الى خبراء سيستم صوت السيارات خش وشارك بردك

**3mr Farrag** · 28-08-2008 02:35 AM

رأيي مع كوداك....
الجي ام اللي مركبه قليل اويــــــــــــــــــــــ ـي
هات واحد 700 وات او 800 وات 4 شانيل
و بعدين اسمع بقي فرق الصوت و شوف لو معجبش ابقي قولي
سلام

**mazgangy** · 31-08-2008 05:26 PM

كنت عايز اعرف يا جماعه ايه الجى ام المناسب اللى يقوم 4 سماعات بايونير 400 وات التايلاندى وكمان نفسى بقى اعرف الزيرو باور ده بيفرق ايه فى الصوت يعنى لازمته ايه وشكرا ومستندى ردودكم يا احلى اعضاء فى احلى منتدى

**mazgangy** · 31-08-2008 05:59 PM

ومعلش كمان نسيت اقول حاجه لو عندى 2 جى ام ينفع اوصل الزيرو باور على الاتنين والا لازم 2 زيرو باور وكمان ينفع يكون مركب فى الرف ورا 2 بايونير و2 كينوود والا الافضل نوع واحد وشكرا

**3mr Farrag** · 31-08-2008 06:44 PM

المشاركة الأصلية كتبت بواسطة mazgangy

كنت عايز اعرف يا جماعه ايه الجى ام المناسب اللى يقوم 4 سماعات بايونير 400 وات التايلاندى وكمان نفسى بقى اعرف الزيرو باور ده بيفرق ايه فى الصوت يعنى لازمته ايه وشكرا ومستندى ردودكم يا احلى اعضاء فى احلى منتدى

محتاج جي ام كينوود 600 وات بيطلع 4*50rms
ده لو السماعات 80 rms ...ياريت تبقي تتأكد ...

اما بخصوص الزيرو باور ....فاللي اعرفه انه ذي الايكولايزر
يقلل البيز او يعليه و التربل و الميدرينج

**KoDaK_Gti** · 01-09-2008 11:57 AM

متركبش الزيرو باور على 4 سماعات بس
الزيرو باور لو هتركب اكتر من صب هاته لأن البيز بتاعه عالى جدا على السماعات
وهتسمع طرقعة السماعات مع ضربة البيز لو ركبت الزيرو باور
وبالنسبة للجى إم هاته 600 وات 4 مخارج
بايونير او كينوود

**mazgangy** · 01-09-2008 03:42 PM

يا جماعه براحه عاليا ربنا يخليكم دلوقتى واحده واحده كده معايا انا دلوقتى عندى 4 سماعات بايونير 400 وجى ام كينوود 400 وات 4 شينيل وصب بايونير 1200 وكاسيت سى دى كينوود 333 وسماعتين كينوود ميدرنج فى الابواب الاماميه السوال بقى ومحتاج الاجابه تفصليه

الاربع سماعات البايونير دول يقوموا على الجى ام الكينوود ال400 وات ده والا لا لانى عاوز اجيب واحد للصب بس 2 شينيل وياترى اللى اجيبه للصب ده يكون كام وات وماركه ايه وهل الغى سماعات الابواب الامايه والا لا واخيراااا بقى لما اوصل 4 سماعات على جى ام وصب على جى ام ليه لازمه الزيرو باور والا لا وحيفرق فى ايه؟؟ ولو اتوصل حيتوصل بايه بالظبط من الحاجات اللى قولتها دى ؟؟ وشكرا ليكم ومعلش بتقل عليكم

**KoDaK_Gti** · 01-09-2008 05:34 PM

ماتقول كده من الاول ولا لازم نشخط فيك يعنى
الزيرو باور هيفرق فى الصوت معاك بدرجة كبيرة جدا
وبعدين هات جى ام ميقلش عن 400 وات 2 شانل ماركة ايه دى بقة حسب فلوسك ممكن تجيب كلاريون او بايونير
وتجيب زيرو باور كلاريون
السى دى اللى عندك اداؤه وحش جدا مش هيديلك الصوت اللى انت عايزو

**mazgangy** · 01-09-2008 05:57 PM

هههههههههههه ماشى اشخط يا عم. طيب مقولتليش كده الزيروباور حيتوصل بايه بالظبط وحيحل مشكله الكاسيت اللى بتقول عليها والا لا وكمان الاربع سماعات البايونير يقوموا على الجى ام الكينوود والا ايه وايه رائيك فى جى ام جى فى سى من كارفور للصب ويكون 2 شينيل ورد عاليا فى موضوع الجى ام الكينوود اللى عندى ده اصلى مش صينى و4 شينيل و400 وات حيقوم 4 سماعات بايونير 400 تايلاندى والا لا

لسى دى اللى عندك اداؤه وحش جدا مش هيديلك الصوت اللى انت عايزو

والجمله الحلوه دى مش ليها اى حل

وافصل المسماعات الاماميه والا ايه هى كينوود ميد رينج 120 وات

**KoDaK_Gti** · 01-09-2008 10:37 PM

هتوصل الكاسيت وعليه سماعتين الباب بس كده كده مش هتحس بصوتهم لأنك مركب 4 سماعات ورا
وبعدين هتوصل من الكاسيت للزيرو باور ومن الزيرو باور للجى ام
الجى ام اللى عندك حلو وهيشتغل تمام ع السماعات
وبالنسبة للجى ام Jvc انا مجربتوش بس سمعت صوت السماعات والكاسيت ال Jvc بصراحة كانوا جامدين جدا فى عربية واحد صحبى
والزيرو باور هيظبط معاك الصوت بس انا رأيى بدل ماتجيب زيرو باور ب 500 جنيه بيع السى دى بتاعك و زود عليهم ال 500 جنيه واشترى سى دى بايونير يكون فيه زيرو باور منه فيه
ده رأى وشوف بردو هتعمل ايه واحنا معاك

**mazgangy** · 02-09-2008 12:32 AM

طيب يا باشا لو بعت الكاسيت اللى معايا ده يجيب كام؟؟ ولما ازود 500 جنيه علشان اجيب كاسيت جديد حيكون نوع ايه وموديه ايه وايه مواصفاته؟؟ ومعلش بتقل عليك وياترى حيكون الزيرو الباور اللى فى الكاسيت ده بنفس اداء الزيرو باور الكلريون ؟؟؟ولو حيفرق حيفرق فى ايه ؟؟وكمان لو ركبت زيرو باور الكلريون ده حيحسن من الكاسيت والا ايه؟؟؟ وبرضوا حيتوصل بالجى ام بتاع السماعات والا جى ام بتاع الصب؟ والف شكر ليك ولكل الاعضاء اللى ساهمت بالرد

الموضوع: الى خبراء سيستم صوت السيارات خش وشارك بردك

LinkBack

أدوات الموضوع

عرض

-

-

-

-

-

المواضيع المتشابهه

الى خبراء الابيزا سيستم بورش

الي خبراء اجهزه الساوند سيستم

ايه راي خبراء الساوند سيستم إلى انا حاتطه بالصور؟

الى خبراء الابيزا سيستم بورش

الى خبراء الابيزا سيستم بورش

الكلمات الدلالية لهذا الموضوع

المفضلات

المفضلات

ضوابط المشاركة