عفريت نيسان ظهرلى

**مانويل مايكل** · 15-07-2013 05:27 PM

كلاكيت ثلاث ولا رابع مرة مش فاكر كام .
العربية بتسرب مية من الريداتير وبمجرد تشغيل العربية 3 دقائق مؤشر الحرارة يرفع وروحت بيها لميكانيكى يبعد عنى 200 متر وقفت اربع مرات علشان المؤشر وكان معايا 4 جراكن مية وكل ما ازود تنزل المية من اسفل الريداتير .دى الحكاية القديمة اللى عشانها انتظرت الونش . مدة الانتظار حوالى 30 يوم
الجديد : الونش جة من توكيل اسيوط وبهدلى الاكصدام الامامى .
الجديد جدا : ان التوكيل قالى بعد كل الاختبارات ان مفيش ولا نقطة تسريب من العربية وأنك حتدفع تمن النقل .
طيب العربية اتركنت شهر ممكن يكون حصل أية ؟
واللى كنت شايفة بعينى فى تسريب المية دة معناة أية ؟
المؤشر كان بيرفع لية ؟
ولية هناك مسربتش ولا حصل لعب مش فاهمة ؟
طبعا مش هستلمها لأن ببساطة مدير المركز ماجوبش على أى سؤال هو قالى انا لية الوضع عندى .
ياريت لو حد عندة معاومات عن العفرتة دى يقولى يعنى اية الريداتير يسرب مية وكانت نازلة زى حنفية يعنى كنت احط المية من فوق تنزل من تحت . وتروح التوكيل ولا الدموع .
نكتة علشان اختم . عربية زيرو 1500 كيلو تتركن شهر علشان الريداتير وتتطلع على ونش الاكصدام يتبهدل جدا والريداتير يطلع سليم . صدقونى انا تعبان فى فلوسى ولله الحمد فلوسى مش حرام .

**asyl84** · 15-07-2013 05:57 PM

بص بما اننا ابتدينا نتكلم فى الا منطق يعنى عربية ريداتير بايظ يتصلح توماتيكى توماتيكى من غير ماحد يلمسة يبقى نبدء نسئل نفسنا اغبى اسئلة ..انا هقول واحد منهم...هل تعتقد حضرتك انك كنت مشغل التكييف ودى الماية الى بتنزل منة ..يعنى انا عندى الماية بتاعة التكييف بتنزل من مكان ممكن نقول انة قريب من الريداتير يعنى انت اختلط عليك الامر ....اما عن الجزء بتاع درجة الحرارة فدة ممكن ترموستات بيعلق المهم التسريب

**مانويل مايكل** · 15-07-2013 06:07 PM

المشاركة الأصلية كتبت بواسطة asyl84

بص بما اننا ابتدينا نتكلم فى الا منطق يعنى عربية ريداتير بايظ يتصلح توماتيكى توماتيكى من غير ماحد يلمسة يبقى نبدء نسئل نفسنا اغبى اسئلة ..انا هقول واحد منهم...هل تعتقد حضرتك انك كنت مشغل التكييف ودى الماية الى بتنزل منة ..يعنى انا عندى الماية بتاعة التكييف بتنزل من مكان ممكن نقول انة قريب من الريداتير يعنى انت اختلط عليك الامر ....اما عن الجزء بتاع درجة الحرارة فدة ممكن ترموستات بيعلق المهم التسريب

حضرتك عندك حق أنك وصلت لدرجة أنك تحلل الموضوع من أأبعد نقطة ودة معناة أن عقل حضرتك لف معايا
تم اكتشاف الموضوع عن طريق تغيير مكان ركنة العربية علشان كان فى عمال خرسانة بيشدوا سقف . يعنى العربية مشيت 20 متر والمروحة اشتغلت والمؤشر على وأكتشفت المية الخضراء . طبعا مفيش تكييف . كمان يا افندم لما روحت للميكانيكى كنت ازود من فوق تنزل من تحت بدون مبالغة .

