انا اتنصب عليا يا جماعه والقانون لا يحمى ........

**Mohyeldin1974** · 15-07-2013 03:19 PM

زى مالعنوان بيقول بالضبط اتنصب عليا انهارده وانا بمنتهى حسن النيه
داءما وابدا بحاول اثبت لنفسى ان لسه الخير موجود والناس الطيبه موجوده عشان كده اى فرصه لمساعده الاخرين او عمل الخير لا اتردد فيه
انهارده نزلت العباسيه عند الاداره التعليميه بخلص مصلحه شخصيه وخلصت رحت اركب عربيتى من قدام وزاره الكهربا لقيت عربيه نص نفل عليها اتنين بيبيعو عنب وبيدورا على فكه وسالونى على خمستين عشان موءفين زبون
انا بمنتهى حسن النيه وقفت دورت فى محفظتى ملقتش فواحد منهم قالى طيب معانا فكه كتير هات متين صحيحه وخد فكه فعلا طلعتلو متين بحرص وعملت فيها برم وعديت الفلوس اللى اديهالى(الفكه) وهو عن عمد ادهانى ١٩٥ يعنى كده لازم اخد خمسه كمان فطبيعى انه ياخد الفلوس يعدها تانى وفى اللحظه دى اخد من ١٩٥ تقريبا ١٥٠ وحطلى فوق الفلوس ٥ جنيه وطبعا انا فهمت انه كملهم ٢٠٠ طبعا وانا قلقت فى اللحظه دى وابتديت استوعب بس استغلو فتره التركيز انهم يشغلونى ويطلبوا ٢٠٠ تانى وانا من اللخبطه اديتهم ٢٠٠ صحيحه تانيه (محدش يحدفنى بحاجه) وتقريبا ادونى٢٠٠ فكه مضبوطه والله اعلم ، اللى ادكدلى انها نصبايه ان مجرد ان وقفت اعد الفلوس لقتهم طارو بالعربيه
انا مبنزلش عارف معايا فلوس كام بالضبط بس اعتقد انه اتنصب عليا فى ١٠٠ او ٢٠٠ جنيه
واستكمالا لحسن النوايا والتغلب على مشاعر الحزن والغضب فمالى الا ان ادعو واقول

اللهم اذا كان هذا الشخص ( السارق ) له حاجة فيما سرق فبارك له فيها
و اللهم اذا لم يكون هذا الشخص ( السارق ) في حاجة الي ما سرق فاجعل هذه السرقه ان تكون اخر سرقاته

**Ahmed Nasser** · 15-07-2013 03:31 PM

معهلش هنعمل اية بس ربنا يعوضك ان شاء الله

**mr_vampire** · 15-07-2013 03:38 PM

معلش الحمد لله انها جت علي اد كدة.

**ابو لؤى** · 15-07-2013 04:04 PM

انا لمه بتسرق بفرح فى مره كنت راكب ميكروباص وليا باقى 50 عند الكمسرى المهم وانا خلاص نازل راح مدينى الفلوس بعد زن منى طول الطريق ولمه لاقانى نازل ادانى الفلوس بعدها فى الشارع لاقيتها ناقصه فضلت اضحك على الحرامى الخايب يابخت المظلوم

**moh19227** · 15-07-2013 04:31 PM

حاجه زى كده خد الفلوس الاول منه
وعادى ياباشا ولا يهمك في حكمة جامدة قوى بتقول
" محدش بيتعلم ببلاش :) "

**mem** · 15-07-2013 04:42 PM

الحمد لله انها جت على اد كده
وعجبتنى الدعوه بتعتك اوى

**memo2000soft** · 15-07-2013 05:19 PM

معليش يا باشا
انا لما بيحصلي كدة بزعل في الاول بس لما بفتكر ان دة دين في رقبة ايلي سرق هيتردلي يوم القيامة بفرح وبحس ان البني ادام دة اغبي كائن علي الارض