زيت الفتيس الأوتومتيك بيختفى !!!!!!!!!!!!

**hosspop** · 15-07-2013 02:21 AM

السلام عليكم
عندى مشكلة كدة الفتيس كان الزيت فية بيقل جدا و نزلت تحت العربية لقيت زيت على الكارتيرة كتير المهم أما فضيت روحت عملت جوان و رحت للمكنيكى فك و زبط الجوان و سليكون و تمام و بطلت تجيب زيت بقت تمام
أمبارح قولت أشوف لقيت مقاس الزيت مش طايل أى حاجة روحت لبتاع الزيت زودنا 2.8 لتر تقريبا و قولت يمكن يكون كان ناقص من ساعتها مشيت شوية و جيت أشوفة أنهاردة لقيتوا قل عن ما كان و بينقص تانى
صح و الراجل و هو بيزود قالى أنت كان عندك تسريب قولتلة صلحتة و عملت الكرتيرة نزل بص قالى تمام
وقالى طب ممكن يكون الزيت بيتبخر من السخونية !!
أنا مش فاهم الزيت بيروح فين ساعدونىىىىىىىىىىىىى ..

**houras1010** · 15-07-2013 02:32 AM

العربيه نوعها ايه وبتقيس الزيت ازاى

**hosspop** · 15-07-2013 02:37 AM

المشاركة الأصلية كتبت بواسطة houras1010

العربيه نوعها ايه وبتقيس الزيت ازاى

العربية أمريكى ماركة (أولدزموبيل) و الزيت بقيسة على المرشدير بعد أما العربية تسخن مع أن مقياس الفتيس مكتوب على أن القياس على ال p بس الناس مبتقتنعش و أن شفتة على r و p وناقص فى الأتنين
و شكرا لرد حضرتك

**houras1010** · 15-07-2013 02:45 AM

طب هتزود الزيت المره دى لغايه ما يوصل للمقاس المظبوط و وتمشي بالعربيه مشوار اواتنين وتقيس لو نقص يبقى فى تسريب لسه موجود لو فضل على حاله يبقى مخدش الكميه القياسيه اول مره ولما الفتيس اشتغل الكميه راحت فى الأماكن الناقص فيها الزيت ولوقست على r مفيش مشكله بس لازم تمشي بالعربيه عشان تتأكد من المقاس الصح

**hosspop** · 15-07-2013 02:54 AM

المشاركة الأصلية كتبت بواسطة houras1010

طب هتزود الزيت المره دى لغايه ما يوصل للمقاس المظبوط و وتمشي بالعربيه مشوار اواتنين وتقيس لو نقص يبقى فى تسريب لسه موجود لو فضل على حاله يبقى مخدش الكميه القياسيه اول مره ولما الفتيس اشتغل الكميه راحت فى الأماكن الناقص فيها الزيت ولوقست على r مفيش مشكله بس لازم تمشي بالعربيه عشان تتأكد من المقاس الصح

ما الفكرة أن أساسا الزيت كان بزيادة أما حط (زيادة عن الماكس ) و قسنا و أنا قولت مش مهم أنما دلوقتى قل عن المقاس
و تانى حاجة أنا حاطط زيت اللى ب 10 جنية دة لأنى هغير الفلتر قريب و هنزل الزيت تانى قولت أبقى سعتها أغير بزيت نضيف فممكن يكون الزيت دة عشان رخيص بيتبخر فعلا ولا مفيش حاجة أسمها كدة

**houras1010** · 15-07-2013 03:11 AM

فى اجزاء فى الفتيس لو فضيت من الزيت والعربيه ماشيه مش هتتملى تانى الا لو العربيه ماشيه ريح بالك وقيس بالطريقه المكتوبه فى المشاركه

**hosspop** · 15-07-2013 03:22 AM

خلاص تمام بس اللى أنا عايز أعرفة فى حاجة أسمها تبخير الزيت ولا لأ
و شكرا جدا لردك و تعبك معايا

**houras1010** · 15-07-2013 03:33 AM

خلاص زهقت - ماشي فى تبخير بنسبه بسيطه لا تذكر

**hosspop** · 15-07-2013 06:50 AM

المشاركة الأصلية كتبت بواسطة houras1010

خلاص زهقت - ماشي فى تبخير بنسبه بسيطه لا تذكر

على فكرة أنا بشكر حضرتك و بعدين أنا مجبرتش حضرتك على الرد عشان تقولى زهقت
يعنى مش عايز ترد متردش أحسن ما ترد كدة !!
لأن الموقع الهدف منه أن اللى يعرف حاجة بيساعد الناس بيها مش يرد و يقول فى الأخر زهقت
و أساسا حضرتك مردتش على سؤالى أساسا بتاع التبخير فعشان كدة بسأل تانى
فا يريت يبقى الرد أحسن من كدة يأما متردش عليا أدام بتزهق !!