العربية لوجان mcv الموتور ال ١٦ صباب موديل ٢٠٠٩ و عامله ١١٥٠٠٠ كم حاليا
كنت راجع امبارح من بورسعيد في طريقي لقنا و الدنيا زي الفل لغاية ما وصلت سفاجا و قبل قنا بحوالي ١٢٠ كيلو طريق سفاجا قتا العربية فصلت مني و انا ماشي و بدون اي مقدمات !!!!! السحب كان طبيعي و مشيت بيها ١٨٠ كم/س في وصلة الزعفرانة غارب الغردقة و مفيش اي مشاكل
بصيت عالفيوز لقيت فيوز ٢٥ امبير ضارب في العلبة اللي قدام في حوض الموتور مش اللي جوا العربية غيرته بواحد تاني و ضرب هو كمان غيرته تالت و نفس المشكلة
دا معناه انه فيه قفله في الدايرة شكيت انها طلمبة البنزين قفشت !!
الفيوز بيضرب مجرد ما افتح كونتاك
المارش بيدور و لكن الموتور مبيدورش!!!
المهم ربنا كرمني بواحد معرفه كان معدي بعربيته الجامبو و لقيني واقف عالطريق و الراجل قطرني بعربيته لغاية بيتي حوالي ١٥٠ كم
حاليا انا عند الميكانيكي وقاللي ان المشكلة مش في طلمبة البنزين و فيه قفله في العربية لانه فصل الطلمبة خالص و نفس القفلة موجودة و مش عارفين إيه المشكلة
حاليا منتظرين كهربائي يشوف و يراجع الضفيرة يمكن في سلك ملمس في بعضه او في جسم العربية
حد عنده اي خلفية عن حاجة زي كدا او صادف او سمع عن العطل الغريب دا قبل كدا
المفضلات