السلام عليكم , لو عاوز اجيب غطا عربيه اجيبه منين , والنوع الاحسن القماش ولا البلاستيك

**wellly** · 09-07-2013 12:38 PM

السلام عليكم , لو عاوز اجيب غطا عربيه اجيبه منين , والنوع الاحسن القماش ولا البلاستيك وهيكون سعره كام تقريبا ؟

**sharkass** · 09-07-2013 02:13 PM

بسم الله الرحمن الرحيم
شوف حضرتك لو عايز غطا يعمر معاك فترة كبيرة من 2 إلى 3 سنوات على الأقل يبقى أكيد غطا قماش وده فى منه انواع و خامات عديدة انا شارى و مجربه اسمه غطا قماش ( دك ) و بشتريه من الوكالة خلف برج البنك الأهلى المصرى على كورنيش النيل مباشرة و حاول و انتا بتشريه انك تفاصل كتيير يعنى هيقلك ده 300ج قوله ده 75 ج و اطلع معاه حتى 150 ج يبقى ممتاز ممكن يكون ذاد شوية مع اوضاع مصر الأن يبقى 175ج حلو قوى عليه .
أما لو عايز غطا يتحمل معاك فترة مش كبيرة بس ميزته أنه لما تلمه من على العربية لا يبقى عليها تراب يبقى عليك وعلى البلاستيك وده فيه نوعين يا خفيف وده لا انصح بيه و الأخر تقيل شوية بس ممتاز و يستحمل على الأقل سنة او اكتر شوية على حسب ركنتك لو فى الشمس يبقى مش هيعمر معاك لأنه مع الوقت بينشف و يتشقق
وهذا مجرد رأى
شكرا