الموضوع: متعة السواقة في مصر انهاردة

امبارح كان الطريق فاضـــي

لا تعليق صراحة

فعلا الدنيا فاضية ولا كأنه يوم العيد
المشوار اللى ياخد ساعتين ... تم انجازه فى نص ساعة
يارب احفظ مصر واصلح حالنا عشان حال البلد ينصلح

المشاركة الأصلية كتبت بواسطة janagabr

مش قادر اوصفلكوا جمال البلد من يوم الجمعة السبت والاحدالشوارع فاضية خالص
مفيش ميكروباسات وموتسكلات واتوبيسات
مفيش ناس ماشية في الشارع
مفيش باعة جائلين
والشغل اجازة
لا سمعت زمارة ولا شتيمة ولا سايس عربيات ولا كلمة رمسيس رمسيس رمسيس
والحتة الصايعة اللي كنت عاملها اني مفول العربية من الجمعة اللي قبل اللي فاتت وراكنها لزوم الطوارئ ومقضيها مواصلات
والصراحة الشوارع الفاضية مغرية لاستكشاف top speed
نزلت الجمعة خلصت مشاوير كتير جدا كانت عايزلها اسبوع عشان تخاص
تقريبا خلصت بتاع خمس او ست مشاوير
روحت زورت اقاربي كلهم ساكنين في اماكن بعيدة ومختلفة وعملت كل زيارة عند حد مقعدش اكتر من ساعة ونص واشتريت شوية طلبات للبيت وفي اخر اليوم روحت قعدت مع اصحابي
السبت نزلت اتغديت برة كانت عزومة وبطني وجعتني
تقريبا كانوا باصين في الاكل
او عازمني غصب عنهم او قارفنين مني
ووصلتني معلومات مؤكدة ان كان في المطعم واحد من الشيف اخواني لما شافني داخل بالشورت وسمعني قولت نكتة علي مرسي
فاخرج فتوي بين عمال المطعم بتكفيري فاستحل دمي واهدر رقبتي وكانت عايز ياخد العربية غنيمة له وياخد اصحابي سبايا فحطلي السم في الاكلوقعدت باقي اليوم في الحمام
انهاردة بفكر الم اصحابي وننزل نقلب البلد need for speed
ونقضيها شد ومد وثني الذراعين
وبالمرة ندي دروس في عضلات الماكينات الالماني
والاسفلت هو الفاصل
انا سعيد ان الشوارع فاضية
وعالله اقابل اخواني في الطريق
هجرب عليه الفرامل abs
واحتمال اعمل عليه burn out
وبالمرة نعمل عليه اختبار قوة تحمل صاج العربية
ربنا يخليلنا مرسي العياط اللي موقف حال الناس
وفي النهاية
ياريت يعملوا مظاهرة كل يوم عشان نعرف نقضي مشاورينا وبالمرة نعمل شوية donuts بالعربية
او يخلوها ثلاث مرات في الاسبوع

الناس هى الى موقفها حالها باديها محدش وقفهم بس تقول اية الزرجينة الى كانت قفلة السوستة اتكسرت والسوستة طااااااااارت ومحدش عرف يقوفها علشان هى سوستة مش بتفهم يعنى جماد اهى الزرجينة دى حبيب العادلى و 3/4 الشعب دة زى السوستة مش بيفهم عايز واحد صايع وقليل الادب وحرامى علشان يحكموا وللاسف لما الزرجينة اتكسرت والناس دية طايحة فى كل حتة اضرابات ومظاهرات وقلة ادب وبلطجة وبعدين نفس الناس دية تقولك مرسى السبب الصراحة لا تعليق