ارجو المساعده في بيجو 307

**ahmed fathy11** · 03-07-2013 12:24 AM

ارجو المساعده من اهل الخبره .... الموضوع باختصار في شهر 10 الماضي اشتريت 307 1400 2005 مانيوال ... بعد فتره بدا يظهر فيها بعض المشاكل ... اولها كان عندما تكون العربيه ساخنه او مشيت فى زحمه كتير . او شغلت التكيف لفتره كنت بلاقي العربية مبتسحبش يجي عند rbm 3 وبعد كده العربيه مهما دوست بنزين تبدا تقطع وتنتش وكاني بدوس فرامل ... بعد كده ظهرتلي رسالة anti pollution fault ... روحت لواحد كشف كمبيوتر قالي ده سنسور شكمان علوي ... هل ممكن تكون مشكله السحب من السنسور ده ... تاني حاجه عندي تخبيط جامد جدا في العفشه والدركسيون بحس انه بقالو كام يوم تقيل ممكن يكون ليهم علاقه ببعض ... لو ممكن اسعار العفشه بتعتها من علبه دركسيون ... علبه بور مساعدين .... انا بصراحه حاسس ان هيا فتحت بقها والصراحه حاسس انها المفروض تتباع بس والله مش عايز ابيعها لحد وبعد كده يدعي عليا .... ممكن بس استشاره ممكن اعمل ايه والصيانه والكشف كويس فين ؟؟؟؟؟؟ واسف جدا علي الازعاج

**MuhamedNabil** · 03-07-2013 04:07 AM

anti pollution بتظهر لما السينسور يحس بعدم احتراق كامل للوقود هو نفسه مش بيعمل المشكلة
المشكلة ممكن تكون فى بوجيهات \ بوبينة \ بنزين مش نضيف بس دى مستبعدة شوية لان االموضوع بيجى مع السخزنية
انصحك انك تغيير بوجيهات الاول و اشترى bosch super plus زى دول من مصطفى شوقى او غزال او نافع فى شارع دمشق 120 جم بأقصى تقدير هما ارخص
http://aa-boschap-de.resource.bosch....714&height=600

بس اتأكد انهم نفس العندك عشان انا عربيتى 1600 و معرفيش حتكون نفس البوجيهات ولا لا

تانى حاجة البوبينة اكشف الاول على الفيشة شوف لو فى علامات سخونية, البوبينة غالية شوية لو تعرف تخلى حد من بتوع الاستيراد يرضى انك تجرب وحدة قبل ماتشترى و تشوف حتحل المشكلة ولا لا.
نضف البوابة و فلتر الهواء
اتأكد ان طلمبة البنزين صوتها مش عالى لو صتها عالى يبقى الماتور بتعها قرب ينتهى الماتور البوش الاصلى ب 220 فى شارع دمشق و الصينى 80 و انت طالع

بالنسبة للعفشة اول حاجة لو فى صوت فى الدركسيون تكشف على درعات علبة الدركسيون و ممكن انت تكشف عليها بنفسك و دى الطريقة
ترفع العجلة الامامية بالكوريك و تمسكها من الجانبين و تحركها لو لقيت فيها بوش بسيط يبقى الدراع بتعها عايز يتغير
برده و انت بتحود على الاخر و الاطريق منقر شوية حتسمع صوت تخبيط كده.

**ahmed fathy11** · 04-07-2013 12:36 PM

انا بشكر حضرتك جدا . انا بفكر تكشف في التوكيل .. عشان اعرف المشاكل كلها . كشفهم كويس ؟؟؟؟ ... طب بالنسبة ان الدركسيون تقيل ممكن يكون ايه باور ولا ممكن حاجه في العفشة ....