بكل امانة ايه رايكم في السيتي 2006؟بفكر اشتريها وخايف

**ahmedassaf** · 29-06-2013 09:26 PM

عاوز رأي عن تجربه من الناس اللي امتلكوها فقط لو سمحتو وبكل امانه ومن غير مجامله
العربيه هوندا سيتي هاي لاين 1500 موديل 2006

عاوز اعرف هل قطع غيارها غاليه؟
هل متوفره كلها استيراد وبره التوكيل؟وفي منها ياباني وتايواني وصيني ولا لا؟
هل ليها اعطال متعارف عارف عليها؟
هل فيها عيوب شائعه؟
هل هي احسن ولا اللانسر في الصيانه وقطع الغيار؟

انا بسأل عن الصيانه والعيوب فقط وليس الفخامه
انا عارف ان الهوندا ركوبه واقوى حاجه في الياباني
بس انا بسال عن نقطه تانيه خالص وهي اقتصاديات السياره من ناحيه قطع الغيار بره التوكيل والصيانه
عشن انا مابحبش اتعامل مع التوكيلات خالص
تحياتي

**SAMEH_FOUAD** · 30-06-2013 11:21 AM

السيارة كويسة جدا من حيث الاتى :

ناعمة , واسعة , سحبها كويس جداااااااا , استهلاك للبنزين ممتاز , مواصفات امان , تقفيل كويس , عالية عن الارض

مايعيب السيارة :

ثباتها قليل بعد ال130-140 على حسب الجنوط اللى فيها , قطع غيار غالية , غير متوافرة كتير خارج التوكيل يعنى موجودة بس عند ناس معينة

اعطال معينة : ابعد عن العربية دية بالفتيس ال cvt عشان مشاكلة والزيت بتاعة غالى وبيتغير عند فترات متقاربة

- الموبينة : تمنها غالى هية العربية دية فيها 8 موبينات وطبعا ب8 بوجيهات , كل واحدة سعرها 850 جنية

**SAMEH_FOUAD** · 30-06-2013 10:41 PM

السيتي ال1500 فتيسها cvt؟

فية منها بفتيس CVT وفية منها بفتيس اتوماتيك عادى

وايه مشاكله؟ هل بيبوظ كتير؟

شوف مشاكلة كتير مابتحصلش الا لو مهتمتش بصيانة الفتيس من تغير زيوت وفلتر , او ماتخبطش , لكن لو ماهتمتش بتغير الحاجات دية هيبوظ منك بسرعة وتمنة مش رخيص
وزيت الفتيس بكام وبيتغير كل اد ايه؟

زيت الفتيس اللتر ب 110 جنية , وبتشترى 4 لتر وبتحط 3.2 لتر وبيتم تغيرة كل 20000 الف كيلو او 25000 كيلو على حسب الاستخدام
والموبينه دي اللي هي ايه معلش ؟

الموبينة دية هية اللى بتحول الكهرباء اللى خارجة من البطارية وبتوصلها لجهد كهربائى بيصول ل24000 الف فولت ومنة الى الاسبراتير ثم الى البوجيهات لاتمام عملية احتراق الهواء والوقود

وكل بتبوظ كتير؟

لأ مش بتبوظ كتير بس بتتغير مثلا فى حدود كل 50000 الف , وعندك 8 موبينات فى العربية اللى بتبوظ بتغيرها

يعني رايك العربيه حتقرفني اصرف نظر عنها؟

شوف هية العربية كويسة جداا وسعرها مناسب على امكانياتها , بس فى نفس الوقت عايزة اهتمام

انا عاوز عربيه مريحه زي اللانسر مش عربيه متعبه في الصاينه

ومين قالك ان اللانسر مريحة فى الصيانة مهية بردة حاجاتها غالية بس الفرق مابينهم ان اللانسر حاجاتها عند البقال ومنشترة جداا

انا بيني وبينك نفسي في لانسر بس بقت غاليه اوي دلوقتي النضيف ب 90 الف
فكنت فاكر السيتي زيها و قلت رخيصه على قدي

لو عايز لانسر شوف اللانسر المكواة 2001-2003 هية عيبها بس ان ماتورها كربراتير وقوتة ضعيفة شوية بس شغالة

**على نصر** · 02-07-2013 12:07 AM

ياعم سامح انا عندى سيتى 2007 1300 سى سى اتوماتيك يعلى ايه cvt ارجوك اشرح وتمئنى

**SAMEH_FOUAD** · 02-07-2013 01:43 AM

المشاركة الأصلية كتبت بواسطة على نصر

ياعم سامح انا عندى سيتى 2007 1300 سى سى اتوماتيك يعلى ايه cvt ارجوك اشرح وتمئنى

ماتقلقش ال 1300 سى سى بتنزل فتيس اتوماتيك عادى , مش cvt

**monamize4** · 02-07-2013 04:04 AM

المشاركة الأصلية كتبت بواسطة sameh_fouad

اعطال معينة : ابعد عن العربية دية بالفتيس ال cvt عشان مشاكلة والزيت بتاعة غالى وبيتغير عند فترات متقاربة

يا باشا انت تقصد ان cvt عامة فيه مشاكل و لا cvt السيتى بالذات هو اللى فيه مشاكل ؟!!!!!!!!!!!

**SAMEH_FOUAD** · 02-07-2013 11:42 AM

المشاركة الأصلية كتبت بواسطة monamize4

يا باشا انت تقصد ان cvt عامة فيه مشاكل و لا cvt السيتى بالذات هو اللى فيه مشاكل ؟!!!!!!!!!!!

لأ انا اقصد ان فتيس ال cvt بتاع السيتى عايز اهتمام جامد عشان يفضل شغال كويس

كلامى على السيتى فقط لاغير

**monamize4** · 03-07-2013 03:02 AM

المشاركة الأصلية كتبت بواسطة sameh_fouad

لأ انا اقصد ان فتيس ال cvt بتاع السيتى عايز اهتمام جامد عشان يفضل شغال كويس

كلامى على السيتى فقط لاغير

شكرا ع التوضيح xd

الموضوع: بكل امانة ايه رايكم في السيتي 2006؟بفكر اشتريها وخايف

LinkBack

أدوات الموضوع

عرض

-

-

-

-

-

-

المواضيع المتشابهه

حد جرب رينو سانديرو بفكر اشتريها رايكم ايه

اريد رايكم يا جماعة بكل امانة و صدق فى سيارة ستروين اكسارا 2001

فيات بونتوا بفكر اشتريها .. ايه رايكم فيها كسياره

بفكر اشترى فيرنا وخايف - طمنونى

تسعير عربية 128 عااااااااجل !!! لانى بفكر اشتريها

الكلمات الدلالية لهذا الموضوع

المفضلات

المفضلات

ضوابط المشاركة