عاوز اشترى مقصات صنى 2007

**mikology** · 22-07-2013 03:37 PM

انا يا جماعه محتاج اشترى مقصين جداد و مش عارف اجيب نوعهم ايه ومنين و بكام - معلشى انا لسه جديد فى النيسان عامه
تنصحونى اجيبهم منين ؟ و يكون نوعهم ايه و بلد المنشأ يكون ايه - وياريت لو سعر تقريبى

حاجة كمان محتاج اغير التيل لانه بيصفر
اغيره بايه ؟
وهل الخلفى بيتغير ولا بيترجلش ؟

**mikology** · 24-07-2013 07:54 AM

ايه يا رجاله النيسان ؟

**mony10** · 24-07-2013 10:52 AM

انا كنت جايب مقصات تايواني بالتيش والجلب بتاعتهم من حوالي شهرين شغالين كويس الحمد لله وتقريبا كان سعرهم من 350 : 380 مش فاكر السعر بالظبط
بالنسبه للتيل لغير abs كنت جايبه بـ 90 او 80 مش فاكر نوعه بس هو علبتها كان لونها ابيض وكوري وفيه برده نوع تاني اسمه جولد علبته لونها اسود بنفس السعر بيقولو انه كويس والنوعين مش بيصفرو
التيل الخلفي نادر جدا تغييره هو بيترجلش بس وتعرف انها محتاجه تترجلش لما فرامل اليد تكون عاليه ولما يترجلش تلاقي فرملة اليد واطيه يعني مثلا تمسك من ثلاث تكات وانت بترفعها تقريبا

**anasnora** · 24-07-2013 10:57 AM

احسن حاجه تجبهم من التوكيل هما غاليين بس هتريح دماغك انا عملت كده ومحدش يقولك غير الجلب كلام فارغ ..وفى نوعين تايوانى واحد كويس والتانى وحش نصيحه عن تجربه وبهدله العربيه دى مبتقبلش غير الاصلى وبيعييش

**mony10** · 24-07-2013 11:17 AM

الاصلي كان سعره كام وياريت لو فاكر التيواني الكويس نوعه ايه والتاني برده نوعه ايه

**mikology** · 24-07-2013 12:15 PM

يعنى كده الواحد يجيب الاصلى ولا يجيب التايوانى
ولا حضرتك تقصد الاصلى هو التايوانى النضيف ؟
طيب اعرف منين التايوانى النضيف من المضروب - هل ليه اسم معين يتعرف بيه ؟
وهل مفيش يابانى نيسان على طول ؟
ومعلش بالنسبه للمقصات اللى حضرتك جبتها ب 350 -380 دى - دول الجوز ولا الواحد ؟؟ و مكانهم منين ؟
التيل الجولد انا عارف النوعيه دى - ده صينى على ما اتذكر ؟؟ ده بيعيش ؟؟
جربت تيل ريمسا قبل كده ؟؟

**acasper3d** · 24-07-2013 10:10 PM

خليك في التوكيل اضمن التيل الامامي علي ماأتذكر كان حوالي 500 جنية ..... بس المقصات كان 750 جنية للواحد فده ممكن تشوفه من بره :)

**anasnora** · 25-07-2013 11:09 AM

المقصات من التوكيل كنت جايبها بحوالى 1500 جم ..المشكله فالمقص كله هوا الجلبه وانا جربت تركيب الجلب فااااشل ..واعذرنى موضوع النوعين التايوانى ده سمعته من واحد متخصص فالنيسان .. وبلاش تيل الفرامل جولد شيلته مرتين وهو لسه جديد العربيه مكانتش بتفرمل فركبت الاصلى فرق رهيب..

**mikology** · 25-07-2013 07:03 PM

500 جنيه تيل !!
ده سعر تيل المازدا 3 !!
ايه مفيش اقل من كده يا رجاله ؟

**mony10** · 27-07-2013 12:22 PM

المشاركة الأصلية كتبت بواسطة mikology

يعنى كده الواحد يجيب الاصلى ولا يجيب التايوانى
ولا حضرتك تقصد الاصلى هو التايوانى النضيف ؟

لأ في فرق بين الاصلي والتايواني حتى لو نوع نضيف بيس الفكره في التايواني انه اقل في السعر بكتير جدا عن الاصلي الياباني
لو تقدر تشتري الاصلي بفرق السعر الكبير دا طبعا يكون احسن

طيب اعرف منين التايوانى النضيف من المضروب - هل ليه اسم معين يتعرف بيه ؟

مش عارف انا كنت بسال اللي قال ان فيه نوعين تايواني واحد كويس والتاني لأ بس مردش علشان يوضح وبالنسبه للي راكب عندي مش عارف نوعه علشان اقولك عليه

وهل مفيش يابانى نيسان على طول ؟

فيه طبعا في التوكيل وكان واحد من الاعضاء بيقول جابه بـ 1500 جنيه

ومعلش بالنسبه للمقصات اللى حضرتك جبتها ب 350 -380 دى - دول الجوز ولا الواحد ؟؟ و مكانهم منين ؟

الاتنين او الجوز

التيل الجولد انا عارف النوعيه دى - ده صينى على ما اتذكر ؟؟ ده بيعيش ؟؟

الجولد كوري ومجربتوش بس اسمع انه كويس

جربت تيل ريمسا قبل كده ؟؟

انا مركب تيل كوري عندي كويس برده بس مش عارف نوعه ايه ممكن يكون ريمسا او نوع تاني هو العلبه كان لونها ابيض ومكتوب عليها بالازرق وسبب عدم اهتمامي بالانواع لأني كنت عامل الموضوع كله على سبيل التجربه ولو كان فيه حاجه طلعت وحشه كنت هغيرها على طول بالاصلي بس الحاجه طلعت فعلا كويسه جدا ووفرت كتير جدا في فرق السعر بين التوكيل وبره

ملحوظه التيل اللي جربته واللي قالو ان الجولد نوع كويس للعربيات بدون ABS