الموضوع: تقريري بعد اسبوعين من شراء الجيلي بالصور

بسم الله الرحمن الرحيم

انا صورتها شويه صور لاعضاء الغاليين اللي طلبوا مني صور للعربيه وياريت تقولولي رايكم فيها وفي لونها

اترككم مع الصور



















دي شويه ملاحظات ليا للجيلي بعد سواقتها لمده اسبوعين







العيوب اللي قابلتني

1- التكييف مش شغال خالص مش حقول ما بيسقعش او ضعيف الهواء اللي طالع منه سخن اصلا
مع اني اول ما جبت العربيه وجربته كان بيسقع وشغلته مره واحده بس كان كويس لكن بعد كده شغال مروحه بس ومش عارف اعمل ايه في الموضوع ده ورحت لسمير ريان اللي اشتريت منه وجربهولي وقاللي كده يبقي فيه عيب

2- الكاسيت سيء جدا الصوت معقول بس الراديو كل شويه لازم يتضبط وساعات بيوش
وبيمسح تسجيلات القنوات وشويه ويرجعها لوحده تاني والسي دي بيعد فتره علي ما يشتغل وتسمع صوت السي دي قبل ما يشتغل كانه شريط بيسف

3- وصله اليو اس بي مش شغاله اول ما بوصل عليها حاجه وادوس علي زرار يو اس بي لتشغيلها الاقي الكاسيت كله فصل كهربا واطفي

4- وانا بنقل بحس ان العربيه بتنط مني او تعشيقها متأخر شويه في النقلات

ياريت تقولولي اعمل ايه في المشاكل دي والناس اللي عندها العربيه عندها نفس المشاكل ولا لا


المميزات اللي لفتت انتباهي

عزل العربيه ممتاز وشكلها الخارجي يلفت الانتباه والفرامل ممتازه والاوبشن الكتير اللي فيها مش موجوده في عربيات كتير في نفس سعرها واغلي منها

ياريت اسمع ارائكم وتعليقاتكم خصوصا اني قعدت ارفع الصور فوق الساعتين
لاني ماعنديش خبره في رفع الصور او شغل المنتديات