مشاكل دورة مياة اللانوس لازم الكل يشارك عشان نوصل لحل

الشمكله ديه بتواجه ناس كتير وانا منهم تسريب دوره مياه الانوس
الي اشتريت منه العربيه كان بيستعمل مياه حنفيه فكان في تسريب

اول حاجه تعملها؛
وهيا العربيه بارده زوه مياه وبص من فوق حاول تشوف فيه تسريب
انزل من تحت العربيه حاول تشوف اي تسريب ملقتش حتي لو لقيت حاول تعرف فين مكان التسريب

خدها مشوار او سبها شويه كتير لحد متسخن وبص برده من فوق وبعدين من تحت

لو فيه تسريب لازم هيبان في الحلتين


المشكله بتنحصر في

خرطوم مخروم - كوليه مكسور بيسرب - طبب المياه - القربه - غطاه القربه - طرمبه المياه
الشجره - خرم في الريداتير - جوان وش السلندر - في ماسوره فوق في الماتور ديه تتعمل عند الخراط لو بتسرب لانها بتتباع بلاستيك


ايه الحل لو واحد بيسنتعمل مياه حنفيه وعايز يغير

انا بفكر والله واعلم وياريت الكل يشارك عشان الكل يستفاد وانا كمان


بفكر انزل المياه كلها واحط بدل مياه الحنفيه مياه تكيف هتبقا مقطره ومفياش املاح ومش هتشيل الصدا وبالتالي مش هيلي الريداتير منخل
ياريت الكل يشارك في حل نغير مياه الحنفيه من غير منقصر علي الرداتير

1- ياريت كل الي عنده مشكله وحلها خاصه بدوره المياه يكتبها
2- ايه الحل في تغير من مياه الحنفيه لمياه خضرا

الموضوع ده فيه المفيد
http://www.nilemotors.net/Nile/344792-a.html

اقتباس:

---

المشاركة الأصلية كتبت بواسطة حسام السويدي

1- ياريت كل الي عنده مشكله وحلها خاصه بدوره المياه يكتبها
2- ايه الحل في تغير من مياه الحنفيه لمياه خضرا

---

انا عربيتى شاريها من سنة ونص تقريبا وكانت ماشية بمية حنفية وواجهت المشكلة من اول ماجبتها كمية صداء رهيبة فى دورة التبريد وكل يومين 1/2 لتر مية فعملت غسيل لدورة التبريد وحطيت مية حمراء ابرو امريكى نوع رخيص وطبعا ابتدى يظهر مكان التسريب فى الخراطيم وفى كوعة الترموستات وميزة المية الحمراء انها بتوضح اوى مكان التسريب علشان بتعمل بودرة حمراء فى المكان اللى بيسرب حتى لو مافيهوش تنقيط المهم كل مالاقى تسريب فى حتة اغيرها اخر حاجة غيرتها كان الرادياتير نفسة كان الشرايح اللى فية مطبقة فبتحجز الهواء دلوقتى العربية المية مابتنقص ولا مم وغيرت المية الأبرو دى بمية توتال حمراء بس ممتازة من حوالى شهر ظبطت الحرارة عندى فامتهربش من المواجهه وغير لمية خضراء او حمراء حسب كتالوج العربية بعد ماتغسل الموتور كويس وربنا يقويك !!!

نادر جدا لما حد يشتكي من مشاكل حراره في اللانوس بس عموما الموضوع محتاج متابعه خاصه اذا مكنتش عربيتك من الزيرو

بالنسبة لدورة التبريد: الوقاية خير من العلاج

يعنى امشى على المية الخضراء و حافظ عليها احسن ما تحط مية حنفية و تبوظ الدنيا

اللى بيستعمل مية حنفية هيحتاج ينضف الدورة و غالبا هيحتاج يحط 2 زجاجة خل فى المية عشان تاكر الصداء بعد كدة هيبان معاك اماكن التلف اللى حصلت من استعمال ميه الحنفية و لازم تبداء تعالجها (غالبا بيبقى الرادياتير و طبب الموتور) بعد كدة تتاكد ان مفيش اى تسريب تانى و بعدها تستعمل مية خضراء

المية المقطرة مش هتسبب تراكم املاح لكن هتسبب صداء برضة لدورة التبريد

MMamdouh

شكرا ليكم

بس انا دلوقتي معنديش اي تسريب او نقص وبستعمل مياه حانفيه وعايز اغير
خاف اعمل اغسل دوره المياه واحط مياه خضرا تشيل الصداء والاقي تسريب مكان مهيتشال الصدا

ايه الحل

انت دلوقتى اغسل الدورة وحط مية خضرا عشان لو فية تسريب
هيظهر ادامك احسن ماهيظهر فى وقت مش وقتة

اقتباس:

---

المشاركة الأصلية كتبت بواسطة rotanamasoud

الموضوع ده فيه المفيد
http://www.nilemotors.net/nile/344792-a.html

---

شكرا ليك موضوع فعلا جميل

بس انا دلوقتي معنديش اي تسريب او نقص وبستعمل مياه حانفيه وعايز اغير
خاف اعمل اغسل دوره المياه واحط مياه خضرا تشيل الصداء والاقي تسريب مكان مهيتشال الصدا

ايه الحل