تجربتى للكيا سبورتاج 2014 بين المتعة والقلق

**dr.sherif** · 29-06-2013 02:18 AM

الححقيقة فى البداية ﻻبد أن أسجل إعجابى بهذة السيارة الممتعة
تقريبا فى كل شئ(شكل . قوة .أداء . أوبشن . ثبات . وغيرها من المميزات
لكن حكاية القلق بدأت كاﻵتى
أول يوم إستلمت السيارة كان من حوالى 20 يوم . من فرع أبو رواش
ولما إستلمتها لقيت الزجاج اﻷمامى (البربيز) به تعريقة كدة فى نصفة اﻷيمن بطول الزجاج. أنا تخيلت وقتها إنه تجيير من غسيل السيارة وقت التسليم وقلت لماأروح أكيد هأغسل العربية
وبعدين الحقيقة لما روحت غسلتها فى المغسلة ونسيت خالص موضوع الزجاج دة وخصوصا إنة مش باين خالص من جوة ومن برة ميبنش إﻻ فى الشمس وبعد تدقيق
وبعدها سافرت لمدة إسبوع أجازة ورحت عملت صيانة 1000كم وكل دة وأنا مش حاطط فى دماغى إنها مشكلة وكل مشوفها أقول هى محتاجة ملمع زجاج ﻷنها مسكة شوية ولما أفضى هاعملها
ولما رجعت من السفر روحت أغسل العربية وأول حاجة فى دماغى قولتلهم فى المغسلة إنهم ينضفوا الزجاج من التعريقة دى ..وفوجئت إنهم بيقولولى إنها مبتروحش خالص والظاهر إنة عيب فى الزجاج
أنا بصراحة مصدقتش فروحت لمحل تركيب زجاج سيارات أسألة فى البداية التعريقة دى عبارة عن إية وتوقعت إنة يقولى أى حاجة ناشفة وماسكة على الزجاج مثﻵ أو شئ من ذلك لكنة أكد كﻻم عيب الزجاج وقالى ملمس الزجاج من الداخل ومن الخارج طبيعى جدا ومسحلى المكان بالتنر بقوة وقالى دى أكتر حاجة تنضف الزجاج .. والموجود دة عيب فى الطبقات الداخلية للزجاج
بصراحة أنا زعلت جدآ وسبحان الله حسيت بعدها إنها بقت ملحوظة جدا وكل حد من أصحابى يسألنى عليها
فققرت أكلم التوكيل على الموضوع (وهو دة موضوع قلقى من العربية دلوقتى وبعد كدة)
الناس حسسونى إن ﻻيمكن تكون ده عيب صناعة وإن ده أكيد مادة كيماوية جت عل اﻹزاز
فروحت لتوكيل قريب من فى الغربية ومعتمد شاف اﻹزاز وقال دة عيب صناعة بس أنا مش ممكن آخذ قرار فى موضوع الضمان وﻻزم تكلم الفرع الرئيسى
كلمت أبو رواش وقالولى معندناش تصور للموضوع دة وكمان معندناش قطعة غيار البربيز اﻷمامى لﻹسبورتاج 2014 لكن موجود فى فرع روكسى روح هناك والمهندس لوقال إنها عيب صناعة هنغير مجانا
تانى يوم سافرت القاهرة ورحت فرع روكسي وقابلت المهندس وكلمتة على الموضوع وكلمنى وهو مندهش جدا جدا وقالى طب أنا مالى بالموضوع دة قولتلو نعم أمال مين اللي مالة قالي مدير الضمان بفرع أبو رواش هو المسئول وهو اللي يحدد هل هو عيب ولا ﻷ لكن على العموم أنصحك تغيره هنا ﻹنه مشموجود هناك . قولتلو يعنى إية أغيرة هنا . قالي يعنى تدفع 3000 جنية ثمن الزجاج ........تصدقو بالله أنا سبتو ومشيت قولت لحسن أمد إيدى علية
وبصراحة بعدها معملتش حاجة وخايف أرتكب جناية فى فرع أبو رواش

