الموضوع: استلمت جينا امبارححححح :)

أبو رضــا الكبير قوي قوي

مبروووك يا عمونا .... و ربنا يطرح فيها البركة
و يعطيك خيرها ...... و يكفيك شرها
و ما تنساش تحط فردة الصندل
علي
الاكصدام الخلفي

المشاركة الأصلية كتبت بواسطة bemocarlo

الف مبروك يا استاذ احمد وربنا يباركلك فيها.
bemo,ire

الله يبارك فيك يا استاذ bemocarlo

الف مبروك يااحمد وعقبالي كده

الله يبارك فيك يا powert و إن شاء الله تجيب الجين 2 اللي في نفسك

أبو رضــا الكبير قوي قوي

مبروووك يا عمونا .... و ربنا يطرح فيها البركة
و يعطيك خيرها ...... و يكفيك شرها
و ما تنساش تحط فردة الصندل
علي
الاكصدام الخلفي

عمي و عم عيالي
ازيك يا ابو مزاجنجي , انتا فيين يابني و غطسان فيين بقالك فترة
عموما الله يبارك فيك و عقبالك كدة إن شاء الله و تجيب وحدة احسن منها كمان
فردة الصندل موجودة يا ابو الامزاج
احنا لازم نتقابل ولا احنا اللي بينا cps و بس ولا اية!!
شلة ال cps كلها لازم تتقابل دية عشرة عمر يا باشا

:party:
الف الف مبروك يا بشمهندس احمد رضا على إسمى وربنا يحفظهالك من كل سوء
واشوفك قريب فى تيستر انا موجود هناك علطول بس الفتره ديه الشغل مبهدلنى موت

اسمك احمد رضا و بتروح testers و جايب جين 2 بس اوتوماتيك!!!!
والله انل كنت بفكر في الاوتوماتيك في فترو من الفترات و خايف لا يكون جالي انفصام في الشخصية و تيقي حالتي متقدمة عن حالة اجمد حلمي كمان
و خاصا اني شايف في الشارع واحدة اوتو سبوت باكيج

اوعي تكون مهندس انشائي و خريج هندسة القاهرة
لو دة صح انا اروح مصحة نفسية بكرة
عاما انا تشرفت بمعرفتك و لو شوفتني في testers ابقي تعالي سلم عشان انا مش عارف شكلك اية
فرصة سعيدة يا.... يا احمد رضا

الف الف مبروووووك
ربنا يحفظهالك و يحفظك و عقبالى كده لما ربنا يريد عن قريب انشاءالله
يا ريت حضرتك تقوللى هو فيه علاقه لمرور بين السريات ولا كل حاجه بتخلص فى مرور العجوزه علشان انا كمان مرور العجوزه والموضوع ممكن يخلص فى يوم ولا لأ
ولازم موضوع الرش على كل اللى حتقابله
شكرا ليك و الف مبروك مره تانيه

الله يبارك فيك,وعقبالك عن قريب إن شاء الله
انا خلصت كل حاجة في مرور العجوزة بس متهيالي بعد كدة لو عليك مخلفات بتروح تدفعها في بين السرايات ,روحت الصبح بدري مع مندوب من contact cars علي 8:30 كدة و خلصت علي 11 بس الصراحة انا معملتش اي حاجة و هو اللي خلص كل حاجة و هو كان ماشي يرش علي الناس عشان كدة خلصنا بسرعة و اخدت نمر قديما كمان مش نمر موقتة
هي نمر قديمة صحيح بس دة حبخليني مش كل شوية اروح اجدد النمر الموقتة و كمان ممكن يكون قدامي فرصة اني اركب النمر الجديدة السنة الجاية و انا بجدد الترخيص
المهم لو مرشتش عادي ورقك حيخلص برضة بس حياخد وقت اطول شوية
و اي خدمة يا باشا

الف الف مبرووووووووووك علي جينا
وربنا يباركلك فيها ويكفيك شرها
عايزين نشوف تقييمك اول باول كده
ونا سمعت كمان ان الدفعات الاخيره دي من موديل 2008 ابتدو يحسنو في الصالون عن الدفعات اللي قبل كده بشكل ملحوظ ايه رايك؟؟

الله يبارك فيك يا vector إن شاء الله التقييم سوف ياتي تباعا

لحد دلوقتي الحمد الله ماصدفنيش اي مشاكل مع الصالون و لكن للحيادية هو لسة زي ماهو و تحس بفقر الخامات شوية

الف الف مليون مبروك يا احمد ربنا يكرمك فيها ويديك خيرها ويكفيك شرها يارب
وتستخدمها دايما فى طاعه الله يارب
ويكفيك شر عيون الناس ويكفيك شر عيون الناس يارب 28-08-2008 11:41

الله يبارك فيك يا باشا و إن شاء الله ربنا يدي كل اللي نفسة فيها و نستعملها كلنا في طاعة الرحمن

منور يا احمد يا رضا و الله

الف مبروك يا باشا و ان شاء الله العربية هاتعجبك و ربنا يملهالك بركة

مستنيين تقييمك ان شاء الله و ياريت نشوفك فى الفطار بتاع نادى الجين 2 ونتفرج على الجينا الجديدة

الف مبروك يا ابو حميد

احمد صيام بنفسة عندي في الموضوع:smile:
الله يبارك فيك يا ابو صيام
إن شاء الله ححاول اجي الفطار لو اتيحت لي الفرصة
انا كنت عاوز اجي التجمع مع حبيب و الماليزيين و ال road show بس للاسف مكنتش لسة جبت العربية:cuss: , انما ملحوقة إن شاء الله

ألف مبرووووووووووك
بس متحرقش عليها و هى لسه جديده كدا لتزعل منك

الله يبارك فيك
لا انا مبحرقش ولا حاجة
دة حتي انا بعملها بحنيية اوي
انا بيبقي هاين علية وانا طالع فوق البيت اني اسيبها و امشي و ببقي عاوز اخدها معايا فوق

جميلة الجميلات ....... تتألق و تتلعلع ....... و تخطف الأبصار و القلوب

إنها جيـــــــــــنا ........... سيارة الأخ العزيز ......... أحمد رضا

سمراء تألق تحت منزله .........


