اقتباس المشاركة الأصلية كتبت بواسطة love increaser مشاهدة المشاركة
طيب الكلام ده بيبوظ الموتور مهما كان التعديل إحترافى ؟
ولا ده فى حالة التعديل عادى فا الموتور يبوظ ؟؟
انا كده كده لسه قدامى مده طويله قبل ما أجيب سيفيك وأظبطها .. عرفنى بس الكلام ده بيبوظ الموتور أيا كانت طريقة التعديل ولا فى حالات معينه
:)

حوار الموتور اللى بيزودوا السليندر بتاعه ده انا اول مره سمعت عنه كان زمان فى مواتير السيات 133 ال بيخلوها زى ال 127 وبيقولك موتور معدل 127 والاول مكنتش فاهم وكنت بحسبها حاجه حلوه وكنت بفكر لما اشترى عربيه اعمل الحوار ده بس لما واحد اعرفه شرحلى اللى بيحصل هقولك قالى ايه

قالى ان الحوار ده بيحصل كتير فى مصر الناس بتزود بيه السىسى بتاع العربيه ويتسجل فى الرخصه سىسى قليل على انه القيم ويوفروا الضريبه وبيدى باور هورس من الموتور الطبيعى وناس كتير بتعمله خاصه ى العربيات اللى بتبقى 1300 سىسى السويفت
قالى انهم بيروحوا للخراط وبيخرطلهم مكان غرفه الاحتراق ويزود قطرها شويه ومبيزودهاش بالطول هو بيزودا بالعرض بس يعنى القطر بس اللى بيزيد ولما سالته ليه قالى لان لما بتزود القطر بيديك top speed وباور هورس اعلى انما لو زودت غرفه الاحتراق بالطول فهو بيديك عزم اعلى وفعلا بتلاحظ الفرق جامد خاصه لو عربيتك السىسى بتاعها قليل وساعتها بيغيروا البساتم و بيحطوها على القطر الجديد او يزودوا قطر الشنبر بتاعها وبتقى العربيه سريعه ماشى بس عيوبها بقى

ان العربيه بيبقى البلوكه بتاعتها ضعيفه و عمرها الافتراضى قليل جدااااااااااا
ان العربيه بتسخن بسرعه منك ومفهمتش ساعتها السبب
ان العربيه بتحتاج طقم شنبر كل شويه تعمله لانه بيتاكل بسرعه
ان الاهم من ده كلوا ان الموتور ده مبيتعمرشى بترمى الشورت بلوك لو باظط منك وبترجع تجيب واحده جديده وبترجع تعململها من الاول تانى وبتكلفه جديده وبنفس العيوب

ساعتاه نصحنى ان اجيب عربيه حوضها كبير وبتاخد مواتير كبيره لان اللى يخلى الواحد يدفع المصاريف بتاعه التعديل ده يشترى موتور جديد سىسى اعلى وخلاص

من ساعتها وانا كنت نفسى اشترى سويفت بعدت عنها لان الحوض بتاعها لع مبياخدشى موتور اعلى من 1300 سىسى لشان صغير علشان كدا بيعملوا التعديلات دى

بالنسبالك انت لو العربيه 1800 سىسى بالتعديل ده هتبقى 2000 و 2000 وشويه بس هيبقى موتور ملعوب فيه و عمره الافتراضى قليل فاشترى موتور اعلى فى السىسى وريح دماغك


على فكره فى ناس تانيه بتزود قطر الصبابات يعنى لو العربيه 1 صباب بتزود قطر الصبابات فبتخلى كميه البنزين اللى داخله المموتور كبيره زى ال 2 صباب وبتطلع باور هورس عالى
انما الهوندا اللى انت عاوزها اكيد 2 كامه يعنى انت هتزود قطر الصبابين اللى بيغزوا البنزين وممكن تخلى كميه البنزين ساعتها الضعف ومتهيالى ان السبب اللى يطلعلك الباور هورس 100 زياده هو انهه تعمل التعديل اللى فات اللى قولت عليه بس ده وحش اوى وانه تزود قطر الصبابات وهو ده متهيالى اللى انت بتفكر فيه حوار الصبابات ماعتقدشى فيه مشكله بس تعديل فى غرفه الاحتراق وتزود كميه السىسى ابعد عنها تماما احسنلك