وأنادلوقت محتاج رأى الناس المحترمة اللي أكيد هتفدني وبسرعة
وآسف جدآ لﻹطالة.............. وشكرآ

**speed_magnum** · 29-06-2013 02:48 AM

كان الله في عونك
اعتقد ان حل مشكلة حضرتك حلها مع جهاز حماية المستهلك
وارسال شكوى لكيا الام

**amagroup** · 29-06-2013 10:22 AM

متسبش حقلك لغايه ما تغيره بس خليك مع التوكيل

**aihmansour** · 29-06-2013 11:46 AM

أستاذي الفاضل أنا طبعا حاسس بيك لأني مريت معاهم بتجربة في زرار نور الصالون الأمامي أنا كنت إتلمت العربيه من سمير ريان وهو موش شغال وقلت أبقى أعرضه على الصيانه وقالي في أبو رواش ده عيب إستخدام ومالناش دعوة وتغييره تمنه 800جم غير الضرائب.
بصراحة زعلت جدا وبعت إيميل لكيا كوريا وفورا لقيتهم بيكلموني في أبو رواش وحاولو يساوموني إني أدفع تمنه وهما يبقوا يدوني غيار زيت مجانا مستقبلا أنا رفضت الحل ده وبعت تاني لكيا كوريا ودخلت في مفاوضات وكل مرة أبلغ كيا كوريا لحد لما أخدوا موافقتهم بعد إيميل بعته لكيا كوريا أسفت فيه لشراء سيارة كيا وقلتلهم إن هيونداي وخدماتهم أفضل منهم.
أسف على الإطاله بس أنا غيرته على حساب الضمان . أرجوك ماتسيبش حقك روح أبو رواش في أي يوم غير السبت علشان يكون المسئولين موجودين وإذا ماطلوك أو كلامهم ماعجبكش إبعت إيميل لكيا كوريا وصر على أنك تأخد حقك (ماضاع حق وراءه مطالب) ربنا معاك وقلبي عندك.تحياتي

**dr.sherif** · 29-06-2013 12:02 PM

المشاركة الأصلية كتبت بواسطة speed_magnum

كان الله في عونك
اعتقد ان حل مشكلة حضرتك حلها مع جهاز حماية المستهلك
وارسال شكوى لكيا الام

أنا شاكر لحضرتك مرورك الكريم
وأكيد مش هسكت بس هبدأ بالتوكيل فى أبو رواش... هأخذ يومها حباية شجاعة وحبيتين قلة أدب ....لﻷسف هو دة حال البلد وهو ده اللي ماشى

**dr.sherif** · 29-06-2013 12:22 PM

المشاركة الأصلية كتبت بواسطة 2code

عندك صوت عالي ؟ الصوت العالي والنشوفيه في الحديث وسيلة اخذ الحق اليومين دول

اتصل بـ19542 واول ما يفتح لك قول له حولني على واحد مسؤل انا قرفت من مراكز الخدمة بتاعتكم وعايز اشتكي في عيب صناعة في العربية

بعد كده هيحولك لو اللي حولك ليه ده معملش لك حاجة قول له هرجع لحماية المستهلك وكمل معاهم

