الموضوع: البطارية باظت بعد سنه ؟؟؟

هى ليها ضمان والمفروض انه سنتين او 40 الف كيلو
اتصل بيهم وان شاء الله يغيروها فى الضمان

الف شكر يا استاذ عمر انت وفرت عليا مش ااقل من ٤٠٠ جنيه :) انا رحت التوكيل النهارده وغيرتها فعلا بس ركبوا بطاريه مكتوب عليها ٦٠ امبير مش ٧٠ ... لما رجعت واكتشفت الموضوع كلمتهم ع الفيس بكوك قالو لي ان اللوجان بيرككب لها بطاريه ٦٠ ... ايه رائيك في الكلام ده ؟؟ وايه النصائح اللي الواحد بيها يحافظ علي البطارية بقي
؟؟

العفو ياباشا والف مبروك و بطارية الفابريكة بتكون 60 امبير بس لما بتغير ممكن تغيرها ب 70 و الفرق غير ملحوظ فى المجمل
و بلاش تشغل الكاسيت وانت مبطل العربية و اتاكد من انك قافل كل انوار العربية بالذات نور الصالون بعد ما تركن
بس الاكيد ان بطاريتك كانت فيها عيب صناعة وهو دة السبب ن تلفها فى وقت قصير

المشاركة الأصلية كتبت بواسطة amr.elsayed

العفو ياباشا والف مبروك و بطارية الفابريكة بتكون 60 امبير بس لما بتغير ممكن تغيرها ب 70 و الفرق غير ملحوظ فى المجمل
و بلاش تشغل الكاسيت وانت مبطل العربية و اتاكد من انك قافل كل انوار العربية بالذات نور الصالون بعد ما تركن
بس الاكيد ان بطاريتك كانت فيها عيب صناعة وهو دة السبب ن تلفها فى وقت قصير

الف شكر علي النصائح والله يبارك فيك ...كنت هاتهور امبارح واشتري بطاريه بس ربنا ستر ...عندك فكره بقي بيغيروها بكام في التوكيل ؟؟؟

بينى وبينك احنا لما بنغير البطارية بنغيرها برة التوكيل من غير مشكلة لان فى التوكيل اسعارهم غريبة
زى فى مرة قالوا 1200 جنيه وطبعا دة سعر خيالى على بطارية
لكن حاليا مش عارف سعرها جوة التوكيل كام وفيه انواع كويسة كتير زى الفرتا مثلا بتكون فى حدود من 500 ل 600 جنيه وانت وشطارتك وبطارية ممتازة

لا حضرتك مش هيدفعوك حاجة لانك في الضمان

طيب يا شباب البطاريه الجديده مكتوب عليها (install before 10-2013 ) دا معناه انها مركونه ولا ايه ؟؟؟ يعني فاضل لها 3 شهور بس وشكرا ولا طالما اتركبت خلاص ؟؟

المشاركة الأصلية كتبت بواسطة amirboulos

طيب يا شباب البطاريه الجديده مكتوب عليها (install before 10-2013 ) دا معناه انها مركونه ولا ايه ؟؟؟ يعني فاضل لها 3 شهور بس وشكرا ولا طالما اتركبت خلاص ؟؟

لا دى كل ما فى الامر انها المفروض تركب فى العربية قبل شهر اكتوبر حاجة زى صلاحية
واحنا فى شهر يوليو يبقى انت كدة فى السليم لا تقلق