بارك الله لك فيها ...................... و وقاك شر الطريق
و حفظك من الحسد ............ و من عيون الناس

ألف ألف ألف مبروك ......... النادي البروتوني بيرحب بيك


و على رأي السيد الوالد ......... عقبال جيـــــــــنا العروسة

توت باشا الله يبارك فيك يا معلم
و من هنا احب اشكرك يا توت لانك كنت احد السباب الرئيسية اللي زودت حبي و اقتناعي بالعربية دية و دة بعد ما لمست انتا اد اية بتحب العربية و غيور و بتخاف عليها و حياديتك التامة في نقل تجربتك معها و نقل اي معلومة ممكن تساعد اي حد بيفكر انة يشتريها
شكرا توت

الف الف مبروووك
ربنا يباركلك فيها و يديك خيرها ويبعد عنك شرها
انتم السابقون ونحن ان شاء الله من اللاحقون
على فكرة دي اول مشاركة ليا بعد غياب طويل للامتحانات لكن بجد فرحان جدا ليك وانا متابع القصة من اول ايام الcps وكان نفسي فعلا الموضوع يتحقق لكن قدر الله وما شاء فعل
بس حقيقي العربية ما شاء الله تحفة و ما زلت في رأيي من افضل الاختيارات حاليا 28-08-2008 06:41

الله يبارك فيك و عود احمد
فعلا قدر الله و ماشاء فعل
انا اريد و انت تريد و الله يفعل ما يريد و محدش عارف الخير فين
شكرا ليك مرة اخري

لف مبروك يا استاذ احمد وربنا يباركلك فيها.
bemo,ire

الله يبارك فيك


شكرا لكم جميعا علي مشاعركم الرقيقة, الحمد الله انا رخصت امبارح و الموضوع مشي كويس و اخدت نمر قديمة مش موقتة بس طبعا بالفلوس و دة اللي عملة مندوب كونتكت بس بعد ما اخذ راي
الموقتة تمنها 90 جنية تامين و 25 جنية مصاريف ادارية و بتاع و اجرااتها كتير و مبتخودهاش مكتوبة ,لا انتا اللي بتكتبها و بتيجي كل فترة تسال علي النمر الجديدة لو مجتش تجددلها
مندوب كونتكت ادي الراجل 100 و طلعلنا نمر قديمة شكلها نضييف اوي انا كنت فاكر اني اول واحد يستعملها بس كانت متخرمة
المهم خدت رخصتي و النمر و طلعت عندي تحت البيت عشان اركبها و كان الفيلم العربي
مفيش صواميل جاية مع العربية رحت اشتريت 5 مسامير رقم 10 بصامولة و كنت عاوز اخرم النمر علي اماكن اخرام العربية و مكنش معايا شنيور رحت علي العجوزة قابلت ال sals اللي بتعامل معاة قالي استني حبعت اجيب حد من اللي عندة يركبهالك و ملقاش عشان كان الصبح شوية و بيجوا متاخر عشان اغلبهم من الاقاليم و طلع ان العربية بيجي معاها حاجة زي كلبسة كدة و ملحوم فيها الصامولة و كانت بتيجي في الدفعات القديمة و مبقتش بتجي
قام فكهوملي من عربية واقفة عندة و ادهملي ,
رجعت البيت بعد مشتريت مسمار صلب كبير عشان اخرم بية و كمان مسطرة 30 ؤة عشان اقيس المسافة بيها بين المسمارين و طلعت 27 سم بالضبط ورا و قدام .
خرمت الصاجتين و ركبت الاربع كلبسات في العربية و فاضل علي التركيب و لسة ححط اول مسمار عشان اربط طلع قصير و مش واصل للصامولة من الناحية الثانية :cuss::cuss::cuss:
رحت جايب المسامير اللي اشترتهم و كانو طوال الحمد الله و مقاس الصامواة بالضبط و ربطهم و تمت بعد عناء شديد:smile:

انا بحكي الحكاية دية عشان اي حد ييجي يستلم يقلهم عاوز الاربع كلبسات و المسامير بتوعهم بتوع النمر

كمان فية حاجة لما جربت زرار ال fog lights اللي ورا كان شغال و زي الفل بس خدو بالكم انو مبيشتغلش الا لو كنت مشغل النور الواطي علي الاقل قدام لاني بعد ممشيت حاولت اجربة و مكنتش مشغل النور قدام و طبعا مكنتش لسة قرات المانيوال فطبعا مشتغلش و عملت فيلم و كنت راجعلهم تاني بس الحمد الله وقفت واحد في الشارع و سالتو معاة العربية و عرفت الحوار دة
انا قلت اقول عشان اي حد بردة حيستلم يكون عارف النقطة دية

دلوقتي اسيبكم مع كام صورة كدة تصبيرة لحد التقييم الشامل باذن الله