اخيرا اشتريت byd f0 2013

**mohamed handy** · 21-07-2013 07:12 PM

المشاركة الأصلية كتبت بواسطة ahmed_lada

الله يبارك فيك يا برنس قوى وبالنسبة للتوكيل فانا استلمت مع العربية الضمان بتعها اللى هو 3 سنوات او 60 الف كيلو ايهما اقرب وعشان انا لسه مستليمها 8/7/2013 ولسة مرخصها يوم 13/7/2013 يعنى ممشتش بيها كتثر انا استلمتها عاملة 94 كيلو ولحد دلوقتى عملت 154 كيلو يعنى 60 كيلو بس فلسة عند صيانة الالف حقدر اقول على التوكيل حاجة لانى متعملتش معاهم لسة لحد دلوقتى وهى موريحة فى الركوب وناعمة فى السواقة والعاشفة بتاعتها ناعمة بردوا وان شاء الله حعمل تقرير واصورها بس معنديش للاسف فرصة لحد دلوقتى :b4_095:

الف شكر ياباشا على الرد وانا هستنى موضوع التوكيل لان ده مهم اوى وربنا يباركلك فيها
وبيتهيالى العضو الى كان بيسال على الزجاج الخلفى اقصده الى فى الباب الى ورا الى بيتفتح زى الشراعه ده مش مضيقك وشكله كويس ولا ايه

**Ahmed_BYD_F0** · 22-07-2013 09:13 AM

المشاركة الأصلية كتبت بواسطة mohamed handy

الف شكر ياباشا على الرد وانا هستنى موضوع التوكيل لان ده مهم اوى وربنا يباركلك فيها
وبيتهيالى العضو الى كان بيسال على الزجاج الخلفى اقصده الى فى الباب الى ورا الى بيتفتح زى الشراعه ده مش مضيقك وشكله كويس ولا ايه

العفو يا اخى دنا اللى متشكرقوى على اهتمامك
اما بالنسبة للزجاج الخلفى انا معلش فهمت غلط لو كان ده قصده
واحب اقولك على الزجاج الخلفى فعلا شراعة ويتفتح لبره مش بينزل لتحت وبالنسبة لحالتى انا اسرتى مكونة من انا وزوجتى وطفلين والطفلين بيقعدوا ورا وهما معجبين بالشراعة دلوقتى وبيقولوا انها امان ليهم عشان المعاكسات هاهاهاهاهاهاها يمكن عشان ظغيرين وفرحنين بالعربية ولما يكبروا نشوف رئيهم ايه بس لو كان مخنوقين بنشغلهم التكييف وهم حيتبسطوا لان تكييف العربية دى كويس جدا

**mohamed handy** · 22-07-2013 10:37 PM

المشاركة الأصلية كتبت بواسطة ahmed_lada

العفو يا اخى دنا اللى متشكرقوى على اهتمامك
اما بالنسبة للزجاج الخلفى انا معلش فهمت غلط لو كان ده قصده
واحب اقولك على الزجاج الخلفى فعلا شراعة ويتفتح لبره مش بينزل لتحت وبالنسبة لحالتى انا اسرتى مكونة من انا وزوجتى وطفلين والطفلين بيقعدوا ورا وهما معجبين بالشراعة دلوقتى وبيقولوا انها امان ليهم عشان المعاكسات هاهاهاهاهاهاها يمكن عشان ظغيرين وفرحنين بالعربية ولما يكبروا نشوف رئيهم ايه بس لو كان مخنوقين بنشغلهم التكييف وهم حيتبسطوا لان تكييف العربية دى كويس جدا

على ايه ياباشا
ربنا يخلهملك يارب ويباركلك فيهم وانت طمنتى بخصوص العربيه دى لانى بقالى شهر محتار بنها وبين الالتو والهياما 1 بس هنزل اشوف دى ان شاء الله فى التوكيل بتاع اسكندريه وبردو هستنى رايك بعد الصيانه والتوكيل علشان دى حاجه مهمه

**elmanahry** · 23-07-2013 02:01 PM

المهم يااحمد باشا كسبنا صديق على الموقع يمتعنا بمشاراكاته

**elmanahry** · 23-07-2013 02:02 PM

المهم يااحمد باشا كسبنا صديق على الموقع يمتعنا بمشاراكاته

**dadado** · 28-07-2013 02:33 PM

استاذ احمد انا اشتريت العربية الاسبوع الللى فات ومش عارف ارخص لان المعرض ماعمليش فاتورة ادانى بس جواب المرور وشهادة البيانات ولكن المرور بيقولى عايز الفاتورة ,,,,, فهل الكلام ده صح ولا اية؟؟ وشكرااا

**Ahmed_BYD_F0** · 28-07-2013 03:47 PM

المشاركة الأصلية كتبت بواسطة dadado

استاذ احمد انا اشتريت العربية الاسبوع الللى فات ومش عارف ارخص لان المعرض ماعمليش فاتورة ادانى بس جواب المرور وشهادة البيانات ولكن المرور بيقولى عايز الفاتورة ,,,,, فهل الكلام ده صح ولا اية؟؟ وشكرااا

بسم الله الرحمن الرحيم
اخى العزيز dadado الف مبروك اولا على العربية وربنا يديك خيرها ويكفيك شرها وانت ايه رايك قولنا فى العربية دى
ثانيا: فعلا لازم المعرض يديك اربع حجات مش حاجتين
1- جواب المرور
2- فاتورة البيع باسم شركة الامل
3- خطاب الاعفاء الجمركى
4- كتيب ضمان من شركة الامل لمدة 3 سنوات باسم حضرتك

اما فى حالة حضرتك ديه عايز اسالك سؤال انت جايبه بالتقسيط ؟ ولو كان بالتقسيط اكيد مش حيديك فاتورة بيع المفروض يديك خطاب حظر بيع والله اعلم
وارجو ان اكون افدتك

**dadado** · 28-07-2013 04:08 PM

شكرا ياباشا ,,, انا اخدت الكتيب بتاع الضمان وجواب المرور وشهادة البيانات بس مارضاش يدينى فاتورة عشان بيقولى هزود عليك 10 المية ضرايب ,,,, انا شارى العربية كاش ... وان شاء الله اعمل تقرير عن العربية بس ربنا يسهل وارخص ......شكرا يا باشا على الرد والاهتمام

**S O P H O S** · 28-07-2013 05:49 PM

الف مبروك يا باشا ..

**mohamed handy** · 30-07-2013 06:12 AM

المشاركة الأصلية كتبت بواسطة dadado

شكرا ياباشا ,,, انا اخدت الكتيب بتاع الضمان وجواب المرور وشهادة البيانات بس مارضاش يدينى فاتورة عشان بيقولى هزود عليك 10 المية ضرايب ,,,, انا شارى العربية كاش ... وان شاء الله اعمل تقرير عن العربية بس ربنا يسهل وارخص ......شكرا يا باشا على الرد والاهتمام

الف مبروك ياباشا وياعنى ايه هيزود عليك 10 الميه ضرايب اخدت الفاتوره دى بتبقى ضريبه المبيعات كدا اكيد فى حاجه غلط ياما هوا بيعمل الحوار ده علشان حاجه فى الضرايب هنستنى تقولنا عملت ايه ومتنسناش بتقرير بالصور