السلام عليكم...
انا مقبل علي صيانه الالف دلوقتي 800 كيلو وكنت عايز اسئل علي كذا حاجه:
1-طريقه الحجز للصيانه في فرع ابورواش مع العلم ماتصلتش بغبور اول ماشتريت العربيه وهل فيه فروع اخري لعمل الصيانه غير ابو رواش ..سمعت ان فيه القاضي في العاشر وده اقرب ليا من ابورواش بس هل بيقدم الخدمه زي ابورواش؟
حضرتك بتتصل ب16477 بتحجز ميعاد و نصيحه اتصل من دلوقتى عشان تعمل الصيانه و انت قريب من الالف لانهم عندهم زحمه جدا و اقرب ميعاد مش قبل 7/27 و لو لعندك مشاكل لازم تروح ابو رواش لو مفيش مشاكل و صيانه بس فيه كذا مكان تعمل فيه الصيانه زى العبور
2- ازاي اوصل لفرع ابورواش بحيث انا همشي طريق مصر اسماعيليه وهدخل الدائري من السلام هكمل ازاي؟ ياريت بالتفصيل
هتتطلع الدائرى و هتمشى اتجاه المرج و هتفضل ماشى و تعدى اسكندرية الزراعى و بهتيم لغايه اما تلاقى نازله اسكندريه الصحراوى او المحور هتنزلها هتلاقى نفسك عالمحور تفضل ماشى عليه شوية هتلاقى نازله يمين اسكندريه الصحراوى هتنزل يمين و تفضل ماشى لغايه اما تلاقى بنزينه وطنية هتدخل من بعدها يمين و تمشى شويه هتلاقى توكيل غبور عاليمين تسيبه و تكمل هتلاقى تكيل جيلى عاليمين برضه
3- ايه النصايح التي ممكن تقولهالي وانا بعمل الصيانه وهل في حاجات في العربيه اشيك عليها
حضرتك شوف ايه المشكلات الى عندك و قولهالهم و روح بدرى لانهم بيدخلوا بالى يجى الاول
شكرا لاهتمامكم في المنتدي وياريت حد يقولي بالظبط لاني اول مره اروح اعمل صيانه
تحت امرك و بالتوفيق و ياريت تبقى تعملنا تقرير عن ايمى تقولنا انطباعك
المفضلات