الموضوع: مشكله في تليفون Sony Xperia Tipo

هو التليفون حلو وانا محبه و الشاشه بتاعته عجباني اوي
بس في مشكله انا مش فاهمها ده عيب مني و لا هو التليفون مش وش كمبيوترات ولا ايه
منزل برنامج MobileGo علي التليفون و الكمبيوتر علشان اعمل كونكشن وايرلس و كده (انقل صور او اغاني او اعمل Backup) المهم بقي التليفون كان شغال حلو لحد ماباجي انقل حاجات من الكمبيوتر و الاقيه ابتدي يهبل و ارساله يضعف و يسقط شبكه و يهيس كتير و يبقي تقيل و يقرفني
وديته التوكيل ... خدمة العملاء اخدته و قالتلي هانشوف في ايه
روحت استلمت الجهاز قالولي ده كان متفيرس و فرمتناه و بتاع و لازم تنزل AntiVirus
المهم نزلت AVAST و قولت هايظبط بقي ... نزلت الباك اب من علي الكمبيوتر (منا حاطط AntiVirus بقي ) لاقيته بردوا هيس و التاتش قعد يهيس كأني دايس علي الزرار و بتاع ... قعد اربع ايام كده ... قرفني بصراحه
قولت ياوااااد فرمته و اما نشوف اخرتها ايه ... فرمته و ظبط و بقي حلاوه و سرييييييييع و تنزل عليه برامج من الماركت و لا الهوا و تلاقي الرااااام خالصانه اصلا باقي فيها 150 ميجا ولا حاجه و شغال و لا حاسس انه ثقيل ولا حاجه و فيس بوك و كونكشن سريع
مش عارف بقي اعمل ايه في التليفون ابن التييييييييييت ده
هلل من حل للتليفون ده لان حجمه عاجبني و الشاشه بتاعته حلوه و انا كل استخدامي اصلا للتليفون فيس و اغاني و رنات احطها و ممكن لعب صغير XO . Unblockme لعب خفيفه يعني فانا التليفون مقابل للي انا عايزه بس مش عارف اعمل معاه ايه و هل المشكله مني و لا من التليفون و لا من الكمبيوتر ولا ايه بالظبط
نسيت اقولكوا ان الكمبيوتر اصلا عليه فيرسوات الدنيا و الاخره لاني مش بحط AntiVirus خالص بس سألت واحد صحبي قالي ان الفيروسات اللي علي الكمبيوتر مش بتتنقل للموبايل ... و الله اعلم
فماذا افعل ياجماعة الخييييييييييير