العربية مش راضية تدور ... اعمل ايه ؟؟؟

**mahmoudragaey** · 09-07-2013 10:19 PM

السلام عليكم ...
امبارح وانا جاى ادور العربية مش راضية تدور خالص العربية اولا فيكترا b 97 المشكلة انى جاى ادورها وبفتح كونتاكت الاقى التسجيل اشتغل لوحده اجى بقى ادور اللمبات الاقيها ضعفت والعربية مش راضية تدور النهاردة بقى فصلت كونتاكت كمان والبطارية عمرها لسه 4 شهور قلت يمكن تكون فضيت غباء بطارية ! وخدتها على عربية تانية وشحنتها وبرضة مفيش سألت كهربائى قالى فى قفلة فى المارش دة كلام صح ولا اية ؟؟ ولا ممكن يكون من الكوناكت باظ ؟؟ اتأكد ازاى ؟
دا غير ان السنتر فصل لوحده والعربية مش راضية تفقل ومش عارف اعمل اية ياريت الرد بسررررررررعة من اصحاب الخبرة عشان الباب بتاع العربية اللى جنب السواق مفتوح

**mhopa2440** · 09-07-2013 11:30 PM

نصيحة لوجه الله اعملها بسرعة

افصل البطارية من العربية واوعي تسيب البطارية متوصله

بصراحة معرفش المشكلة فين بس الاكيد انه عندك مشكلة كهرباء دي لا قدر الله اخطر حاجة ف الدنيا

لا قدر الله لو عندك قفلة او سلك ملمس أرضي بعد الشر ممكن العربية تضيع كلها

انا شفت الحوارات دي كتييييييييييييييييييييييي ر جدا جدا جدا

والصبح كهربائي نضيف قوي يشوف الدنيا فيها ايه

وربنا يوفقك ان شاء الله

**wama00** · 09-07-2013 11:46 PM

الاعراض ديه اعراض بطارية فاضية,,, اعمل توصيلة من بطارية تانية ممكن تكون بطاريتك باظت
لسه حاصلة معايا

**aldesha989** · 09-07-2013 11:47 PM

مافيش صوت مارش ولا فى ؟

الافضل تجيب الكهربائى لحد العربيه يشوف فيها ايه

وغطى العربيه لحد ما تشوف فى ايه

**tananybasha** · 09-07-2013 11:51 PM

يعنى انت جربت بطارية تانى و نفس الوضع
لو مانيوال
جرب تديها زقه
دارات يبقى عيب مارش
او بطارية

**ULTRA** · 10-07-2013 01:24 PM

امشي مع كابل البطارية السالب (الارضي) و اتاكد انة مربوط في جسم العربية كويس لان دي اعراض ارضي بيفصل و يولص

**medo111** · 11-07-2013 01:13 AM

انت غيرت كبلات الضفيره الي واصله بالبطاريه لو غيرتها يبقي هيا لا الي هنا مصري وبتهرب

تاني حاجه ممكن تكون الكبلات عايزه تتظبط ومش بتوصل كويس وممكن يكون في كبل فيهم مقطوع بس مش من عند البطاريه شيك علي الكبلات عموما واوعي تغيرها

الاحتمال الاكبر انو مارش

**sherif moneer** · 11-07-2013 03:06 AM

وانت واقف الصبح بعد ما تفتح الكونتاك درجتين جرب التلاكس لو اشتغل بصوته الطبيعي (عالي يعني ومظبوط) يبقي البطاريه سليمه
لو جربت تدور وطلعت صوت مارش يبقى المارش سليم
المارش والبطاريه كويسيين ومفيش فيهم مشكله يبقي دي مشكلة طرمبة بنزين بتركن

**mahmoudragaey** · 11-07-2013 09:03 PM

الكونتاكت مش بينور اصلا دلوقتى بس المارش شيكت عليع لوحده شغال والبطارية شغالة ممكن يكون فعلا عيب كونتاكت ؟؟ وكابلات الضفيرة دى محتاجة تتغير كده ولا اية ؟ والارضى مربوط فى جسم العربية مفيش فيه مشكلة فيه