شاكر جدا لمشاركتك
عارف حضرتك الغريبة أنا أول إتصال لية كان برقم19542
بس لﻷسف شوفت منهم الويل .أول محكيتلهم على المشكلة حسسونى إنى مفترى ومش عارف حاجة ومش ممكن يكون الكﻻم دة صح .ومن اﻵخر إنت مش عارف تركب العربية دى ..وبعدين يسبوك أكتر من ربع ساعه على اﻹنتظار .وبعدين هأحولك على مسؤل قطع الغيار . وبعدين الخط يقطع . وأتصل تانى ويقولى مسؤل قطع الغيار أنا مليش دعوة بالموضوع دة كلمهم يحولك على مهندس صيانة . أكلم مهندس الصيانة يقولى ﻻزم نشوفها ونتأكد بس ﻻزم بردة يكون موجود قطعة غيار الزجاج فى الفرع ولﻷسف هى مش موجودة عندنا دلوقتى كلمهم شوف موجودة فين..كلمتهم قالولى موجودة فى فرع روكسى كلمت روكسى حولونى لمسؤل قطع الغيار قاللي القطعة موجودة وهأحجزهالك روحت تانى يوم هناك وشوفت الويل لدرجة إنهم كانو عاوزين يركبوه ب 3000 وبعدين بع مأدفع الفلوس إذ كان عيب صناعة آخذ الفلوس وإن كان سوء إستخدام ملكش فلوس عندنا...طب ياجماعة مين المسؤل عن القرار دة قالوللي مدير الضمان فى أبو رواش مش عندنا .حسيت وقتها إن الناس دي بتشتغلنى ..ومشيت وأنا بغليي

**dr.sherif** · 29-06-2013 12:23 PM

المشاركة الأصلية كتبت بواسطة amagroup

متسبش حقلك لغايه ما تغيره بس خليك مع التوكيل

عندك حق جدا ومش هاسيبهم وﻻهاسيب حقى ابدا
وشاكل لمشاركتك ونصيحتك

**dr.sherif** · 29-06-2013 12:35 PM

المشاركة الأصلية كتبت بواسطة aihmansour

أستاذي الفاضل أنا طبعا حاسس بيك لأني مريت معاهم بتجربة في زرار نور الصالون الأمامي أنا كنت إتلمت العربيه من سمير ريان وهو موش شغال وقلت أبقى أعرضه على الصيانه وقالي في أبو رواش ده عيب إستخدام ومالناش دعوة وتغييره تمنه 800جم غير الضرائب.
بصراحة زعلت جدا وبعت إيميل لكيا كوريا وفورا لقيتهم بيكلموني في أبو رواش وحاولو يساوموني إني أدفع تمنه وهما يبقوا يدوني غيار زيت مجانا مستقبلا أنا رفضت الحل ده وبعت تاني لكيا كوريا ودخلت في مفاوضات وكل مرة أبلغ كيا كوريا لحد لما أخدوا موافقتهم بعد إيميل بعته لكيا كوريا أسفت فيه لشراء سيارة كيا وقلتلهم إن هيونداي وخدماتهم أفضل منهم.
أسف على الإطاله بس أنا غيرته على حساب الضمان . أرجوك ماتسيبش حقك روح أبو رواش في أي يوم غير السبت علشان يكون المسئولين موجودين وإذا ماطلوك أو كلامهم ماعجبكش إبعت إيميل لكيا كوريا وصر على أنك تأخد حقك (ماضاع حق وراءه مطالب) ربنا معاك وقلبي عندك.تحياتي

والله برافو عليك
هما كدة ميجوش إﻻ بالعين الحمرة
وشاكر لنصيحتك وأكيد هأعمل كدة ومش هأسكت
وتخيل قبل مشوف رد حضرتك وردود باقى اﻷخوة المحترمين ...أنا كنت متخيل إنى مزودها شوية وإن كﻻمى دة ملوش صدى وخﻻص بقة عيب بسيط مش واضح إﻻ بالتدقيق (كبر دماغك ياعم)
لكن الحقيق أنا دلوقتي ذاد إصراري على إني آخذ حقى ..

بس أحب أوجة سؤال لحضرتك ولكل اﻹخوة وخصوصا اللي ركبوا قطع غيار فى توكيل كيا...هل نوع الزجاج وجودة تركيبة فى التوكيل هو نفسة فى المصنع ؟ وﻻ التركيب هنا هيعيب العربية ؟
لإن فى ناس نصحونى متغيرش حاجة إذاكان العيب دة مش واضح أوى فهو أحسن من تركيب سئ للزجاج الجديد وتفضل شايفة وزعﻻن علطول