الاسبراتير وكهربة الموتور

**mig44n** · 28-08-2008 10:19 PM

ياجماعه اكبر مشاكل العربيات الى فيها الاسبراتير العادى انها دايما بتاكل الابلاتين والكوندنسر ودى فعلا مشكله تقرف لان الابلاتين او الكوندنسر لو حصل فيهم حاجه بتبوظ العربيه كلها وبتخليها مبرجله وممكن مدورش اصلا.....
والكلام ده خصوصا فى الفيات الى اصلا الابلاتين فيها مبيقعدش ياجماعه انا اكتر صيانه عملتها بتكون ابلاتين وكوندنسر كل شويه ابلاتين وكندنسير...

طيب حد يعرف حل للموضوع ده؟؟؟؟؟
هل ممكن فعلا تحول الى اسبراتير الاكترونى؟؟؟
وايه هو الاسبراتير الالكترونى ده؟؟؟؟؟؟
هل ممكن تركب 2 موبينة فى اى عربية؟؟؟؟
هل فى حاجه بتزود قوة الشرارة انا قريتا كلام زى ده قبل كده على مواقع اجنبية فى جهاز بيخزن الشرارة علشان لما تيجى تتدور العربية يخرجلك شرارة قوية بتساعد على تدوير العربية والجهاز ده برده بيخلى الشرارة قوية طول ما العربية ماشية....
حد سمع عن الجهاز ده؟؟؟؟

معلش طولت عليكم وياريت الى يعرف او سمع حاجة يقول عليها.....

ملحوظة انا كنت كاتب الموضوع فى قسم الفيات ولازلت كاتبه بس كتابته تانى فى الورشة علشان هو موضوع تقنى ويخص كل العربيات الى شغاله باسبراتير....

**Dr Zezo** · 30-08-2008 01:06 AM

متضامن مع سيادتك ومنتظرين الحل بإذن الله

**shoudy2005** · 30-08-2008 02:25 AM

انا بغير ابلاتين و كوندنسر و بوجيهات انا ما عنديش مشاكل من الأبلاتين

**ahmedsrs** · 30-08-2008 09:02 PM

الأسبراتير الألكترونى عبارة عن مشط او شريحة الكترونية بدل الأبلتين والكندنسر ويتميذ عن الأبلتين والكندنسر بان عمرة اطول وشدة الشرارة ثابتة غير العادى ولكن من عيوبه ان تلفه مفاجى ويجب تغييره بعد كيلوات معينة ويمكن تغيير العادى الى الكترونى لو نفس مركة العربية نزل لها الكترونى فى الموديلات الأحدث يعنى لو ال128 موديل 99 عادى ونزل لها الكترونى موديل 2000 ممكن يركب لها وهاكذا ويلاحظ ان الميكانيكية عندنا بيفضلو يستبدلو الألكترونى بعادى يعنى العكس عشان مبيعرفوش يلعبوا فى الألكترونى كتير

**Dr Zezo** · 30-08-2008 09:26 PM

طيب كلام جميل جدا
بس لو استبعدنا التغيير بمشط الكتروني
ايه الحل لإطالة عمر الابلاتين
لان انا بغيره كل شهر تقريبا وبيكون لادع
المشكلة مش في تغييره في الوقت القصير ده
المشكلة ان انا بعرف انه باظ لما انزل الصبح مثلا ادور العربية الاقيها ماتنطقش وعطله وبهدلة ودور علي الميكانيكي يجيلك تحت البيت وتلاقي الموضوع كبر وخدله يومين
فياريت اي حل للمشكلة السخيفة دي

**ahmedsrs** · 31-08-2008 12:02 AM

للأسف الأبلتين والكندنسر 90 % من الى فى السوق مغشوش ومضروب هو مفيش مشكلة فى المكنزم بتاعه المشكلة مرة تانية فى الغش ثم ال الغش انا مرة غيرته اربع مرات فى شهر واحد وفيه واحد مرضيش يشتغل وانا عند الميكانيكى .
عموما من ضمن الأختراعات الى بيعملوها الميكانيكية ومش عارف مدى صحتها انهم بيركبوا اتنين كوندسر لتحسين الأداء واطالة عمر الأبلتين انا عامل كدة فى عربيتى القديمة وماشية كويس بقالها شهرين .

**shoudy2005** · 31-08-2008 03:01 AM

اكيد الأبلاتين اللى عندك مش اصلى انا عندى بغيره هو و الكوندنسر و البوجيهات كل سنتين و ممكن اللى يخليه يلدع انك تسيب العربيه على الوضع الثانى قبل تشغيل المحرك فتره طويله

**Dr Zezo** · 31-08-2008 12:23 PM

قصد حضرتك اني بأترك الكونتاكت مفتوح لفترة طويلة
لا ابدا انا حريص جدا من الناحية دي لأن عارف انه بيخلي الابلاتين يلدع
طب بعد اذن حضرتك ممكن اعرف نوع الابلاتين ومكانه فين
انا بجيب الفرنساوي دايما
وشكرا علي تعاونك

**shoudy2005** · 31-08-2008 02:53 PM

انا بجيبو نوع bosch الأبلاتين كان ب 25 جنيه لكن الكوندنسر مش فاكر سعره بس عربيتى مش فيات بجيبه من فيليب مرسيدس سنتر فى جسر السويس و خلى بالك علشان مره جبت بوجيهات بوش من بره و مكملتش شهر و مشاكلها ظهرت ممكن تجيب البوجيهات من نفس المحل

**chihab18** · 01-09-2008 02:44 AM

ازي نعلي كهرباء الماتور او نوطيها ؟
وفائده التعليه والتوطيه ايه ؟
وهل لها علاقه بصوت الماتور ؟

الموضوع: الاسبراتير وكهربة الموتور

LinkBack

أدوات الموضوع

عرض

الاسبراتير وكهربة الموتور - انشر الموضوع فى :

-

-

المواضيع المتشابهه

هل الاسبراتير الاكترونى يفرق فى السحب عن الاسبراتير العادى

علاقة مشط الاسبراتير الالكتروني وكهربة السيارة

علاقة كهرباء الاسبراتير بإرتفاع الموتور

ركب الاسبراتير

الاسبراتير

الكلمات الدلالية لهذا الموضوع

المفضلات

المفضلات

ضوابط المشاركة