ايه اعلى سرعة جبتها بعربيتك

**ابراهيم سيد** · 21-10-2013 11:06 PM

انا جبت بford gt 280 طريق الغردقة و 320 ب bmw 740i من ميناء سفاجا الى القاهرة طبعا بعد عمل الفصلة

**ابراهيم سيد** · 21-10-2013 11:08 PM

انا جبت بford gt 2012 280 طريق الغردقة و 320 ب 2010 bmw 740i من ميناء سفاجا الى القاهرة طبعا بعد عمل الفصلة

**ahmedesmat1987** · 22-10-2013 09:40 AM

المشاركة الأصلية كتبت بواسطة ابراهيم سيد

انا جبت بford gt 2012 280 طريق الغردقة و 320 ب 2010 bmw 740i من ميناء سفاجا الى القاهرة طبعا بعد عمل الفصلة

فورد جى تى 2012 اللى هى دى

انت كنت سايقها وفى مصر كمان !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!! على حسب معلوماتى النسخ المتاحه منها معدوده وهى اصلا مش عربيه تجاريه

بالنسبه بقى لل 740i فبرافو عليك عرفت تجيب بعربيه عدادها 260 سرعه 320 لا وكمان داخل مصر

شكرا والى الامام

**i_Am_Legend** · 23-10-2013 12:12 AM

١٨٠ باللانشيا ديدرا بالتكييف.. ١٩٠ بالالفا ال١٤٦. ١٩٥ بالالفا ال١٥٦..

**i_Am_Legend** · 23-10-2013 12:12 AM

و١٦٠ ب اونو ١٤٠٠ وكانت هاطير من علي الارض :-d

**AHMED.ALY** · 24-10-2013 11:54 PM

160سيينا 1400 بالتكييف طريق اسكندريه الصحراوى
وجبت 140 بعربيه 128 موديل 1998 طريق الاسماعيليه

**moury** · 26-10-2013 01:30 AM

يا جماعة هو انا اعرف ازاى اذا كان سحب العربية كويس ولا بطىء ؟؟؟

سؤال بتسأله العربية بتسحب معاك كويس ؟؟
ومبعرفش ارد بصراحة لانى مش فاهم يعنى ايه سحبان من ناحية ومن ناحية تانية لانى مسوقتش اى عربية تانية غير عربيتى فمقدرش احكم هل سحبها كويس ولا لا

ياريت حد يفهمنى يا جدعان الله يكرمكم

**aw2100** · 26-10-2013 11:08 PM

المشاركة الأصلية كتبت بواسطة moury

يا جماعة هو انا اعرف ازاى اذا كان سحب العربية كويس ولا بطىء ؟؟؟

سؤال بتسأله العربية بتسحب معاك كويس ؟؟
ومبعرفش ارد بصراحة لانى مش فاهم يعنى ايه سحبان من ناحية ومن ناحية تانية لانى مسوقتش اى عربية تانية غير عربيتى فمقدرش احكم هل سحبها كويس ولا لا

ياريت حد يفهمنى يا جدعان الله يكرمكم

السحب الكويس بمعنى مدى استجابة العربية لدوسة البنزين بقوة يعنى لو تحب تجرى بالعربية تلاقى العربية اندفعت وبقوة لغاية اخر الغيار وتديها غيار اعلى !
فية عربيات مواتيرها قوية ومصحصحة مجرد ماتدوس بنزين جامد على اى غيار تلاقى صاروخ انطلق والكاوتش صرخ واكل فى الأرض وده فى العربيات المواتير الحديثة والسعة اللترية العالية فوق ال 1600 وبتفرق قوة الأنطلاق بين انواع العربيات نفسها وبالنسبة للعربيات القديمة مجرد ماتدوس بنزين بقوة ممكن العربية تترجرج او تقطع وتنتش او تنطلق ببطء او تنطلق بقوة لكن مش زيي العربيات الحديثة او الرياضية وده بيسمى بالتسارع
فى الفليشيا مثلا باوصل لسرعة 100 ك فى 13 ثانية عربية عجوزة وفية فليشيا برضة ممكن تاخد 20 ثانية على ماتوصل لنفس السرعة فدة بيبقى حسب حالة الموتور والأجزاء الكهربائية ومجموعة الدبرياج عملية كبيرة قوى اسف للاطالة !!