من اكتر الحاجات الى حبيتها فعربيتى ايمى و غيرت النوبيرا عشانها فرامل ال ABS و هى اختصار Anti-lock Brake System و كنت عملت حادثه بنوبيرتى طبعا لان ده قدرى و ثانيا عشان مفيش فالنوبيرا فرامل ABS و الى مايعرفش وظيفته هو جهاز راكب فالعربيه على ماستر الفرامل و له 4 حساسات على كل عجلة واحد كل وظيفه الجهاز ده حاجه واحده بس لما تتدوس فرامل عشان حاجه قدامك ظهرت فجأه بتتدوس جامد غصب عنك فالعجل يزحف هنا بيحصل حاجتين ان العربيه هتزحف عالارض مسافه طويله و ثانيا مهما تلف الدركسيون عشان تفادى الى ظهر قدامك العربيه مش بتستجيب عشان العجل بيزحف مش بيلف ..
الصراحه فرامل ايمى عشان ABS بجانب مقاس الجنط 15 و الكاوتش العريض بيخلى وقوفها من سرعه عاليه بمنتهى السرعه و الهدوء و دى اكتر حاجه بسطانى فيها لانى كنت مفتقدها جدا و طبعا مفيش حاجه بتمنع وقوع القدر لكن بنأخذ بالاسباب

و الفيديو ده بيشرح بالتفصيل ال ABS و الفرق فوجوده و عدم وجوده لعربيتين فنفس الموقف

Safe braking with ABS by Bosch - YouTube

يارب الموضوع يكون عجبكوا