Short Shifter !

**Patrickologyy** · 29-06-2013 05:50 AM

مساء الخير يا رجاله :)
حد يفهمنى كده إيه الشورت شيفتر ده و إيه أهميته و بيفرق إيه فى الأداء :)
شكراً :)

**haysam2000** · 29-06-2013 09:06 PM

ده يا باشا عبارة عن الجير بوكس السبورت بتاع عربيتك اى ما كانت طالما ان شركتك بتنزلها
و ده جيربوكس بيديك نقلات قصيره علشان يحقق زمن اعلى فى التسارع و يقلل الفارق اللى ممكن تخسره فى الوقت بين نقله و التانيه و ده بيكون تروس اصغر مع ترس فلام او اللى هو الفلاى ويل معدله لنفس الكلام ده بس بتبقى اسعاره وهميه شويه

**tutankhamoun** · 30-06-2013 05:05 AM

ده صندوق تروس منفصل

التروس فيه نفسها قصير ... فبيجيب معاك عزم عالي بسرعة
بس بيموت على السرعات العالية .

يعني
العربية نفسها بيقصر و بالتالي عزم عالي قوي على السرعات لغاية مثلا 110 أو 120 أو حسب نسب التروس في صندوق السرعات .

زي العربيات الديزل
هاتلاقي صناديق التروس بتاعتها نفسها صغير و بالتالي العزم بيطلع بدري قوي علشان كدا تلاقي السحبة حلوة بس تجميع سرعة فوق مش حلو .

و علشان حضرتك تكون فاهم
هو صندوق تروس بتصميم مختلف شوية عن صندوق تروس مثلا عادي .

هاديك مثال

فيه واحد معرفة شال صندوق التروس بتاع الجين 2 و ركب واحد ميتسوبيشي بيطلع العزم بدري .

على كل غيار هو بيكسب لو شد مع واحد معاه جين 2 مش معدلة
بس أول ما السرعة توصل ل 100 ....... و يكون خلاص خلص كل العزم اللي عنده .... التجميع بيقل و يبدء التاني يشد و يكسب في التجميع .

ميزة الصندوق اللي تروسه نفسها قصير ........ أستهلاك بنزين قليل لو مش بتحرق لأنك بتطلع العزم كامل على عدد سرعات قليل . و الميزة التانية لو بتسابق حد في وسط زحمة أو مسافة قصيرة ...... تكسب .

ده كدا بأختصار .
فيه طبعا صناديق تانية في عربيات سباق بس دي بتكون مجهزة علشان العربيات تجيب سرعات عالية كمان مع العزم فهتلاقي ان الصندوق مش مقتصر على 5 سرعات بس ........ هاتلاقي فيه سرعات أكتر من الخمسة اللي في الصناديق اللي بتنزل في العربيات العادية .

**TheUnknown** · 30-06-2013 11:09 AM

ايه ده؟ يا جماعه معلش بس كل اللي اتقال ده غلط !

الshort shifter عبار عن عصايه فتيس اقصر شويه بتساعدك علي انك تنقل بدري

بص الصورتين دول

هي ملهاش اي علاقه بالتروس ولا غيره!

و الwebsite ده هيوريك الفرق اكتر

TWM Performance Short Shifters - FAQ

**tutankhamoun** · 30-06-2013 03:29 PM

الموقع اللي انت حاطه بيشرح اللي أنا قلته ....... عصايا قصيرة و مسميها short shifter علشان تخطف النقلة .
إنما ملهاش علاقة بالتروس و مش بتحسن السحب

اللي أنا شرحته فوق كان على نسب التروس القصيرة .
لو هانتكلم عن الأسم
short rang or short ratio gearbox

لذلك انا بعتذر ..... أنا شرحت نسب التروس القصيرة .......... و معرفش صاحب الموضوع يقصد العصايا القصيرة أو نسب التروس

على العموم
الفرق أصبح واضح دلوقتي .