**hugan** · 15-07-2013 06:13 PM

حصلت معايا في عربيتي الاسبرانزا
واتضح ان السبب من الداير البلاستيك بتاع مراوح التبريد عمل تاكل في جسم الردياتير
واتخرم
وع اي حركه ممكن الداير ده يسد الاخرام الموجوده في الردياتير
ومع اي حركه الاخرام تفتح تاني والمياه كلها تنزل علي الارض
كان الواجب قبل ماتطلع علي التوكيا اي واحد بتاع رديااتير
يشوف العربيه علشان تروح لهم وانت عارف العيب منين بالضبط

**asyl84** · 15-07-2013 06:23 PM

المشاركة الأصلية كتبت بواسطة مانويل مايكل

حضرتك عندك حق أنك وصلت لدرجة أنك تحلل الموضوع من أأبعد نقطة ودة معناة أن عقل حضرتك لف معايا
تم اكتشاف الموضوع عن طريق تغيير مكان ركنة العربية علشان كان فى عمال خرسانة بيشدوا سقف . يعنى العربية مشيت 20 متر والمروحة اشتغلت والمؤشر على وأكتشفت المية الخضراء . طبعا مفيش تكييف . كمان يا افندم لما روحت للميكانيكى كنت ازود من فوق تنزل من تحت بدون مبالغة .

حلو عندنا ميكانيكى شفها يقدر يحدد فين بالظبط التسريب ومن انهى جزء كان التسريب وروح التوكيل وياريت الميكانيكى لو ينفع يروح معاك وارد يكون تم الاصلاح وانت فى الضمان مش هتدفع فلوس فنحب ندفعك بردو اى نفحة منك كدة وكل سنة وانت طيب يابية ويبقى عليك النقل ..عشان كدة خد حد معاك حد عارف العربية ويشوف معاك اية الى حصل فيها .اصل هو ياخرم واتلحم ياريداتير واتغير يا كاوتشة ومقطوعة

**M I D O** · 15-07-2013 06:24 PM

للاسف شركة نيسان بتدمر من عيوب صناعة في العربية لسوء خدمة ما بعد البيع لعدم توافر قطع الغيار

**aymanshebl** · 15-07-2013 07:28 PM

لا كده فى حاجة كبيرة فى العربية و هما مش عاوزين يقولوا عليها ليك و كمان تتحمل تمن الونش اظن انك مش بيتهيئالك انك بتحط مياه فى الرادياتير و كمان مش بيتهيئاك انك شوفت ميه خضرا بتنزل من العربية كده الموضوع فيه انه و ما تفرحش ان العربية زى ما قالولك انها سليمة حاول تشوف هما عملوا ايه فى العربية لان لو غيروا حاجة او صلحوا حاجة و انت فى الضمان مكانوش اتكسفوا و قالولك عليها احنا غيرنا كذا و كذا لانك فى الضمان و موضوع الونش اللى هيدفعوك تمنه مش قصة الموضوع اكبر من قصة ونش و الله اعلم ممكن حاجة فى العربية , الناس دلوقتى مابقاش عندها ضمير

**مانويل مايكل** · 15-07-2013 08:56 PM

المشاركة الأصلية كتبت بواسطة aymanshebl

لا كده فى حاجة كبيرة فى العربية و هما مش عاوزين يقولوا عليها ليك و كمان تتحمل تمن الونش اظن انك مش بيتهيئالك انك بتحط مياه فى الرادياتير و كمان مش بيتهيئاك انك شوفت ميه خضرا بتنزل من العربية كده الموضوع فيه انه و ما تفرحش ان العربية زى ما قالولك انها سليمة حاول تشوف هما عملوا ايه فى العربية لان لو غيروا حاجة او صلحوا حاجة و انت فى الضمان مكانوش اتكسفوا و قالولك عليها احنا غيرنا كذا و كذا لانك فى الضمان و موضوع الونش اللى هيدفعوك تمنه مش قصة الموضوع اكبر من قصة ونش و الله اعلم ممكن حاجة فى العربية , الناس دلوقتى مابقاش عندها ضمير

الله ينور لحضرتك . تفكيرى راح لكدة فعلا . اظن انك مش بيتهيئالك انك بتحط مياه فى الرادياتير و كمان مش بيتهيئاك انك شوفت ميه خضرا بتنزل من العربية
صدقنى جيرانى اللى شافوا الموقف والمية اللى بتنزل جالهم زهول لما سمعوا منى كلام التوكيل .
طيب اصعد الموضوع على الترتيب نيسان مصر . نيسان اليابان . حماية المستهلك