ايه اعلى سرعة جبتها بعربيتك

**aldesha989** · 21-07-2013 02:39 AM

المشاركة الأصلية كتبت بواسطة حسام السويدي

يانهارك ابيض سيات وجبت بيها 100 ديه كان شكلعكها عامل ازاي

انا بقا كانت المرحومه 128 موديل89 جبت 130 كانت صاروخ والماتور خفيف
والحمد الله كانت 120 كويس جدا اول لما وصلت130 قنبله غاز فرقعت دخنه
نص عمره والله ساعتها كلفتني1300ج

كنت حاسس انى فوق الناس مش جنبهم ههههههههههههههههههههه طايره يا معلمى :d

ربنا يرحمها والله ماتورها كان عفى لكن غير كده تقلبها فى الزباله والله كانت ازبل ايام حياتى معاها مش بحب سيرتها حتى حاجه مقشعره للبدن هههههههههههههههههههه
والله ال 128 دى باشا

**aliyehia** · 21-07-2013 04:08 AM

150 بعربيه 124 سبور في طريق السخنه في منزل
الله يمسيها بالخير بقى بعتها من 3 سنين

**Satan_satan** · 28-07-2013 08:34 PM

190 عربيه ياريس طريق العين السخنه

**amr albeyaly** · 02-08-2013 04:39 AM

200 لانسر طريق مصر اسكندريه كنا اتنين في العربيه

190 برادو ( في السعوديه ) كنت لوحدي

260 كابرس ss ( في السعوديه ) كنا اتنين في العربيه

**haithambob** · 06-08-2013 02:17 AM

200 ميجان بانوراما - 190 بيجو 207 وكان فية لسة كتيير صوت الماتور كان اداءة بيزيد بس انا خفت ازود عل شان انا كنت بخاف عليها- 190 بيجو 307 xt مزودتش عن كده علشان الكاوتش - الثبات في كل العربيات دي ملوش حل

**(hesham(H** · 06-08-2013 09:38 PM

170 نوبيرا وكانت ثابته جدا
195 اسبرانزا516 وبرضو ثابتها جميل جدا
160 لانسر بومه وخفت اكمل كنت لوحدي ومفيش ثبات خالص
150 سكودا فليشيا وبلا فخر جابت بعدها بخمس دقايق وش سلندر
ويوم ما مشيت علي 100 دوست علي شويه زيت في الارض باسبرانزا تيجو ومجرد ما لفيت الدركسيون لقتني في مراجيح مولد النبي ورحت لابس في سور حديد بتاع الكوبري وكويس انها منطتش من فوق

**ashraf_sms** · 07-08-2013 12:18 AM

المشاركة الأصلية كتبت بواسطة (hesham(h

170 نوبيرا وكانت ثابته جدا
195 اسبرانزا516 وبرضو ثابتها جميل جدا
160 لانسر بومه وخفت اكمل كنت لوحدي ومفيش ثبات خالص
150 سكودا فليشيا وبلا فخر جابت بعدها بخمس دقايق وش سلندر
ويوم ما مشيت علي 100 دوست علي شويه زيت في الارض باسبرانزا تيجو ومجرد ما لفيت الدركسيون لقتني في مراجيح مولد النبي ورحت لابس في سور حديد بتاع الكوبري وكويس انها منطتش من فوق

الحمد لله انها جت علي كدة المهم انك بخير
بس ازاي السرعة تجيب وش سلندر يعني ازاي اعرف ان السرعة ديه ممكن تاثر علي حاجة

**aw2100** · 07-08-2013 01:51 AM

المشاركة الأصلية كتبت بواسطة ashraf_sms

الحمد لله انها جت علي كدة المهم انك بخير
بس ازاي السرعة تجيب وش سلندر يعني ازاي اعرف ان السرعة ديه ممكن تاثر علي حاجة

اى عربية لو قرصت على الموتور ودخلت الرد زون اسهل حاجة انك تضرب جوان وش السلندر او الوش نفسه او ممكن بستم يسيح او الكرنك نفسة يتكسر وبيختلف التاثير حسب نوع الموتور والعربية ونوعية الزيت اللى بتستعمله بمعنى العربيات القديمة ببساطة ممكن موتورها يتحرق لكن العربيات الحديثة بتبقى مصممه للعمل بكفائة اعلى وللاستعمال الرياضى فالموتور بيتحمل فى الجرى والقرص وطبعا بالنسبة للاسكودا فليشيا 150 ك يعتبر بالنسبة للموتور ال1300 انتحار ويضرب فعلا جوان الوش وبالنسبة لعربيتى اقصى سرعة جبتها كانت 130 ك والموتور مرتاح لكن فية موتور 1600 انجكشن للفليشيا يقفل معاك ال 170 مرتاح بدون مشاكل !!