استفسار بخصوص الميجان..يا ريت المساعده يا شباب...

**alyz** · 01-07-2013 06:30 PM

السلام عليكم يا جماعه.....كنت بدور على عربيه مستعمله موديل جديد (يعنى فوق ال 2006 مثلا) و فى حدود 80000..و الميجان كانت من الافكار المطروحه قدامى..العربيه حلوه جدا و عاجبانى..بس انا سمعت كلام عن مشكلات موجوده فى موديلات الفتره دى(2005 الى 2009) بس طبعا انا مش عارف ايه هى المشكلات دى...و موجوده فى انهى موديلات بالظبط...هل ممكن تفيدونى بحيث اعرف انهى موديلات اللى ممكن تضايقنى و صيانتها عامله ازاى؟...و ايه افضل موديلات ممكن تتجاب؟(انا طبعا بتكلم على 2006 - 2009 )...
شكرا ليكوا مقدما يا جماعه

**ياريساوي** · 01-07-2013 07:57 PM

انت ميزانيتك قد ايه ؟؟ لو 100 الف جنيه هات كورولا 2007 احسن اختيار الصراحة قطع غيار رخيصة اي عيل في ابتدائي يصلحهالك تكييف تلاجة شكل جميل ثبات كويس اعادة بيع ممتازة و ياباني ياباني و ناعمة في السواقة و فيها اير باج او ممكن تجيب تويوتا ياريس فل اوبشن برضه ارخص من الكورولا و واسعة من جوه و ياباني بس تكيفها اضعف حبتين من الكورولا

**إبراهيم المصرى** · 01-07-2013 10:26 PM

الميجان ممتازه بس المهم تكون بحالتها وكيلومتر قليل

**alyz** · 02-07-2013 09:03 PM

شكرا على الردود يا جماعه

**MACATHIUS** · 03-07-2013 12:22 PM

بص يا باشا انا هقولك رايى على قد معرفتى.. ان فعلاً الميجان و الكورولا من احسن الاختيارات... الاتنين ناعمين اوى كعفشة و عزل و ماتحسش بصوت الموتور ابدا مهما قدمت العربية.. بس المهم تكون كيلومتر اقل من 100 الف كيلومتر. انا ركبت الاتنين و بفكر اشترى واحدة منهم... و بالنسبة لموضوع اعادة البيع للميجان فماتشغلش بالك بيها لان الخسارة بتكون للى اشترى الميجان زيرو و باعها مستعمل بسعر رخيص لكن انت هتشترى مستعمل وهتكون مستفيد فى جميع الاحوال...و المبلغ اللى معاك دا يخليك تجيب موديل 2008 كمان. و ربنا يوفقك.