استفسارات عن Renault 5

**kind** · 30-08-2008 04:07 AM

يا خبراء منتدى الرينو وملاك الرينو 5

هتعبكو معايا شويه انا عندى استفسار عن الرينو 5 انا كنت بفكر اشترى عربيه صغيره للمشاوير الكتير اللى فيها بهدله واستخدمها جوا البلد يعنى مش لسفر

وحصرت تفكيرى فى الماروتى او ال 128

بس ال 128 كانت عندى وطلعت عينى اعطال

وبعدين فوجئت ان سعر الرينو 5 كويس جدا بصراحه

فا كنت عاوز اعرف هل هيا عربيه كويسه من حيث

- قطع الغيار والصيانه ( قطع الغيار موجوده ولا هدوخ )
- الاعطال
-اى حد بيفهم فيها
-ممكن الاقى منها حاله نضيفه ومتكونش متفسخه والشاسيه ضايع والبارومه وكلاها

واخيرا ممكن اعرف اسعارها الرنج بتاعها ايه

على فكره انا حاولت ادور على موضوعات قديمه عنها ملقيتش

والف شكر ليكو

ورمضان كريم

**mohamadyoussif159** · 05-09-2008 07:16 PM

ساموا عليكم كل سنه وانت طيب انا معايا رينو سوبر 5 وبسم الله مشاء الله جميله بس هى قطع غيارها موجوده بس فى حتت معينه زى فيصل ومصر الجديده وحلوان والحرفين والمهندسين ومش غاليه قوى واى استفسار انا تحت امرك

**Ahmed Hamdy** · 07-09-2008 11:53 AM

أحب أوضح حاجة بس فى الموضوع ده ....
ان فى رينو 5 وفى رينو 5 سوبر سانك ..

أنا أصلى كنت بفكر أجيب العربية دى وسألت فى الموضوع .. ورحت سألت عند محلات قطع غيار الرينو ..
رينو 5 دى سعرها بيكون فى حدود 15 ألف بالكتير بس قطع غيارها نادرة .. فبلاش منها ..

أما السوبر سانك فدى تقريبا من أول موديل 87 أو 88 مش متأكد أوى .. بس هى شكلها مختلف عن الـ 5 العادية ..
وسعرها فى حدود 20 أو 22 تقريبا ..

دى هى اللى قطع غيارها موجودة وممكن تشتريها ........

إنما العادية بلااااااش ... كنت كل ما أروح أسأل فى محلات قطع غيار الرينو يقولولى بلاش منها ..

**amirsayed** · 04-10-2008 02:25 PM

بالظبط كده
انا معايا سوبر سينيك 1986 كوبيه
هى بتبدأ من 1986 لحد 1990
قطع غيارها موجوده فى كذا مكان اغلى من الفيات بس معمره جدا
لو محافظ عليها هتريحك جدا و بعدين موتورها جامد و أى تعديل فيها بيبقى شكله احلى من الفيات بمراحل و لو عندك اى استفسار انا فى الخدمه

**Colin Chapman** · 01-11-2016 04:54 AM

المشاركة الأصلية كتبت بواسطة mohamadyoussif159

ساموا عليكم كل سنه وانت طيب انا معايا رينو سوبر 5 وبسم الله مشاء الله جميله بس هى قطع غيارها موجوده بس فى حتت معينه زى فيصل ومصر الجديده وحلوان والحرفين والمهندسين ومش غاليه قوى واى استفسار انا تحت امرك

**adel_edrees** · 01-11-2016 07:29 AM

بلاش الفايف و السوبر فايف رينو القديم ده كان حاجة أرف عايز تشترى رينو أشترى بعد سنة 2000 لأن الشركة ما بقتش قطاع عام أتخصخصت (هى بتتكتب أزاى الكلمة الرخمة دى )