاكت, أول حاجة تعملها أنك تكشف علي أمبير البطارية.
لو مش معاك حاجة تكشف بيها علي الأمبير, أعمل توصيلة مع عربية حد بكابل ما بين البطاريتين ودور العربية, لو دارت يبقي العيب في البطارية علي طول,,

المشاركة الأصلية كتبت بواسطة tarekmandouh

بس هي لو بطارية تبقا فاجئة كدا لغايط امبارح كانت كويسة وافتكر ان انا مسبتش حاجة منورة او شغالة قبل ما اركن العربية

البطاريات الجافة كلهاا لما بينتهي عمرها بتموت مرة واحدة بدون مقدمات,
ومش بتقوم العربية معاك وبتسمع صوت الطقطقة دا حتي لو كانت العربية شغالة زي الفل اليوم اللي قبلها,,

والموضوع مالهوش علاقة لا بالكاسيت ولا بالقواطش زي ما بعض الأخوة قالو, عشان ملتفش حوالين نفسك في حاجات تانية.
لأنك قلت وفي العادي إنك مش بتسيب حاجة شغالة قبل ما تنزل, والعربية لسة جديدة والبطارية جافة عشان نفترض إن القواطش اللي علي الموجب والسالب فيهم مشكلة.